كذبة

البـــ{9}ـــــارت

هاااي
كيفكم ؟

حبيت اشكركم على التفاعل بالبارت اللي راح ممرررهه شكرا 🥺

واتمنى التفاعل يزيد اكثر بالايام الجاية 👈🏻👉🏻🌝💞

فيه ملاحظة :
اكتشفت اني انسانه غبيه ..
يوم كنت اسوي تعريف على عائلة ابو سعيد كنت كاتبه الولد الاوسط اللي عمره 21 كان اسمه نواف .. وانا نسيت وكتبت عزام لأني كنت محتاره بين اسم نواف وعزام واخترت نواف بس نسيت وحطيت عزام ..( يارب فهمتوا شرحي البنقالي) الزبده يعني نواف هو عزام وعزام هو نواف .. والاسم اللي ثبتت عليه هو نواف .

وبس والله 🤓💞

علقوا بين السطور يعني اذا ودكم 👈🏻👉🏻🌚♥️

معليش طولت عليكم ..
لتس قو .. 🙂🖤
_________________________

........ - رهف شتسوين هنا !!!

التفتوا كلهم وشافوا فيصل يناظرهم بنظره غريبة تخوف .. رهف انربط لسانها وما عرفت وش تقول ..

نواف حط ورقة في يد رهف بدون ما يحس فيصل

رهف مشت على طول وسحبت على فيصل اللي يناظرها بحقد والشرار يتطاير من عيونه ..

فيصل مسك ياقة ثوب نواف وهو يحكك اسنانه ببعض بغضب : وش قلت لها ياكلب !!

نواف ضحك ووخر يدين فيصل عنه وقال ببرود :
ابد والله ما قلت لها شي

فيصل شد اكثر على اسنانه بحقد :
عزام بلا استهبال (وصرخ) وش قلتت لها ..!!!؟

نواف (بابتسامة):
شدعوه وش بقول يعني ؟؟

فيصل - انت تدري وش بيصير لك لو علمتها صح ؟

نواف (بلع ريقه وشال عينه عن عين فيصل) :
ايه اكيد اعرف ...

فيصل( وهو رايح) - خلني اشوفك تكلمها مره ثانيه.. موتك بيصير على يدي .. وانت عارف اني اذا قلت شي اسويه .

-
-
-

(عند رهف )
دخلت عند الحريم منزله راسها وباين على وجهها التوتر ..

ريفال انتبهت ان رهف فيها شي
- رهوف شفيك

رهف - هاه لا يا قلبي ما فيني شي ،، عن اذنك بروح دورة المياه (وقامت)

راحت للحمامات غسلت وجهها وقاعدة تستوعب وش صار تو ..

جلست تفكر وش بيصير بعد شوي .. وش بيسوي لها فيصل ؟

جاء الليل وتعشوا واتصل خالد على رهف وقالها تطلع .. طلعت وركبت مع اخوانها ..

ماتكلموا لين وصلوا البيت .. دخلت وراحت لغرفتها علطول ، ماتبي تقابل فيصل ولا تكلمه بعد اللي صار قبل شوي ..

رمت نفسها عالسرير وجلست تفكر ،، وش كان نواف بيقولها ؟؟ تمنت لو ان فيصل تأخر دقيقه وحدة بس عشان تعرف وش مخبين عنها اخوانها !!؟

كانت منزله راسها تفكر ، قطع تفكيرها صوت الباب وهو ينفتح بقوة .. فزت ورفعت راسها ومثل ما توقعت كان ...
فيصل..!

قرب منها وحط عينه بعينها وقال بحدة -
رهف بدوون مشاكل وهواش .. علميني وش قال لك الزبالة ابن الكلب ذاك !!؟

بلعت ريقها وقالت بتوتر - م..ما قال شي

وبحركة سريعه مسك كتفها وضغط عليه بقوه وصرخ - انا قلت لك ما تكذبين علي !!!

رهف تجمعت الدموع بعينها - والله ما قال لي شي !

فيصل بحدة - وليش كنتي واقفه معه هناك اجل !!!؟؟ ههه ولحالكم بعد وتبيني اصدقك ..

رهف (تحاول توخر يده عن كتفها بألم)- اتركني طيب !!

فيصل ( شد على كتفها اكثر) - جاوبيني !!

رهف - اااااه الله ياخذك وش تبي انت خير ان شاء الله انجنيت !؟ وخر يدددكك!!

فيصل ( وخر يده عنها وحط يده على عيونه وجلس جمبها ) - وش سويتي فيني انتي ..

رهف ( تتحسس كتفها بألم والدموع بعينها) - لا لا لا جد انت مو فيصل اللي اعرفه ..

قام من عندها وطلع بسرعه وصك الباب بقوة ..

هي قاعدة تحاول تستوعب وش صار تو .. وش فيه فيصل كذا !!؟
وبنفس الوقت تبكي .. وتتألم من كتفها

دخلت للحمام تتروش وشالت ملابسها وشافت على كتفها علامه بنفسجيه  ..

استرخت بالبانيو ( حوض الاستحمام ) وحست انها ارتاحت .. لبست فوطتها وطلعت من الحمام ..

طلّعت لها ملابس وجلست على السرير تتحسس كتفها بألم ، وصارت تحرك يدها بصعوبة بسبب فيصل اللي جن جنونه .. تنهدت وانسدحت على السرير بمنشفتها .. جلست تفكر بأشياء كثيرة ، وعندها اسئلة كثيييرة مالها اجوبه

وش هالشي اللي اخوانها مخبينه عنها ؟؟

وش فيه فيصل كذا تغير فجأة ؟؟

وش سر الكلمات الغريبة اللي هي ملاحظتها عليه ؟؟

وش كان بيقولها نواف ؟؟

قامت من السرير ووقفت جمب دولابها .. وقبل ما توخر فوطتها عن جسمها حست بشيء ورا ظهرها ..

شهقت بصدمه يوم شافت .....

ستوووووب ...👻

الى هنا نوقف ونكمل بالبارت الجاي ان شاء الله 🤓♥️
________________

رأيكم بالبارت ؟؟

توقعاتكم ؟؟

تحبون اسم نواف ولا ارجع لعزام ؟؟

اسعدوني بتعليقاتكم🌝💞