تالين 2

1

كنت قاعدة وفي صمت غريب فجأة ظهر خفت وبديت ارجع لورا كانت عيونو فيها شر وغضب وانا راجعة وهو جاي علي راجعة وهو جاي علي وخلاص حصلت الحيطة بلعت ريقي واستسلمت جا وخت يديو في شعري انا خلاص جسمي كشى وبقى وختى يدو في  كتفي ونزلها لي يدو ومسك شعري وجراه وانا هنا صرختا
انا ::" واااااي انقذوني وااااي "
.... ::" هشششش  اسكتي "
انا  ::" آسررررر ويييناااك "😭
وجا آسر جاري وفكاني منو
آسر ::" انت مالك ياخ "
آصف ::"انا حذرتها ما تشيل شوكولاتي "
جات خالتو سامية::" فشنو مالك"
آسر  ::" ماف شي بس شافت صرصور "
خالتو ::" اييوا يلا تعالوا برا "
كلنا  ::" طيب "
ومشينا وراها كانت هناك امي وابوي وعمو حسام
عمو حسام ::" مالك يا لولو "
انا ::" دا آص.. اقصد صرصور "
ابوي ::" لسة في حركاتك دي "
احم احم لحظة اوضح ليكم
انا تالين ايوا الشافعة ديك بس كبرت ستة سنين والهسة ديل آصف وآسر انتو مستغربين آسر هنا لي بس بحكي لعدين براه المهم جينا زيارة لناس خالتو سامية وكالعادتي الا أسرق شوكولاتة آصف 😂 وبعاقبني وما بتوب آصف وآسر دايما بحميني منو لأنو حنون وطبعا نازلين مدرسة بس الليلة الجمعة وجينا زيارة ساي اصلا كل جمعة بنجي ودا بيتنا التاني
ابوي ::" تالين "
انا ::" ايوا بابا "
ابوي ::" طبعا عارفة انو نحن مسافرين ماماتك عندها عملية وانا ماشي اشوف عينة حقت سيارات "
انا ::" بس بابا حتخلوني برااي " ومشيت قعدت جمبو ورقدت على كتفو
ابوي ::" لا ما براك حتقعودي مع خالتك  سامية " آسر قاطعو
آسر ::" معليش يا عمي تالين ما ينفع تقعد معانا ابوي دايما مسافر وامي في العيادة " طبعا خالتو سامية اشتغلت مع ماما
ابوي ::" طيب كلامك سمح يا ولدي بس تقعود ويين "
آصف ::" عند مييدو وهبة "
تالين ::" واااي صح نسيت "
طبعا ميييدو وهبة اتزوجوا امي كان طرحت عليو الفكرة بس هو قال لازم يشتغل ويجيب حجاتو براه واشتغل سنة ونص عمل معرض اثاثات ونحجت ما شاء الله لانو هو كان بصمم اثاثات المعرض براه وجهز بيتو وحجاتو وعرس هبة ليهم سنتين وهبة دي انا بحبهت ياخ ظريفة كنت بحبها من كنت صغيرة
المهم اتفقنا انو اقعد مع ناس ميييدو هو بتهم بعيد شوية بس قريب من المدرسة ناس آسر عندهم حديقة فيها مرجيحة وبحب امشي اقعد فيها براي
انا ::" خالتو ممكن امشي اقعد في الحديقة لو سمحتي "
خالتو سامية  ::" اتفضلي يا بتي البيت بيتك "
انا مشيت حضنتها
انا  ::" شكرا يا احلى خالتو في الدنيا "
آصف  ::" هوووي زحي من امي "
انا ::" عليك الله طير كدة ولا كدة "
ومشيت قعدت في المرجيحة وسرحت فجأة حسيت بزول بناديني لقيتو آسر
آسر  ::" ممكن اقعد لو ما بزعجك "
انا  ::" لالا عادي "
آسر ::" بتفكري في شنو "
انا ::" ولا شي "
آسر  ::"اممممم تالين "
انا ::" ايوة "
آسر  ::" عندي هدية بتقبليها "
انا ::" على حسب اذا كانت تليق بي او لا "
آسر  ::" تالين بطلي هظار انا جادي  "
انا ::" اوكي ،،،،، الهدية مناسبتها شنو "
آسر  ::" ولا شي بس جات كدة "
انا ::" طيب "
آسر ::" اجيبها عادي "
انا ::" ايوة " ومشى  دقيقتين وجا
آسر  ::" اتفضلي "
كانت العلبة باللون الاسود وفيها لماع بالاحمر منظرها حلو
انا  ::" ممكن افتحها عادي هنا "
آسر ::" ايوا "
فتحتها وكانت فيها شوكولاتة وحاجة زي الطرحة كدة
أنا ::" شكرا على الشوكولاتة  "
آسر  ::" جادة عجبتك الشوكولاتة وما عجبتك الطرحة " حسيت بيه كانه فقد امل في شي داير يصل ليه طلعت الطرحة وكانت تحفففة مع انها كانت حقت بيت ما حقت مرقة بس بردو وعجيبة
انا ::" واااو رهييب وبالجد آسفة ما كنت عارفة انها طرحة "
آسر  ::" ما مشكلة بس عارفة ليه بالذات جبتها ليه " رديت ليه بغباء
انا  ::" لا "