رواية عاشق الروح

الفصل الثاني

في مستشفى الروح

كانت كلا من سيلا وكارما تتابعان العمل في المشفى بكل همة ونشاط

وكانت سيلا في قمة سعادتها وهي تتابع عملها

فهي اخيراً قد وجدت العمل التي طالما تمنّته منذ سنين

اما كارما فقد كانت ساخطة بشدّه على هذا العمل

فقد تمنّت ان تعمل في هذا المجال بشكل مستقل دون تلقي اوامر من احد

سيلا: اخيرا يا كارما اشتغلنا..... لا وكمان في المجال اللي احنا بنحبه وسط المرضى النفسيين....... انا مبسوطه اوي

كارما: يا ستي مبسوطه على ايه انتي كمان...... دي شغلانه تقرف وتقصر العمر..... بقى بعد سنين الكليه دي كلها...... واستحملت قرف الدكاتره ورخامتهم...... وطلعت الاولى على دفعتي....... اجي في الاخر واخدم المجانين

سيلا: متقوليش عليهم مجانين...... دول مرضى نفسيين

وبعدين انتي متضايقه من ايه انا مش فاهمه؟؟؟

كارما: طبعا مش فاهمه...... وانتي هيهمك في ايه...... بقى انا كارما ابراهيم ييجي واحد على اخر الزمن يضربني على قفايا ويقولي عملتلك نوك اقعي على الارض
سيلا بضحك: مش قادره يخرب بيتك........ هموت من الضحك...... وانتي عملتي ايه؟؟؟؟

كارما: ودي عايزه كلام..... اديته head shot طبعا

سيلا: سيبك من ده كله........ انا اللي هيجنني فعلا من ساعة ما اشتغلنا...... ليه دكتور يوسف قالنا نبعد عن اوضه 1408؟؟؟؟

كارما: يا ستي احنا مالنا..... تلاقيه كان سهران امبارح مع واحده من اياهم ومخبيها في الاوضه دي

سيلا: اخص عليكي متقوليش عليه كده......... دا باين عليه طيب وابن حلال و.........

كارما: ما خلاص بقى يا سيلا....... هو احنا هنناسبه؟؟؟؟

سيلا: في ايه يا كارما انا مقصدش كده....... وبعدين انتي زعلانه ليه...... اوعي تكوني بتغيري

كارما: ناااااااعم............. انا اغير....... وعلى مين.... على البرص الجعان اللي عامل علينا دكتور ده...... انتي مش شايفه منظره عامل ازاي........ وبعدين انتي اكتر واحده عارفه قد ايه انا بكره الموضوع ده....... كفايه اللي حصلي قبل كده

قالت كارما هذه الكلمات وهي لا تعرف ان يوسف كان يستمع والدموع تتساقط من عينيه