صباح النور انا هكون راوي الحكايه مبدأيا اعرفكم بنفسي ..
إيكيز 🙋 محاميه لسه متخرجه جديد عندى 21 سنه مش عارفه اوصفلكم شكلي بس شكلي دا هو سبب كل مشاكلي اللي حصلتلي في الفتره دى ...
طبعا تسمعو عن مقولة يخلق من الشبه اربعين ..انا بقا رقم واحد في الاربعين شبه لسوء حظي المهبب شكلي كان سبب تعاستي .... علطول مش هطول عليكم انا هخلي ناصر يحكيلكم كل حاجه اتفضل ..
السلام عليكم .. انا 26 سنه دكتور متخرج جديد قسم تشريح ..
طبعا مش محتاج اوصفلكم شكلي بس اهو اقول انا شكلي اي بالمره انا شعري اسمر طويل ملامحي منحوته شويه.
ازاي!؟
لو سمحتي متدخليش ممكن
لا هتدخل بصو انا هوصفلكم شكلو احسن
اتفضلي اوصفي يا غلطة عمري
افندم
اوبس ااااقصد يا عمري بس انتي سمعتي غلط
احم تمام هنتحاسب بعدين مش قدام الناس هاا المهم ناصر عيونه بني غامق فيها صفاء اللون البني بتلون في الشمس بلون العسل الصافي .. انفه طويل مناسب طول وجهه ذو بشره برونزيه جميله جدا .. عريض الظهر وعندو عضلات طبعا ووسيم اووي يعني وانا كدا بعاكسو عارفه بس هو يتعاكس الصراحه
احم يا مدام انا اللي مفروض اعاكس مش انتي
لا استنا انا مخلصتش عندو دقن كيوت كدا .. خلصتي ..
اها
طيب تمام اكمل بقا معرفتي بإيكيز بسبب حادثه غريبه لا وكمان البنت دى كانت سبب كرهي لكل البنات الحمد لله ..
شكرا شكرا
إيكيز هتسكتي ولا تطلعي برا
اووف حاضر خلاص هقوم اجيب حاجه اشربها يلا باي
اكمل بقا في يوم كنت مخلص محاضرتي الاخيره وخلاص معتش شايف قدامى بقالي تلات ساعات في محاضره دنا لو بولد واحده كانت سبعت المهم في اليوم دا كان المطر ماشاء الله تحفه كل هدومى اتغرقت مياه والحظ بقا ان عربيتي كانت مركونه في اول الشارع وانا بعيد عنها اووى فقررت اتمشي في الشتاء لا لحظه انا مكنتش ناوي اتمشي بس اللي شوفتو قدامى ونا بجري من الشتاء خلاني اتمشي بالراحه كمان .. شوفت عيون زرقاء بلون المطر وصفاء النيل بتضحك في المطر بتدوق قطرات المطر لما تقع علي شفايفها ولما قطره تقع علي عيونها تبتسم للسماء كأنها بتقولها شكرا حسيت براحه جميله لما شوفت الشعر الذهبي تحت المطر وهو مبلول وبيحاول يتطاير من علي كتافها بنت طولها 160 سم لكن كل معاني الجمال اتجمعت فيها فقررت اتمشي جنبها وهيا ماشيه في المطر علي اد مقدر حاولت اقرب منها نفسي اشوف الابتسامه دى طول الوقت لكن للاسف ونا مركز ومتنح معاها اتخبطت في في عمود والحمد لله اغمي عليا ...
نكمل حكايتنا بكره بقا وادى اخرة اللي يتنح مع بنت
#Bocahantos
أنت تقرأ
ÊKËZ🔞
Kinh dịبسم الله الرحمن الرحيم .. تحدث كتير من البشر عن احداث وتخاريف في بلاد قديمه لكن لم يكن هناك مصداقيه من الراوي الذي يروي الحكايات . لكن يشاء القدر ان تصادفني قصه حقيقيه في بلد بعيده الي ان تصبح قضيه شك ولغز وقتل وتزوير الاسباب .. من المؤكد انك ه...
