رواية عاشق الروح

الفصل السادس

في منزل هاني

كان هاني جالسا في غرفة المعيشه مع كلا من مجدي وعماد

هاني: هاااا يا اولاد....... طمنوني عملتو ايه

مجدي: كله تمام يا عم هاني....... فتحي دلوقتي متراقب 24 ساعه وهو ولا حاسس بحاجه.......... ودي كل التسجيلات اللي معانا ليه........ ولسه في تاني بس على الفلاشه........ وهجيبهالك بالليل

هاني: عال اوي....... وانت يا عماد

عماد: كله ماشي زي الفل يا عم هاني....... مكالمات فتحي والشات بتاعه بقى تحت ايدي........ وكمان عرفت اجيب اللي كانت موجوده في حفلة عيد الميلاد اللي دمر ادم....... وبرضو قدرت اوصل لسواق النقل اللي خبط ادم وحاليا هو بايت في التخشيبه.......... وطبعا كان سهل عليا اطلع منه كل الاعترافات اللي عايزها

هاني: برافو عليكو يا اولاد........ انا متشكر ليكو جدا على وقفتكو جنبي دي......... جميلكو ده عمري ما هنساه وهيفضل دين في رقبتي

مجدي: متقولش كده يا عم هاني....... ادم ده اخونا قبل ما يكون صاحبنا........ وياما وقف جنبي وانا في اعز لحظات انهياري....... معقوله لما تيجي الفرصه عشان ارد عُشر جمايل ادم عليا مستغلهاش

عماد: وهو ليه جمايل عليك انت بس يا عم مجدي......... دا جمايله عليا مغرقاني وعايش بيها لغاية دلوقتي........... كفايه ان هو اللي خلاني اعدي من مرحلة الادمان اللي كنت فيها....... وهو اللي عالج اختي من الاكتئاب بعد ما خطيبها سابها....... عايزني بعد كل ده اتخلى عن ادم وهو في محنه زي دي...... دا انا ابقى هفأ لو عملت كده

هاني: بجد مش عارف اقولكو ايه........ ربنا يخليكو لبعض ويحققلكو اللي بتتمنوه

مجدي: امين يا رب......... بس كده فاضل حاجه احنا مش عارفين نعملها

هاني: ايه هي؟؟؟

عماد: احنا عرفنا ان فتحي محتفظ بكل سجلات التعاملات بتاعته على اللاب توب بتاعه....... وللاسف محدش فينا عارف يهكره

هاني: يادي الحظ....... طب والعمل ايه؟؟؟

مجدي: مش عارف...... ربنا يسهل

*****************

في سيارة يوسف

كان كلا من يوسف وسيلا وكارما جالسين في السياره والقلق بادٍ على وجوههم

وعلى الرغم من صمت الالسنه بين ثلاثتهم الا ان عقولهم وقلوبهم لم تكن صامته على الاطلاق