في منزل باحد الاحياء المتوسطه
كانت سيلا جالسه على سريرها تتصفح الانترنت بحثا عن وظائف وهي تستمع الى اغاني كوكب الشرق
نسيت النوم وأحلامه
نسيت لياليه وأيامه
بعيد عنك حياتي عذاب
ما تبعدنيش بعيد عنك
ما ليش غير الدموع أحباب
معاها بعيش بعيد عنك
وغلبني الشوق وغلبني، غلبني، غلبني
وليل البعد ذوبني، ذوبني، ذوبني
ومهما البعد حيرني
ومهما السهد سهرني
لا طول بعدك يغيرني
ولا الأيام بتبعدني بعيد، بعيد، بعيد عنك
كانت سيلا تستمع الى كلمات الاغنيه والدموع تتساقط من عينيها كقطرات المطر مما منعها من اكمال ما كانت تفعله
سيلا: وحشتني اوي يا حبيبي..... مش قادره انساك ولا ابعدك عن عقلي وقلبي بعد كل السنين دي ......زمانك دلوقتي قاعد ومبسوط مع مراتك وبتضحك وبتهزر ...... وانا بتمنى من كل قلبي انك تكون مبسوط معاها..... سلام يا عشقي
قالت سيلا هذه الكلمات وعيونها تذرف الدموع بغزاره وقلبها ينزف من الم الفراق
فحُرقة القلب اسوء بكثير من الموت
قطع صمتها صوت طرق باب غرفتها فمسحت دموعها بسرعه
سيلا: ادخل
شخص: حبيبة بابا قاعده بتعمل ايه ناااو؟؟؟
سيلا: ابدا يا بابا.... قاعده شويه على اللاب بدور على وظيفه في مستشفى ..... مانا من ساعة ما اتخرجت من الكليه وانا مش لاقيه شغل
الاب: متقلقيش يا حبيبتي ..... ان شاء الله ربنا هيحلها من عنده ...... مع اني انا قلتلك قبل كده اني مش عايزك تتعبي نفسك ..... مانا اهو موجود ولسه مموتش
سيلا: بعد الشر عليك يا بابا متقولش كده ربنا يديك طولة العمر ...... انا بس حبيت اخفف من عليك شويه واساعدك
أنت تقرأ
رواية عاشق الروح
Storie d'amoreالمقدمه:- فبرغم جميع حرائقه، وبرغم جميع سوابقه وبرغم الحزن الساكن فينا ليل نهار وبرغم الريح وبرغم الجو الماطر و الإعصار الحب سيبقى يا ولدي أحلى الأقدار
