#انحراف_انثى🔞🔞
للكاتبة #zaineb _Ali
٠٠٠٠٠٠البارت التاسع عشر٠٠٠٠٠٠
ضلينة نصيح وضربني
جنة..فتحت باب السيارة ورحت اشمر روحي وجان داس بريك واجت سيارة كدامنة انضربنة بيها وراها محسيت بشي نهائي
صحيت يس ع اصوات البجي افتح عيني ماكدر اريد اتحرك ما اكدر بس اسمع صوت بچي وصوت اختي سارة تصيح كعدت جنة
كدرت احرك ايدي وعيوني ماشوف بوحدة منهن والثانية ضعيف وماكدر افتحهن ضليت اصيح ع الدكتور واجاني بعدين كالي اي عصبية يمكن انعمي وماكدر اشوف نهائي ضليت هادئة بس مكدرت لان حالة هشام صعبة وبچتني واذت عيوني
رحت شفتة منتهي ميكدر يتحرك وع اي ساعة يموت امي واهلة يمة ضلو بس يبچون ضلينة ع هذا الحال تقريبا اسبوعين هشام حالتة جانت مو زينة والسايق الثاني مابي شي طلعت اني بس بقة هشام حالتة خطرة واني رضوض وعين وحدة اشوف بيها ضليت استخدم العلاج بس بدون فائدة ورة اسبوع اجانة خبر موت هشام امة تخبلت لان الوحيد عدها وابو ضربتة جلطة ونبأ حالتها تقهر اني صح اذاني وعذبني بس انقهرت عليه واذيت نفسي بالبچي وعيوني صارت اسوء وحتة الي جنت اشوف بيها صارت تغوش عندي جانت عمتي يومية تجي تضربني وتدعي علية صبرت عليها وثاني يوم احت سارة اخذتني للدكتور كال اذا مسافرت للهند وتعالجت تعمى احتاريت شلون اسافر اهلي مستحيل يساعدوني وراها تذكرن هشام وعندي ذهب بعتة كلة وسافرت بس جان الاجور ع الدولة راحت وياية اختي رحنة للهند وصلنة او يوم ارتاحينة وثاني رحت للمستشفى لازم عملية وضلو يحجون وتالي طلع شاروخان واني تحولت اشواريا 😂😂 لا لا كذب (فوك ممتحملين التأخر اتحملو التحشيش 😂😂)
سولي العملية تحسنت بس الوجع جان فظيع مجنت اكدر اسوي شي اذا ادنك مو زين الدوة بموعودة بس جنت لو اتحمل لو افقد البصر نهائي اختي ضلت يمي بس الناس ضلت تلومني لان مسويت العدة وسألت كالو عادي الزم عدة من ارجع ضليت اسبوعين وصارت عيوني زينة احسن من وقت الحادث رجعنة للعراق تلكانة زوج سارة واخذنة للبيت راحت اختي وشفت نبأ حالها يقهر وضلت بالبيت لوحدها مكدرت ترجع لأهلها بسبب زوج امها ميقبل يكللها عندج بيتج ابقي بي ضلينة ثنيناتنة بالبيت صح بالبداية جانت متحبني بس هواي جانت تتخربط وخاصا مكدرت تتحمل فراك هشام ذبلت مثل الورد وجانت ب شهر ٤
نبأ..اريد احجيلج شغلة وسامحيني عليها
جنة..احجي
نبأ..اني هواي تبليت عليج بس جنت ما اتحمل فكرة وجود مرة غيري يم هشام وجنت احرضة عليج
جنة..اني اعرف هذا الحجي وبعد ميفيد راح هشام وعدت اربع اشهر خلصت العدة حبيت نبأ بنية فقيرة وجانت فاهمتني غلط صرنة صديقات هواي ساعدتها بفترة حملها بس جانت تعبانة وكلة توصيني ع ابنها ضلت امها تجيها كل اسبوعين وعمتي دائما تجي بس تدعي علية واكثر من مرة نبأ رادت تكللها هي السبب بس مقبلت لان هي حامل وعمتي يمكن تسوي ردة فعل قوية
سارة صارت حامل وقررت بس اكمل العدة وتجيب نبأ ارجع لدراستي
دخلت نبأ لشهر التاسع بس جانت تعبانة وضلت تطلك معرفت بوقتها شلون اتصرف كالتلي اكو قابلة رقمها بتلفونها اخابرها امها متفقة وياها ركضت جبت التلفون وطلعت الرقم دكيت عليها اجتنة ضليت لازمة ايد نبأ وهي اصغر مني تعبت كلش 😞 اجت القابلة وجيبتها كدامي ضليت ابچي عليها والقابلة مبينة وصخة وغراضها مو معقمة جابت نبأ نزعتها الاسود وهلاهل بس وضعها مو تمام ضلت تقريبا اسبوع وعدها نزيف سألنة القابلة كالت عادي اني مكدرت ابقيها ع هذا الحال خابرت امها واخذناها للمستشفى وطلعت الادوات كلها تلوث وهواي اشياء مسويتها القابلة خطأ ضلت تنزف تقريبا اسبوع وهواي شغل الولد مسجلتة شنو السبب ما اعرف وبيوم هي بالمستشفى شفتها صايرة زركة وحالتها تدهور ضليت اقرة قرأن يمها صارت زينة وسمت ابنها فادي صار عمرة شهر بس حالتنة المادية بدت تصير مو زينة قررنة كل وحدة تروح تعيش يم اهلها ماكو غير حل ماكو راتب او اي شي معين رحت يم اهلي رجعت كل معاناتي القديمة الام ما الها دخل بية وابوية نفس الشي وين ما اروح كلمة ارملة ملاحقتني تعبت واني بعز شبابي وناس تكول بسببها زوجها مات ردت ارجع للدراسة مقبلو تدمرت حياتي اتجألت لغير طرق بديت احب السهر والانتر نت ضليت اضل ساعات طويلة ع نت اتعرف ع هواي ولد احاجي اي احد اهلي معاملتهم الية معاملة خدامة ومرات توصل لميحجي تعرفت ع ولد خلاني احبة بس بدون ميشوفني جنت رافضة فكرة ادز صورتي الة وحبيتة صدك واعترفتلة وع تعارفنة مر شهرين صح الوقت قصير بس جنت بس اسمع كلمة حلوة احس شي حلو لان فاقدة هل شي من تزوجت محسيت بهيج شي وراها ضل يطلب مني صور ... رفضت بالبداية بعدين قنعني انو اتزوجة ع الانتر نت طبعا هو بغير دولة ضل يقنع بية اني اقتنعت وكلت اكيد ميضرني لان هو بغير بلد تزوجتة ع حسب ميحجي ضل شنو يطلب مني انفذ صدكت الجذبة كلش وهو جان ميقبل اسوي شي الة بعلمة
خلاني
انجن بي واحبة حسيتة عوضني عن كلشي ضجت من هاي الوضعية كتلة خلي اهلك يجون يخطبوني وبعدين نرهمها مقبل ضليت اتعارك وياه اسمة حسن شكلة عادي دارس ادارة واقتصاد
حسن..شوفي جنة احنة متزوجين
جنة...انت مقتنع بالي جاي نسوي اكيد حرام
حسن..انتي زوجتي وانتي تعرفين كلش زين واكيد من ارتب اموري اجي للعراق واخطبج
جنة..كتلك بس حجي حتة تثبتلي
حسن..اش كافي
جنة..سكتت طلب مني اتصل بي فيديو ضل يطلب اشياء بالسكايب واني من غبائي انفذ الي يطلبة مجنت افكر بعقلي قلبي جان مسيطر وهو غير نفسيتي وخلاني اعيش بأحلام وردية بس بداخلي اعرف ماكو هيج شي من الاساس
😞 ضليت ع هذا الحال اربع اشهر تعبت وراها سمعت نبأ تزوجت وابنها وياها من واحد اقاربها ضجت لان هي تزوجت واني بقيت وحياتي بهذا الشكل متشتتة ضليت اصر ع حسن بس بدون فائدة
حسن..شوفي جنة تعبتيني وثاني شي كلت لأهل ومقبلو عليج وراح اتزوج بت عمي
جنة..وهسة عرفت ميقبلون ليش شبية وثاني شي اني زوجتك بكل الاحوال
حسن..ههههه انتي شجاي تمسلتين يا زوجتي اني ردت اخذ منج الي اريظة وبس
جنة..شنو انت شجاي تحجي
حسن..اي وباي
جنة..وراها ردت ادزلة مسج مكدرت حظرني مريت بحالة صعبة ماكدر احجي لأي احد ع الي جاي يصير بية اخر شي استمريت بهذا الطريق ضليت يومية احب واحد بس ما انطي شي علية وبيوم تعرفت ع واحد وانطيتة رقمي وطلع اعرفة وراها مكدرت اسوي شي والمشكلة يصير اخو زوج سارة وهددني حجيت لسارة كلشي مكدرت تسوي شي غير نسكت والسيم كارت اكسرة واسكت خطبوني هواي ناس بس جنت ارفض واخر شي ورة متعرفت ع اخو زوج اختي قبلت بواحد كبير بالسن عمرة ٤٥ سنة بس شكلة مبين اصغر متزوج بس زوجتة مريضة تزوجتة وطلع عندة ولد كبار وحياتي وياه صارت جحيم بالزايد ضليت كل ما احاول ارضي ولدة يطلعولي بمشكلة وانحبست بغرفة انحرمت من شي اسمة طلعة ومن التلفون من كلشي لان جان شكاك ويغار علية حتة من ولدة ومرة رحنة لأختي من جابت وجان.
