الناس لا ينصفون الحيّ بينهم...حتى إذا ما توارى عنهم ندموا.
نبدي البارت الرابع ،
#وسام ندمت ع كلامي بحفلة الخطوبة عن رنا وما شفتها بعدين حتى اعتذرلها، رح اعتذرلها من اشوفها ، قضيت الشهر الأخير من عطلتي طلعات شغل وية ابوية يريد يعتمد عليه ويدخلني باجواء شغلة لأن مستقبلي مهندس مدني اذا الله سهل ، اختي رؤى طلعلها طب اسنان بنفس محافظة بيت عمي ابو وسيم واني لأن هاي اخر سنة الي بالمدرسة وتعودت على اساتذتي هناك فقررنا نتحول هناك ، بس على ما نشوفلنا بيت على مزاج امي رحنا لبيت جدو (عمي ابو وسيم ) اني ورؤى
بدأنا دوام اليوم وسمعت بجية رؤى ووسام عدنا ، فرحت بجية رؤى يصير تغيير شوية وتسويلي واهس دراسة (ع اساس مقصرة بدراستي اني 😂) اول يوم دوام يوم التعارف من جديد والكلام عن العطلة ، رجعت شفتهم يتغدون، طبعا سميرة هنا متنتظرني تصبلهم على مزاجها شفت عمو سعيد ورؤى ووسام ركضت ع رؤى بوستها وكلت لعمو سعيد حمدلله على سلامتكم ورحت للغرفة غيرت ملابسي ورحت اكل بالمطبخ لحكتني رؤى ضلينا نسولف وناكل وسميرة ما عاجبها الوضع 😐 للعصر عمو راح دخلنا جنط رؤى لغرفتي زنوبة جانت وياية بس بعد هسة تنام وية بيبي ومكانها لرؤى، رتبنا ملابسها والاشياء التحتاجها هي اصلا بعدلها أسبوعين وتبدي دوام بس على جية وسام وتريد تتعود عالوضع اجتي من هسة ، هي دخلت تنام واني كعدت ادرس ثاني يوم الصبح كعدت دخلت الحمام بالطلعة شفت وسام بوجهي ابتسملي ، عفته ورحت لبست وطلعت ، ثواني واسمع صوت وسام يصيحلي
وسام : ( اني انسان مزاجي والبنات يتمنون يحاجوني بس هاي اشوفها غير شكل وتتهرب مني ، اول من اجيت هنا جانت عالاقل تحجي مرات أو تساعدني بدراستي هسة متغيرة ، تذكرت لازم اعتذر منها لبست وبسرعة لحكتها احسن شي اوصلها للمدرسة ) رنا
رنا :( نداريت شفته ، انتظرته تقرب اشوفه شنو يريد )
وسام : صباح الخير 🙂
رنا : صباح النور ، شكو
وسام : ماكو شي اريد امشي وياج ، عندج مانع
رنا : لا براحتك (ومشيت )
وسام : رنا اعتذر عن الي صار بحفلة الخطوبة
رنا : ما صار شي
وسام : رنا انتي ليش تغيرتي هيج ، جنت احس روحي غالي عندج هسة تتجاهليني
رنا : ابدا متغيرت، انت الي تغيرت من يوم ما تصالحت وية حبيبتك، وحاليا مشغولة بدراستي ما عندي مجال اضيع وقت على أحد 🙂
وسام : أخ يا ربي ذكرتيني بالدراسة 🙄
رنا : يلا رح اكمل منا لوحدي باي
وسام: باي (كملت لوحدي ، يمكن حقها ليندا تحجي هواية وكل وقتي جان يضيع وياها، لازم انساها واكمل حياتي طبيعي )
