رواية عاشق الروح

الفصل الثالث

في مكتب يوسف بالمستشفى

كان يوسف جالسا في مكتبه وامامه سيلا وكارما وعلامات التوتر بادية عليهما

يوسف: بصو بقى يا بنات....... انتو بقالكو شهر هنا في المستشفى دي....... وفي الشهر ده انتو اثّبتو كفاءه كبيره جدا في شغلكو......... كفايه انكو قدرتو تعالجو اصعب حاله عندنا في المستشفى...... المريض اللي كان هنا بيتعالج من الاكتئاب بسبب خيانة مراته ليه

سيلا: ميرسي خالص يا دكتور...... دا طبعا بفضل ربنا اولاً وبفضل توجيهاتك لينا ثانياً

كارما: اومال يا دوك........ وبعدين لولايا انا كان زمان سيلا محتاسه مع المرضى اللي هنا

سيلا: كارما عيب كده

يوسف: يا سيدي على الغرور........ هنشوف بقى اذا كان غرورك دا هيفضل زي ما هو بعد ما تستلمو المريض الجديد ولا لا

كارما: زيه زي اللي قبله يا مستر....... مش هيفرق عنهم كتير........ ومش هياخد معانا اكتر من اسبوع

سيلا: استني انتي بس يا كارما......... مريض مين ده يا دكتور؟؟؟؟

يوسف: مش كنتو عايزين تعرفو سر الاوضه 1408 وليه انا نبّهت عليكو محدش يقرب منها

سيلا: الصراحه اه........ والفضول هيموّتني من ساعتها اعرف ايه اللي فيها

يوسف: عارف........ وعارف كمان ان في ناس افترضت حاجات مش صح عنها ودبّستها فيا

قال يوسف كلماته الاخيره وهو ينظر الى كارما وقد اكتست حمرة الخجل وجنتيها

يوسف: المهم عشان مطوّلش عليكو..... تعالو معايا

توجه بعد ذلك كلا من سيلا وكارما ويوسف

الى الغرفه 1408 ......... الغرفه الغامضه

وقبل ان يفتح يوسف الباب نظر الى الفتاتان وقال لهما

يوسف: قبل ما افتح الباب عايز اعرّفكو حاجه....... الحاله اللي هورّيهالكو دلوقتي مفيش حد في المستشفى كلها يعرف عنها حاجه.......... انتو اول ناس هتشوفوها وتتعاملو معاها......... ومش عايز حد في المستشفى يشم خبر بالحاله دي........ مفهوم؟؟؟

سيلا: مفهوم يا دكتور

كارما: مفهوم يا دكتور

وما ان انتهى يوسف من اعطاء التعليمات للفتاتان حتى فتح باب الغرفه ودخل وورائه الفتاتان وصعقت سيلا مما راته امامها