“မင်္ဂလာသတို့သားတို့ မင်္ဂလာနေရာမွန်မှာ နေရာယူနိုင်ပါပြီခင်ဗျာ”…
မောင်နှင့် y လည်း Corner Sofa အဖြူရောင်လေးတွင် ထိုင်လိုက်သည်…
“အစီအစဉ်အရ မင်္ဂလာသတို့သားတို့ဟာ မင်္ဂလာနေရာမှာ နေရာယူလို့ ပြီးပြီမို့ မင်္ဂလာမော်ကွန်းဝင် မင်္ဂလာအောင်စံပယ်ပန်းကုံး ချီးမြှင့်ပေးမယ့် အစီအစဉ်ပဲဖြစ်ပါတယ် ခင်ဗျာ… မင်္ဂလာအောင် စံပယ်ပန်းကုံး ကိုင်ဆောင်ပေးမယ့် ညီလေး ဇွဲယံ ကို စင်မြင့်ထက်သို့ ချစ်ခင်စွာ ဖိတ်ခေါ်အပ်ပါတယ်”…
ရှပ်လက်ရှည်အဖြူကို style pant နှင့် တွဲဝတ်ထားသည့် သွားတက်ကလေးနှင့် ဇွဲယံ က မင်္ဂလာအောင်စံပယ်ပန်းကုံး ကိုင်ဆောင်လာကာ လျှောက်လမ်းမှ စတိုင်ကျစွာ လျှောက်လာပြီး စင်ပေါ်တွင် နေရာယူတော့သည်…
ဇွဲယံ စင်ပေါ်ရောက်သည်နှင့် မောင်နှင့် y ထိုင်နေရာမှ ထလိုက်သည်…
“မင်္ဂလာသတို့သားတို့ကို မင်္ဂလာအောင်စံပယ်ပန်းကုံး ချီးမြှင့်ပေးပါရန် သတို့သား ထွဋ်ဟိန်းမောင် ၏ မွေးသဖခင်… Chairman of Liel Group အန်ကယ် ထွဋ်အဂ္ဂထက် ကို စင်မြင့်ပေါ်သို့ ရိုသေလေးစားစွာ ဖိတ်ကြားအပ်ပါသည်…”…
မောင် ၏ ဖေဖေ သည် အသက်အရွယ်နှင့် မလိုက်အောင် နုပျိုလွန်းလှသည်… ရွှေအိုရောင်ဆံပင်ကို အနောက်ကို သပ်တင်ကာ တင့်တယ်သော နဖူးကို ပေါ်လွင်ထားစေသည်… အမည်းရောင် style pant ကိုမှ Sky blue အရောင် coat လေးနှင့် တွဲဖက်ဝတ်ဆင်ထားသည်မှာ လူငယ်လေးလေအလား... အားကစားလိုက်စားပြီး စိတ်ပျိုကိုယ်နုသဖြင့် အဆီပိုမရှိသော ကျစ်လစ်သည့် body မှာ မောင် နှင့် ယှဉ်ရင် ညီအစ်ကို တွေအလား...
အရှိန်အဝါကြီးမားသော ဒယ်ဒီကြီးကို သူ၏ escort နှစ်ယောက်ကာ ခြံရံကာ စင်ပေါ်ထိလိုက်ပို့ပေးသည်… y တို့ရှေ့ ရောက်ရှိလာသော ဒယ်ဒီကြီးကို မောင်နှင့်y လက်အုပ်ချီကာ အရိုအသေပြုလိုက်သည်… ဇွဲယံကမ်းပေးသည့် အောင်စံပယ်ပန်းကုံးကို တစ်လှည့်စီ Y တို့ကို ဆင်မြန်းပေးသည်…
ကိုသူရိန်ဘေးနားရပ်နေသော အာဝါးတွေကို ဒယ်ဒီကြီးကခေါ်ကာ… “မြေးအာဝါးတွေ… ဖိုးဖိုးဆီလာ… အောက်မှာ မုန့်သွားစားမယ်”… မြေးနှစ်ယောက်လက်ကို တစ်ဖက်စီဆွဲကာ စင်ပေါ်မှဆင်း၍ သတ်မှတ်နေရာတွင် ထိုင်လိုက်ကြသည်…
ESTÁS LEYENDO
Falling in love with you
Romanceလိုရင္းေရာက္တဲ့ ခ်စ္ျခင္းေတြနဲ႔ လိုရင္းေရာက္ခဲ့တဲ့ မဂၤလာဧည့္ခံပြဲေလးက စာဖတ္မိသားစု အတြက္ Ideal type ေလးျဖစ္မွာပါ လိုရင်းရောက်တဲ့ ချစ်ခြင်းတွေနဲ့ လိုရင်းရောက်ခဲ့တဲ့ မင်္ဂလာဧည့်ခံပွဲလေးက စာဖတ်မိသားစု အတွက် Ideal type လေးဖြစ်မှာပါ
