#انحراف_انثى🔞🔞
للكاتبة #zaineb_ali
٠٠٠٠٠٠البارت السابع عشر٠٠٠٠٠٠
هشام..ها فادج الضحك
جنة..اسمع وماكدر اجاوب جسمي ماكدر احركة
شفتة نام كمت غسلت وبكت المفاتيح من جوة راسة لبست عباتي وع كيف فتحت البيبان وطلعت بسرعة حرت وين اروح واني بنص الليل ماكو مكان اهلي يرجعوني الة فكرت اروح لعمامي بيت ابو محمد وتذكرت طلعت بدون ما اخذ شي والجروح تطلع دم واني مرة بنص ليل شسوي ياربي اذا ارجع يكتلني ازيد من قبل ومحد يرحمني شفت تكسي اخذتة رجال جبير ضل يسولف وياية وفضفضت الة كلشي وابجي وهو بجة علية وع صار وياية (الله يساعدج 😭💔) نزلت وما اخذ مني اجرة وكلي اتطلقي منة هذا مينعدل
وصلت لبيت عمي ضليت ادك بالباب
محمد..نايم يم زهراء وسمعت الباب تندك بقوة
زهراء خوماكو شي
محمد..اكعدي انتي ولكيت اهلي كلهم كعدو طلعت للباب ولكيت وحدة لابسة عباية زينبية وتبجي معرفتها تقربت يمها شميت ريحتها ريحة جنة
منو انتي ليش جاية محتاجة شي
جنة..طولو يلة فتحو الباب ضليت كاعدة ببابهم وابجي ورة ثواني سمعت احد طلع وطلع محمد كال منو انتي
محمد..نزلت يم راسها وشفتها جنة وجاي تبجي طببتها للبيت
جنة..طبيت للبيت مال عمي شفتهم كلهم كاعدين
احسان..خير شبيج عمي
جنة..استمريت بالبجي مكدرت الزم روحي
علي..فظيها شبيج مكعدتنة
نهاد..والله مندري اشو بس تبجي
محمد..اسكتو ثنينكم
زهراء..اباوع للبنية مكسورة الخاطر وضامة راسها
زينب..(زوجة عم جنة وام محمد) خيرج بتي شصاير اجيت رفعت راسها ولكيتها مزوركة
شبيج منو هيج مسوي بيج
احسان..هاي شنو الكدمات منو ضاربح
محمد..اباوعلها وساكت وكلبي يحترك يس ماكدر اكسر مشاعر زهراء
جنة..يحجون وياية وماكدر اجاوب شكللهم
بعد ماشافو الضرب
زهراء..عمي خليها بغرفتي ومحمد ينام هنا
زينب اي احسن حل واجت شاورتني كالت اعرفي شبيها
احسان..باجر الصبح كلشي اريد اعرف
جنة..طبيت وية زهراء لغرفتها شفت طفل نسيت هي حامل وجابت وبلكوة تمشي
زهراء..اكعدي خل اقفل الباب حتة محد يدخل وانزعي الحجاب والعباية
جنة..تدرين جان هسة اني حامل وشهر ثالث بس قتل ابني المجرم
زهراء..ردت اطلعلها ملابس وسمعتها تحجي عن حملها رحت يمها سألتها منو هو
جنة..زوجي تدرين معترف بأبنة يكول خاينتني مجاي تحسين بية لان اني العشتة شوفني الضيم
زهراء..تبجي وتحجي بحرقة قلب مقاطعتها نهائي
جنة..شوفي جسمي ضربني ع مود وحدة تضحك عليه
محمد..اسمعها تون الليل كلة لحد ككعدنة الصبح
احسان..روحو كعدوها خلي نفتهم
زهراء..حجت لحد متعبت ونامت
جنة..كعدت بالليل ع صوت الطفل شلتة وضليت افتر بي وسكت ونومتة شكد حلو ضليت ادعي ع هشام والليل كلة خايفة ليجيني
زهراء..كومي حبيبتي عمي يريدج
جنة..كمت لبست حجاب وطلعت مسوين ريوم واكلت بس صمونة صغيرة مستحية
احسان..شبيج عمو منو هيج ضاربج
جنة..رجلي يضرلني يومية وع اتفه الاسباب
احسان..اهلج الهم علم بهاي الوضعية
جنة ..امي تعرف بس ابوية لا عمي ارجوك طلقني منة ماتحمل بعد
احسان..حاولي تتفاهمين وياه
زهراء..ردت احجي وسكتتني جنة
جنة..قاطعت زهراء ماريد احد يعرف
علي..تتحملين نتيجة غلطج
احسان..لتدخل احجيلي كلشي بنيتي
جنة...عمي زوجوني لواحد سكير ويحبلة وحدة ويريد يزوجها اني اعرف بهل موضوع
ومرة تخربطت ودوني للمستشفى اخذت تحاليل طلعت حامل اجة ضربني لحد مخلاني اخسر الطفل
محمد..اسمع بكلامها ومصدوم معقولة اكو هيج واحد
احسان..اهلج يدرون شمسوي بيج
جنة..عمي امي تعرف بكلشي زوجتني الة علمود متزوجني لواحد من ولدك وناطيتة فلوس
انهاريت انهزت كرامتي كدامهم كلهم مبقالي احد ماعندي سند بهل حياة وين اروح
احسان..عمي انطلقج هذا اخر حجي
جنة..الي تشوفة
محمد..اسمع بحجيهم وصاحني ابوية اتصل ع عمي حسن
اتصلت بي كتلة تعال لبيتنة
جنة..انتظرت ابوية يجي ودخل حجة وياه عمي
حسن..خاي جذابة شاردة من رجلها كبل يومين ويدور عليها
احسان..جنة تعاي
جنة..سمعت عمي صاح بأسمي طلعت
احسان..ابوج يكول رجلج يدور عليج صارلة يومين
جنة..عمي انت شفت حالتي شلونها البارحة من الضرب.
حسن..قابل يجذب
جنة..اي يابة يجذب تدافعلة هو وعايف بتك
واسألو الجوارين
احسان..مصدكج عمي وانتي ما الج رجعة الة
حسن..ترجعين لبيت رجلج ماعدنة مرة تطلق عار تضلين علينة (مع كل احترامي للمطلقة بس هاي القصة وهيج احداثها )
جنة..اني العار ابقة يعني عادي عندك بنتك تنباع وتكوم وتكعد بكتلة والاهانة وكدام الناس عادي من قتل ابني هاي كلها مو اشياء غلط بس اذا حاولت انقذ حياتي اصير مسوية شي كلش غلط
حسن..سمعتيني شكلت مو حجي زايد ماريد وامشي وياي يلة
محمد..عمي اوكف ابوية كال مترجع هية مرايدتة
حسن..لتدخل
احسان..طببن جنة جوة
جنة..طبيت لغرفة محمد وقفلو الباب علية واسمع ابوية يحجي وميقبل يطلكني
احسان..بس نخوفة ونشوفة اكو احد وراها احنة مشامرين بتنة بالشارع
حسن..ما اطلكها لو تموت
احسان..اهدء وافتهم الموضوع محنيت عليها
حسن..هاي احن عليها ام المصايب الله اليعلم يمكن كلامة صح
جنة..اسمع بكلام ابوية واحس مثل خنجر ويجي بقلبي تمنيت اموت ولا سامعة كلامة هذا
احسان..عيب هاي بنتك وعرضك
باجر خل يجي واني اتفاهم وياه
جنة..سمعتهم سكتو اكيد طلع ابوية صاحني عمي
احسان..رجلج راح يجي نتفاهم وياه اذا مصار خوش ادمي اطلكج منة وعد زلم
جنة..جربتة عمي طلكني يموتني كتل ارحموني
احسان..بنتي الطلاق مو شي سهل
جنة..بس احسن من عيشة الذل والضرب والاهانة
احسان..حاولي تكسبي غيري من اطباعة
جنة..مكدرت هو يحب وحدة ويريد يتزوجها
احسان..يجي واني اتفاهم وياهم كومي غسلي واكلي لكمة وجهج اصفر
جنة..كمت سبحت واكلت تحسنت شوية بس الالم مال الضرب بعدة.
زهراء..اباوع لعيون محمد مشالهن من جنة يباوعلها بلهفة وهي مو يمة حايرة بمشاكلها ماكدر اسوي شي الزمن يكدر ينسي جنة ؟
احسان..كولولها اجة رجلها وابوها
جنة..اجت زهراء كالتلي اجة هشام متت من الخوف الله اليستر شراح يحجي
هشام..السلام عليكم عمي
احسان..وعليكم السلام ابني اتفضل
جنة..اسمعهم يحجون وشربو شاي
احسان..احجي ليش هيج مسوي بمرتك مو حرام
هشام..اني ممسويلها شي ومستعد احاجيها كدامكم
احسان..صيحو جنة
جنة..لك انت اكو شي مسويتة بية ضرب ضربتني اهانة هنتني
هشام..من سوالفج
احسان..كلامك وياية
هشام..عمي تجادلني بكلشي
احسان..متوصل للضرب ولهيج درجة
جنة..قتلت طفلي بأي ذنب
هشام..اش هاي اسرار بيتج لازم متحجين بيها
احسان..انت معذبها طلكها
حسن..كلت بتي متطلك
جنة..ما اريدة بعد اسألو اخر مرة ع شنو ضربني وخلة الدم يجري من كل مكام ع مود بنية ضاحكة عليه وتجذب
هشام..اش لج لتحجين عليها
محمد..احترم البيت الي كاعد بية لا اكوملك اكسر راسك
هشام..احجي عدل وتعال علمني
محمد..راح اكوملك
هشام..هم صاير رجال هههه لو بيك خير جان ما تزوجت وحدة متعرفها وعفت الي تحبها
محمد..حجاية زايدة بعد اركع راسك بالحايط
جنة..اسمعهم يتجادلون والغلط والصياح وفجأة...يتبع
