أربعة تصبح بها سيداً على قومك هي: الأدب، والعلم، والعفّة، والأمانة
نبدي البارت الثاني، ،،،،،،،،،،،،،،،،،،
هلو اني وسام خل اعرفكم ع نفسي ، عمري ١٧ اهلي تعرفتوا عليهم ، عشت بلبنان ١٠ سنين اول من سافرنا ما كنت احب العيشة هناك ولا أطيق الناس ولا متقبل المدرسة ولا الحياة ، امي جانت دائما تقنعنا سبب سفرنا هو كره عمامي النا ومشاكلهم الدائمة وياها ، بس ما كنت مقتنع ودائما اريد ارجع للعراق واعيش بين عمامي وخوالي لحد آخر ٣ سنوات خلص اقتنعت بالحياة بلبنان وصار عندي هواي أصدقاء من مختلف الدول العربية ، قبل فترة صارت مشكلة مادية بشركة اليشتغل بيها ابوية والشركة قررت تلغي عقودها وية معظم لمهندسين ومن ضمنهم ابوية ، فقرروا اهلي يرجعون للعراق اني ما تقبلت فكرة الرجوع بس مجبور ارجع لأن بابا ما ضل عنده شغل وتعرفون صعب الواحد يعيش بدولة ثانية وما عنده شغل ، المهم قررنا ورتبنا امورنا وبعد فترة رجعنا
يوم الرجعنا ما شاء الله العشيرة ملتمه تستقبلنا😂 ، دخلنا نسلم واحنا اكثرهم ناسيهم ، تعشينا وكل واحد طفر لمكان ، اني وكم شاب من العائلة طلعنا نتمشى بالمنطقة ونأخذ راحتنا من ندخن ، المهم بعد كم يوم استقرينا بمحافظة ثانية وبدينا دوام وابوية سافر لماليزيا بعد ما امن على حياتنا هنا ، بعد فترة بدأت مشاكلي وية امي ، تحرضني على جدي وعمامي على ليش كلهم عندهم سيارات وعايشين حياتهم واحنا لا وهاي كلها من فلوس جدك وورث جدك رح يضيع من ايدينا ما تحملت عفتلها البيت وطلعت ، ما ارضى بتفكيرها بعمامي وجدي ، المهم توجهت لبيت جدي وعمي فواز ، استقبلوني احسن استقبال وقرر عمي اضل اعيش عندهم اول شي ما حبيت الفكرة بس خجلت ارفض بعدين من عشت وياهم شفت بساطتهم وشلون دايرين بالهم عليه ، عمي زوجته متوفية وزوجته الثانية ما شفتها لحد الان يكولون دائما ببيت أهلها جديتي تحضرلهم الاكل والباقي على بنت عمي رنا ، خررب تذكرت موقف صار وياية 😂😂 من وصلنا للعراق سلمت عليها احسبها وحدة من زوج عمامي طلعت بنت عمي بعدين ، تلبس دشاديش جبيرة ولونها غامق هي البنت الوحيدة بالعائلة هيج ما اعرف شنو قصتها ، بس الحق يقال بالتعامل طفلة ، اخلاق ودين وثقافة بس شكلها عادي كولش وابدأ ممهتمه بنفسها شعلية المهم دايرة بالها عليه اكثر من اخواتي وما شاء الله عليها اشوفها تسهر للصبح تدرس بالمطبخ لو بالصالة تكول اخاف ادرس بالغرفة وما احس انام . وزنوبة هاي العسل الي مخلية للبيت طعم ولون ، تشوفني تجيب العابها وتلعب بالساعات وعليها سوالف تجنن ، مروان دوامه معاكس النا ما اشوفه هواية ووسيم طالب طب اسنان تقريبا كل الوقت يدرس ، ضليت ببيت عمي شهرين ماشية الحياة عادي تعودت عليهم وتعودوا عليه ، صار العيد وتجمعوا كرايبنا كلهم ببيت جدي امي من الموجودين كولش ضحت على جيتها ، تضحك وتحجي ولا كانها هي نفسها الحاقدة عليهم وعلى ورث جدي الي بعده عايش ، اول يوم العيد شرفت زوجة عمي حسيت ع رنا انزعجت بس متحجي شي خطية للعصر تجمعنا بالحديقة نلعب ، اشوفها لرنا ما هي رنا الاعرفها وياية كلمتين ما تحجي وية شباب العائلة خاصة حمود منطلقة وضحك وسوالف ، ضجت لأن حسيت احنا بسبب بعدنا عنهم طول السنوات الماضية صارت بيننا فجوة وصعب يتعايشون ويانة على أننا أقرباء، للمغرب تقربت مني رنا تريد جداحة باوعتها صفح وجاوبتها ما عندي ، رجعت سألت حمود وهو يكوللها عيني وهي تكوله فديتك 😏 والله يالله شهللميانة ، نرجع للقصة
رنا تحجي
صار الليل وجينا نفرش اني الاعرفه كلما ننجمع الرجال ينامون بالصالة والنسوان والبنات يتفرقون عالغرف ف على هالاساس فرشت غرفتي وغرفة جدو ورحت افرش غرفة بابا بعدني داخلي اول جولة واسمع صياح سميرة ،
سميرة : شدسويين بغرفتي (بصياح )
رنا : جفلتيني شبيج دافرش للبنات .
سميرة : اطلعي من غرفتي واكسر رجلج اذا دخلتيها مرة الخ ، حيوانة غاب القط العب يا فار مسويتها
رنا : محد حيوان غيرج شجابج هسة جان شبعتي باهلج بعد
سميرة : طولان لسانج وطراااخ ضربتني كف وية الضربة انفتح الباب ودخل بابا ركضت سميرة عليه تعال شوف بنتك تراددني وتريد تمد ايديها
بابا : لزمها من ايديها وكالي اطلعي باجر نتفاهم ورجع لسميرة يبتسم ويكوللها مشتاقلج ومن هالسوالف
كولش اختنكت عفتهم وطلعت مصدومة من كفها ومن تصرف بابا ،رحت كملت فرش فراش وبعدها طلعت للحديقة ، شباب وبنات العائلة متفرقين بكروبات اني رحت كعدت عالمرجوحة لوحدي افكر بالي صار بحياتنا بعد وفاة ماما وزواج بابا من سميرة ، حسيت ع حركة شخص كعد بصفي
وسام : اني بالصدفة سمعت الي صار بينكم بس ما حبيت أتدخل عبالي عمو فوزي رح يتصرف ما اعرف رح يسكت
رنا : (كولش خجلت من كلامه وانزعجت) ما اريد احد يعرف بالي صار
وسام : آسف ما قصدت ازعجج ، طلعت سیگارة ومديتها الها وكتلها تدخنين وابتسمت (اشاقة اريد اغير جو )
رنا: ايي اريد
وسام :(بشقه) طالعة عيونج لج 😏
رنا : ههههههه خرب ببليسك شكلك يضحك من صدوك😂 ، خل اروح انام محتاج شي ؟
وسام : استكان جاي ويه هالسيكارة 😉
رنا : 😑😑
وسام : بمزح معك ولو
رنا : ناقصني اللبناني😏
