#انحراف_انثى🔞🔞
للكاتبة #zaineb_Ali
٠٠٠٠٠٠البارت الثامن عشر٠٠٠٠٠٠
زوجت وحدة متعرفها وعفت الي تحبها
محمد..حجاية زايدة بعد اركع راسك بالحايط
جنة..اسمعهم يتجادلون والغلط والصياح وفجأة
محمد ضربة وفاككوهم بالكوة طلعت اني وجرني هشام وضل يصيح تعاي ارجعي لبيتج
جنة..عوفني ماريدك اجة محمد وفك ايدة وسحبني وطببوني للغرفة استمر الصياح بيناتهم وهشام يريدني وسوة نفسة يحبني ضليت ببيت عمي تقريبا يومين استحي منهم بس مابيدي شي اهلي يرجعوني لزوجي بس ردت اتطلك منة جاب عمامة وهم مقبلت انهان وانذل حتة ارجعلة ضل يدزلي رسائل حب ويكول البيت فارغ بدوني ومن هل كلام واجة هو وعمامة بعد محاولات
احسان..عمي ارجعي لبيتج وكال ميعيدها واذا عادها نطلكج هذا اخر كلام
جنة..شفت هشام يباوعلي واول مرة اشوف هيج نضرة منة حسيتة صدك حبني خلال الفترة الي عشناها سوة رحت ورة يوم اجة اخذني صعدت للسيارة هو فتحلي الباب ومشغل اغاني وصلنة للبيت هشام متغيرت اطباعة ضل لمدة اسبوع وراها عزمت عمتي وعمي واختة الي همة اهلة
اجوي حظرت اكل من كلشي نوع فرحانة زوجي صار يحبني وممصدكة طبت عمتي سنى وجهه متغير مو ذيج ام ضحكة الحلوة
سلمت عليهم يردون السلام من ورة خشمهم مهتميت كمت صبيت غدة اتغدو ونفس الشي الوجوه متتفسر
سنى..احنة باجر رايحين نخطب لهشام
جنة..شنو يا خطوبة هشام
هشام..امي تريد تخطبلي مثل مسمعتي
جنة..شنو السبب
سنى..صلفة هم الج عين وتحجين ع الي سويتي بأبني خليتي ينذل حالة حال الحيوان الة اجيب فوك راسج ضرة واموتج قهر
جنة..هشام انت تعرف عمي شارط اذا تعيد سوالفك تطلكني
واجت عمتي كرصتني وضلت تحجي
سنى..شوفي لج اهلج راضين وعمج اذا عرف بشي اطيحة لحظج
جنة..هذا شرط وخرت ايدها مني
سنى..غصبا ما عليج ترضين سمعتي
جنة..وخرو من يمي اني اعرف انتو مو اوادم من اول مشفتكم كالبين وجهكم
هشام..لج تغلطين ع اهلي لا لهنا وبس
واجة ضربني وفوتني لغرفتي وحبسني
سنى..اسمعي لج اذا تطلكتي فكري بيها احنة الي سترنة عليج ولو ما ابني جان محد كلبج سمعتي
جنة..اسمع بكلامها وابچي كلة بسبب امي خلت الناس هيج نظرتهم عليه بسبب شي ما الية علاقة بي نهائي
ضليت ع هاي الحالة يومين وثالث يوم اجاني هشام ..اذا مرحتي وية امي تعرفين شسوي بيج مو
جنة..راح اروح وخلي نشوف يا هشام شنو النهاية لك هيج اني رخيصة عندك تبعني علمود وحدة زعطوطة
هشام..اني مشتريج خوش فكري بهاي الكلمة
جنة..الله ليوفقكم
رحت اني وسنى خطبنالة ورة يومين ردو الخبر موافقين
هشام طار من الفرحة واني كظيتها بچي عليه معقولة هيج اني ماعندي حظ لا اهل ولا زوج ما اتمنى الي صار بية يصير لأي وحدة
واتفقو ع حاظر والغايب وصار النيشان رحت بس اخذت قرار ما اهتم لهشام مادام هو باعني ما اريدة رحت بدلت ومكياج وطلعت اخبل والناس كلها تسأل ليش راح يتزوج عايف هل جمال مكدرت اجاوب احد ضليت كاتمة كلشي بداخلي طولت الخطوبة شهرين بس شفت الويل اكثر من مرة ادخل بالغلط ع غرفة مالتي الكاهم بوضع مو مال مخطوبين وانحرج واطلع وهمة يطلعون كأنو ممسوين شي عجبتها غرفتي اخذتها الها وباعو الاخشاب واشترولي جرباية وكنتور وصعدوني فوك ضليت متحملة لخاطر ما انذل اكثر كلت عسى ولعل يتغير بيوم من الايام بس للأسف للأسوء
تزوج هشام هذا اليوم بالتحديد دمر حياتي نساني شي اسمة كرامة ضليت مثل الخدامة تحت رحمتة اعيش بذل اذا اريد اشتري شغلة لازم اذل نفسي واطلبها قبل شهر نبأ بعدتة عني خلتة يكرهني يشوف ابليس ولا يشوفني تعاركنة وطلعت بس اهلي رجعوني عمي مضل يتدخل بسبب ابوية
ضلينة يومية مشاكل اخر شي ضليت احبس نفسي في سبيل ما اطلع ورة ٣اشهر حبلت نبأ وبدت معاناتي من الناس والكل يعيرني ويذب الذنب بية ماكو احد وكفلي تمنيت عندي اخ كبير او عائلة بظهري جانت بس اختي ومتكدر تسوي شي غير الحجي وتواسيني
ورة حمل نبأ زادت المشاكل لان نبأ تتحجج واقل شي يجي يضربني ويهين بية تعبت من الحياة قررت ارجع لدراستي بس مقبل سد كل الطرق من كدامي ضليت عايشة بس جسد بلا روح اجوي خطابة ع اختي وافقو اهلي خوش ولد التهيت وياها واجهز
ونركص تونست كلش
عدة كم شهر وحددو موعد العرس مالتهم رحنة اجرنة بدلة الحنة واختارينة مال عرس سوينة كوشة عرس تخبل وسوسو طلعت تجنن اجو ولد عمامي كلهم متونسين ويخافون ع نسوانهم وع اطفالهم تحسرت وضليت ابجي وكلت بحجة سارة ماكدر مو حسد بس فقدت شي اسمة زوج محاسة هيج شعور واني متزوجة محسيت هشام فد يوم حظني ومسح دمعتي ولا دافع عني دائما اطلع المذنبة جان يهين بية كدام الكل عشت بلا كرامة (هذا الحجي عن لسان البنية تحجيلي وتبجي 💔) والقصة حقيقية نرجع للاحداث
محمد..نسيت جنة نهائي ابني نساني الدنيا وزهراء عوضتني عن كلشي حبيتها بقلب صافي وجنة مكانتها بقت بقلبي بس ماكدر اكسر زهراء
الي وكفت وياية
ابني صار زين وكبر وزهراء بصحة تمام بس رغم هذا من اشوف جنة او اسمع اخبارها انقهر متستاهل هيج شي واني اعرفها كلش زين بنية نقية ماعدها شي
جنة..خلصت حفلة الحنة ونامو واحنة كعدنة نسولف والبنات كل وحدة تحجي عن زوجها اني ضليت ساكتة لان ممسوي شي حلو الية
زهراء..اباوع لعيون جنة بيها هم وحزن وهية بعدها شابة والبنات يحجن وهية بس تسمع انقهرت عليها شفتها كامت ورة شوية كمت وراها شفتها تبچي سألتها شبيج كالت ع اختي انتي مجاي تبجين ع اختج جنة احجي ارتاحي لتضمين بقلبج
جنة..شنو احجي اكو اشياء متنحجي
زهراء..ابقي هيج مهمومة اعرف اني سبب تعاستج رجلج حاربي حاولي تتلكين منة
جنة..حظنتها وضليت ابجي واشهك هية بجت ع حالي تدرين حتة فلوس لملابس منطاني تدرين معيشني بجحيم
زهراء..احجي فظفظي
جنة..لج ماكدر اتخلص منة الة بطريقة وحدة لو اقتلة لو اقتل نفسي كافي تعبت محد كدر يوكف وياية
زهراء..محمد اخوج وموجود يمج
جنة..محمد سبب دمار حياتي هو الي نهة غلية وخلة امي تصرف هيج تصرف
زهراء..شنو
جنة..مثل مسمعتي وحجيتلها
زهراء..صدكيني جان يحبج بس مراد ينزل راس اهلة وكبريائة
جنة..هسة ما نهز كبريائة بس اني الضحية الوحيدة تدرين كلمة جان متفيد لان ماضي واحنة ولد اليوم
زهراء..عفتها ونزلت خليتها ترتاح لوحدها
جنة..من حجيت ارتاحيت بس نزلت شفت نبأ نايمة يم عمتي منتبهت الها موجودة
نمت يم سارة كعدنة الصبح تريكنة ورحنة للصالون سويت مكياجي وية سارة وطلعت تخبل وصلت الزفة شفت هشام واكف برة
وماكو احد وياه ردت اصعد بغير سيارة جان صاحني
هشام..اصعدي يمي المن جاي لعد
جنة..صعدت والطريق كلة تتصل عليه نبأ ويرفض وصلنة للقاعة هلهلا وردح اني مكعدت ابد ردت اضوجهم
نبأ..هشام اريد اكلك شي ع جنة بس توعدني متسوي شي
هشام..احجي خير
نبأ..جنة البارحة باليل جانت فوك بالغرفة نزلت عبالها نايمة اني ورة شوية نزل ولد ويأشر الها
هشام..شنو شجاي تججين يا ولد ومتأكدة من هذا حجيج
نبأ..اكيد متأكدة وضعيتها مو تمام وانت تعرف انت هاجرها واكيد فهمت قصدي
هشام..اش كافي اني اعلمها
نبأ..اوكي
جنة..خلص العرس وطلعنة نريد نوصلهم صعدت بسيارة هشام
اول مصعدت شفت شكلة معصب ساق السيارة بسرعة شبيك ع كيفك
هشام..ولا حجاية تحجين لج تخونيني
جنة..شنو شجاي تحجي
هشام..لتغبين نفسج هاي الدورب مو علية
جنة..اسمعة يحجي وبس يغلط ويصيح بس مفمهمت شنو جان يقصد
هشام انت شجاي تحجي شنو خاينتك
هشام..لج انتي نكستي راسي البارحة نبأ شايفتج وية واحد بالغرفة
جنة..لك توصل بيكم لهل حد لهنا وكافي مليت منك ومن سوالفك تمشيك بالجذب مالتها حرام عليك تطعن بشرفي.
ضلينة نصيح وضربني
جنة..فتحت باب السيارة ورحت اشمر روحي وجان داس بريك ....يتبع
