#انحراف_انثى🔞🔞
للكاتبة #zaineb Ali
٠٠٠٠٠٠٠البارت الثالث عشر٠٠٠٠٠٠
فرح..اجت الجمعة ورحنة لبيت جدي واجة كرار وبيت خالي كعدنة نصحك ونسولف محبيت ابين لكرار اي شي ونامو وانتظرت كرار ينام ونام وانتظرت نص ساعة حتة اتأكد نام ورحت ع كيفي واخذت التلفون وجان يشوفني كرار متت خوف وطلع يتحرك غبي خوفني وفرمتت الجهاز وخليتة يم راسة هههه
فرح.. دزيت رسالة لجنة خلصت المهمة
جنة.. شفت الرسالة ردت اهلهل واركص بس دنيا الليل شكرت فرح ع السوتة نقذت حياتي من هذا الشخص
فرح.. كعدت الصبح فرحانة
كرار..فتحت التلفون لكيتة جديد مفرمت ضليت اصيح من لاعب بتلفوني ماكو احد كال اني
فرح انتي لاعبة بي
فرح..شسوي بي اني
كرار..غير تمسحين صور بت عمج
ام فرح..يا بت عمها شجاي تحجي
كرار..عمة اني جنت مسوي علاقة وية جنة
فرح..كول قشمرت البنية مو غير شي وضلو يحجون عفتهم ورحت للغرفة ارتاحيت هسة شميسوي محد يصدكة
جنة.. صباحو
ناريمان..صباح الخير شهل ابتسامة
سارة..هلا شنو هاي شهل نشاط
جنة..عادي فرحانة
ناريمان..كومن بدلن يلة خل نروح لبيت خالجن
جنة..اهو هم راح اشوف ذاك الغثيث
سارة..امشي خل نبدل
جنة..صعدنة نبدل كل وحدة تختار واحنة نتلابس اني وسارة وصلنة لبيتهم طبينة سلمنة عليهم وكعدنة نسولف ونضحك
هشام..هلا جنة
جنة..هلا هشام
هشام..مشتاقلج
جنة.. ممكن تحترم نفسك اني مثل اختك
هشام..ههههاي هاي منو كلج؟؟
جنة ..عيب عليك
هشام..شوفي جنة انتي الية وبس ومتصيرين لغيري
جنة..لا اريدك ولا اريد غيرك
سنى..شكو شصاير
جنة..ماكو شي حبيبتي
هشام..ماكو شي رجال وخطيبتة
سنى..ههههه امشي ولك
جنة..شكد لزكة
رجعنة للبيت خابرنة عمي ابو محمد كال هذا الاسبوع نخطب لمحمد
تفاجئت شنو يخطبولة واني شنو مو ناهين علية
ناريمان..شنو راح يخلون بنتي معلكة بلا زواج شنو اشو محجيت حسن
حسن..شحجي هذا اخوية الكبير وماكدر اعترض ع. شي
ناريمان..انت واحد ماعندك شخصية وما الك كلمة على احد
حسن..اسكتي كافي هسة صارت عزيزة
جنة..عفتهم ورحت اصلا احسن اني ما احب محمد وهو نفس الشعور
ورة اسبوع راحو خطبولة وبيوم النيشان رحنة البنية تخبل بس حسيت محمد ضايج
محمد..خطبت حتة ابين اني ما اريد جنة بس بداخلي احترك اريدها بس اعرف مراح اسعدها لان هية متحبني واني مستحيل اقبل بهيج شي
خطبت وعيوني عليها فرحانة ولا هامها شي
مرت الاشهر والايام مكدرت اشوف غيرها وصار يوم عرسي الناس كلها فرحانة بالحنة الة اني
جنة..اشتريت فستان طويل للعرس وقصير للحنة لان البنات جوة ولبستة وفليت شعري ومكياج طلعت اخبل
سارة..شهل جمال هسة محمد يغلط بالعروس
جنة.. انجبي ههههه
وطلعنة نهاد. . شنو هل جمال
جنة..عيونج الحلوة وصارت عيني بعين محمد
محمد..مرحبا جنة شخبارج
جنة ..الحمد لله ورحت شفتة حزين كلت معقولة اكو واحد يضوج بيوم عرسة شكد غريب هل رجال اهم شي خلصت منة
محمد..شفتها متت من القهر تمنيتها نصيبي بس للأسف ماكدر ادوس ع كرامتي واني اعرف كلشي عنها ضليت اباوع عليها عادي عدها ممهتمة وصاحوني طلعت وضلينة نركص وخلص اليوم نمت وكعدت الصبح
جنة..ركصنة وحنو محمد ونمنة كعدوني الصبح كلها تشتغل
نهاد..جنة روحي كعدي محمد
جنة..ماشي رحت اريد اكعدة وشفتة نايم شكد حلو هههه ملاك بس بالطبيعة شكلة عصبي ومزعج وهمست محمد
محمد.فتحت عيني ولكيت جنة فوك راسي
نعم
جنة.. شنو نعم اليوم عرسك هههه مناوي تكوم
محمد.. ها اي اكيد اتفضلي اريد ابدل
جنة..شلون بومة حتة محترمني
محمد..ياربي ليش جاي تعذبني بيها خايف خاف اضلم بنت الناس وماكدر احبها
جنة.. كملنة وبدلت وطلعنة لبيت العروس
وزفوهم وكل واحد رجع لبيتة
سارة..هاي العروس شكد لابخة
جنة.. ولج اسكتي ههه خطية
سارة..ومحمد مخروع لان حتة ميضحك
محمد..لا انت يمي واحضنـك واخبط الروحين
ولا انت البعيــد الما الك جيــه
لا سرك مثـل يوسف واشمره ببيـر
ولا اكدر اضـم اليحترك بيــه ...
