أكثر الناس ينتظرون شيئاً ما ليتغيروا، وآخرون يتغيرون عندما تحدث لهم صدمة، أو تتغير أدوارهم في الحياة، لكن أعظم التغير هو التغيير المقصود الواعي النابع من التأمل والإرادة والشعور بالمسؤولية
...............
يوم الاحد بدأنا دوام ، مرتاحة لأن وسن عدنا ما يضل بالي على جديتي وزنوبة ، اول يومين تعرفون نقضيها استلام درجات والحمدلله درجاتي كلها اول، حمود أصدقاءه يتواصلون وياه هو هم ناجح الحمدلله الأربعاء رح يرجعون لبيتهم لأن تبدي الدروس ووسن تتحضر لدوامها فقررنا منضيع ثانية وحدة اذا ما نستغلها بلعب وضحك ،كبار بس عقولنا صغيرة 😅 راحوا الاربعاء وهذا وسام بعده ما اله حس، واني ماخذه راحتي بالبيت ما البس الحجاب وفرحانه بخلقتي الجديدة والدشاديش الملونة ، الجمعة بابا اتصل على عمو يسأله على وسام وطلع عمو يعرف وينه ، الأفندي أصدقاءه جايين من لبنان ماخذهم لسليمانية ، تذكرت كلامه ويه حبيبته (تافهيين😑) ، السبت كاعدين نتغدى اندگ الباب راح وسيم يفتحه ، بعد دقيقة سمعنا صوته يحجي (هاي وين هالغيبة فكرناك متت ويضحك )
دخل وياه وسام 😮😮😮 اني بدون حجاب ، كمت ركضت للغرفة وبعد استحيت اطلع ، كأنو اول مرة يزورنا ، كملوا اكل والحمدلله ما انتبهو على غيابي جان لازم اطلع اكمل اكل وياهم ، بهيج حالات عادي وسيم يشيل المواعين ويحضر الجاي واني اغسلهم بعدين ، كعدت افكر شوية ومحسيت روحي نايمة ،
# نرجع لوسام #
شتاقيتولي اعرف ، من صارت العطلة امي عزمت اولاد عمي واني رحت وياهم ، ولأن ما أطيق أجواء بيتنا ضليت بالغرفة ، شفت صورة ليندا حسيت اشتاقيتلها اتصلت عليها اول مرة ما جاوبت ثاني مرة جاوبتني جانت بحفلة وية اصدقاءنا، تعاتبنا وحجينا اكثر من ساعتين آخر شي تصالحنا وقررنا نرجع حبيبين مثل اول ، ثاني يوم جوي أصدقاء بابا وبنفس الوقت اولادهم أصدقائي زيارة للعراق ولأن مموجود رحت اني ستقبلتهم واخذتهم لسليمانية اول يومين امي ضلت تلح باتصالاتها غيرت الخط وتواصلي بس وية ابوية، وليندا رجعت صارت جزء من حياتي ، خلصت العطلة وبدأ الدوام صارله اسبوع تذكرت اني جايب رنا واخوانها لبيتنا شلون رجعوا 🤦♂️ استحيت من عمي شلون امن عليهم وياية واني نسيتهم بس اكيد راح يعذرني رجعت السيارة لكراج بيتنا واخذت تاكسي ورجعت لبيت عمي ، دخلت لبيتهم اشوف وحدة عندهم ، استغربت منو هاي وراحت ركض لغرفة رنا وزنوبة ، المهم جانو يتغدون كملوا ووسيم الي اخذ المواعين وحضر الجاي ، غريبة رنا مموجودة ، كعدت وياهم شوية واتصلت ليندا اعتذرت منهم وطلعت للحديقة ضلينا بالساعتين نحجي، آخر كتلها تعبان اروح ارتاح وبليل نتصل ، دخلت المطبخ اشوفها نفس البنت الي شفتها عالغدا رفعت رأسها، تفاجئت بيها طلعت رنا 🙄 حليانه ، هيج الملابس تغير الواحد لا وشكلها صاير كيوت 😋
رنا : (بخجل ) حمدلله ع السلامة
وسام: الله يسلمج شوكت رجعتوا
رنا : (زين تذكرت تسأل) 😅 صارلنا اسبوعين
وسام : اها زين (ما عرفت شنو احجي كتلها ) اخذي راحتج اني رايح للصالة
رنا: اوك، وكملت غسل مواعين ، نظفت المطبخ ورحت ادرس ، بالنهار ادرس بالصالة اخاف جدتي أو جدو يحتاجون شي وهم حتى لا يملون لوحدهم، وسام شوية وطلع لاصدقاءه ، لليل حضرت عشا تعشينا وهم غسلت المواعين ورحت هالمرة اكمل دراسة بالغرفة ، ضليت لل١١ ونص ادرس حسيت رح انام قررت اطلع للحديقة اغير جوا حتى ارجع اكمل ، اني وداقرة بالحديقة سمعت صوت وسام من الشارع يضحك ويحجي بالتليفون .
وسام : والله شتئتلك وشتئت لحضنك
، ،،،، يا ريت بس تعرفي الظروف
، ،،،،، انتي تجي لهون هههه مجنونة بتعمليا والله
،،،، اي بيبي عم شوف صدرك صاير واو ع غيابي ههههه
،،،،،،،، يلا حياتي لازم سكر هلأ منحكي رسايل ، باي بااي باي ياعمري😘😘 سكري انتي (غلقت التليفون واريد اتصل ع وسيم يفتحلي تأخر الوقت ما اريد ازعجهم وكل مرة انسى اخذ نسختي من المفتاح ، حسيت بصوت طقطقة بالحديقة قلت اكيد هذا وسيم خل اصيحه )
وسيم بصوت هادىء، بس ماكو رد رجعت اصيحه مره ثانية شوية وانفتح الباب تفاجئت برنا فتحتلي وكولش ضايجة .
وسام : اها هلا رنا آسف فكرت وسيم الي بالحديقة.
رنا : مرة ثانية من تحجي تليفون انتبه وين واكف وشتحجي 😤 (عافته وراحت )
