ومر ثاني يوم بسلام لليل رنا شافت وسام بالحديقة ، شافتها فرصة تصالحه، سوتلهم نسكافيه رادت تطلع شافت رؤى كالتلها شكرا عالنسكافيه اخذت الكوب واختفت رنا 😏 والله يالله صارلي ساعة احضره اخذت الكوب وطلعت ، حطيته عالميز الموجود كدامه وكلت
رنا : أطيب نسكافيه لاطيب قلب بالعالم
وسام : بدون رد
رنا : اسفة وسام والله مو قصدي ازعجك
وسام : بعده ساكت
رنا : تعرف حياتنا شلونها وانا كل غايتي أحقق حلمي وما اريد شي يضيعلي وقتي وانت تخبث عليه ، واني اعترف ردة فعلي مبالغ بيها ، جد اسفة 😣
وسام : ( انقهرت عليها ) اسامحج بس بكم شرط
رنا : فوكاها 🙄 تفضل
وسام : تعامليني نفس أحمد
رنا : اعتبرك اختي يعني ههههه اوك
وسام : ميخالف اقبل وبعد تدرسيني شوكت ما اريد
رنا : ودروسي 😐
وسام لج بابا متاكد ختمتي المواد انتي ، شوية ثقي بنفسج واستمتعي بالحياة
رنا : امم اوك وبعد شعندك شروط
وسام : شربي نسكافيه
رنا : جايبته الك
وسام : شربي منه 🤨
رنا : ها شربت
وسام : عفيه روحي تغطي زين ونامي ( وشال الكوب وشرب منه ) ومسويتلي بكوبها شو هالكرم معرفتك 😉
رنا : استغفرك ربي 🤦♂️ غير اختك اخذت كوبك ، اروح انام لا ينرفع ضغطي اكثر ، تصبح ع خير
وسام : وانتي من اهلي 😉
رنا: باااايخ
رحت لفراشي الحمدلله ارتاحيت هيج ، يا رب سهل امورنا ووفقنا. حسيت رؤى دتبجي
رنا : رؤى شبيج
رؤى : عندي lab باجر وكل شي ما اعرفله والاسبوع الماضي تصفرت اهئ اهئ
رنا : خل نشوف وسيم بلكي يتذكر منه شي ، ههههه يا اولاد عمو سعيد مكتوبلكم نتعلم التدريس براسكم هههههه ، رحنا لوسيم خطية نعسان بس من شافها تبجي كعد يشرحلها واني وياها، يي شكد صعبة دراستهم دراسته نعمة مقارنة بيهم ، كمللها شرح وكاللها شنو تحتاج تسأله ورحنا كل واحد لفراشه ونمنا ، واستمرت الايام بنفس الروتين لحد ما اجى اليوم الي راحوا بيه بيبي وجدو وبابا للحج راحوا قبل امتحانات نص السنة ب٣ اسابيع، صادف بأسبوع روحتهم انتخابات وعطلنا اربع ايام وجمعة وسبت صارو ست ايام ، البيت اول يوم كآبة ثاني يوم اتصلنا على وسن نعزمها تجينا كالت بشرط تعزمون علي ( خطية من الخطوبة مشايفته) سمعنا مناك صوت حمود يكوللها والله رجلي على رجلج ، وصدك للعصر هم عدنا ، ورؤى ما شاء الله تكفلت بأمور المطبخ كولش شاطرة بالترتيب مو مثلي ما اصدك تصير الاكلة حتى ياكلون واخلص من وجبة هههه ، قرروا اليوم و باجر ماكو سيرة دراسة ابدا ابدا ، ضلينا نضحك ونلعب علي واحمد اقرب ثنين الي دائما احسهم يعطفون عليه واتقبل كل كلامهم وشقاهم، ماخذة راحتي وياهم كولش من جد قضيت احلى يومين بعمري كوله ضحك ولعب مثل الأطفال، اليوم الثالث سألت حمود ع مسألة بالفيزيا ادري بيه شاطر بهالمادة، كعدنا بالحديقة يشرحها الي ، يشرح كلمة ونضحك عشر كلمات بس الحمدلله آخر شي فهمتها للمسألة
