Actor Oh and Manager Kim ⟨⟨Hiatus⟩⟩

>10<

Unicode

ပူသည်..အတော့်ကိုပူသည် (+_+)

Jongin တို့ရောက်ရှိနေရာနေရာကား အိန္ဒိယတောင်ပိုင်း မထင်မရှားရွာလေးတစ်ရွာတွင်ဖြစ်သည်။

အတော်ခေါင်သည့်ဘက်ကျတာမို့ ဟိုတယ်တို့ တည်းခိုဆောင်တို့မရှိပဲ အိမ်အလွတ်တစ်လုံးတွင်ရုပ်ရှင်အဖွဲ့သားများကိုနေရာချထားပေးသည်။

နေရာအခတ်အခဲကြောင့် Sehun သည်လည်း ယခင်ရိုက်ကွင်းများလို သီးသန့်နားနေဆောင်အဆင်မပြေတာမို့ အားလုံးနှင့်အတူသာတည်းခိုရသည်။

သို့သော် Sehun နှင့် Jongin အတွက်တော့သီးသန့်အခန်းရပေသည်။ အခန်းဆိုပေမယ့်တံခါးရွက်တပ်ထားတာမျိုးမရှိပဲ လိုက်ကာတစ်ခုသာတပ်ထားတာဖြစ်သည်။

တစ်ပတ်ခန့်ကြာမှာမို့ အထုပ်အပိုးသည်လည်းနေရာယူပေသည်။ ဒါ့အပြင် အိမ်ကကျယ်ဝန်းပေမယ့် အိပ်ခန်းကသုံးခန်းသာပါတာမို့ Jongin တို့ကတစ်ခန်း၊ ခေါင်းဆောင်မင်းသမီးကတစ်ခန်း နှင့် ကျန်အမျိုးသမီးဝန်ထမ်းများကတစ်ခန်းဖြစ်သည်။

အမျိုးသမီးဝန်ထမ်းများသည်လည်း ခုနစ်ယောက်ခန့်ရှိသည်ဖြစ်ရာ သူတို့အဆင်ပြေစေရန်အတွက် သူမတို့အဝတ်အစားများကို မင်းသမီးအခန်းတွင်ထားရပြီး မိတ်ကပ်ပစ္စည်းများကိုတော့ Jongin တို့အခန်းထဲထားရတာမို့ နောက်ဆုံးမတော့ Jongin အခန်းလေးကား make up room အဖြစ်ပါသုံးရတော့သည်။

ဒါတောင်သရုပ်ဆောင်က ခေါင်းဆောင်မင်းသား၊ မင်းသမီးအပြင် တစ်ခြားမပါတော့သည်မို့။

အဟုတ်ပါပေသည်နေရာမှာ ရိုက်ရမည့် scene များတွင် ခေါင်းဆောင်မင်းသားမင်းသမီးတို့၏ scene များသာ။

ယခုနေ့လည်ဘက်နေအရမ်းပြင်းတာကြောင့် ရိုက်ကူးရေးခဏရပ်ထားရသည်။

Jongin ကတော့ကြမ်းပြင်တွင်ခြေပစ်လက်ပစ်ထိုင်ရင်း ယပ်တောင်တစ်ချောင်းနှင့် အပူဒဏ်ကိုအံတုနေသည်။

လျှပ်စစ်မီးမရပဲ ညဘက်ရောက်မှသာ မီးစက်နှိုးကြရသည်အထိခေါင်တာမို့ အဲကွန်းဆိုတာဂျိုနဲ့လားပင်ပြန်မေးရမည့်အနေအထားတွင် ပန်ကာလည်းမရှိတာမို့ ယပ်တောင်သည်သာ အဖိုးတန်ပစ္စည်းဖြစ်လို့နေသည်။