تالين 2

5

وصلنا ناس تولين وآصف البيت ومشينا بيت محمد عشان اشيل حجاتي وبعد داك امشي بيتنا شلت حجاتي وهبة قالت حتجي بليل مع محمد وصلنا البيت وقبل ما انزل ميدو مسكني من يدي
ميدو ::" تالين حصل شنو قبيل "
انا ::" انت بعدين جاي صح "
ميدو ::" اي "
انا ::" حتعرف بعدين "
ميدو ::" انتي كويسة صح "
انا ::" ما تخاف على تالين "
ميدو ::" كووويس😂"
انا ::" طيب خليني انزل كفاية اكشن الليلة "
ميدو ::" طيب مع السلامة "
نزلت شلت حجاتي واصلا ما كانت كتيرة مشيت دقيت الباب فتحت لي امي طوالي حضنتها وبديت ابكي
امي ::" مالك يا بت "
انا ::" اشتقت ليكم "
امي ::" شافعة 😂"
ابوي ::"وانا ما مشتاقين لي "😢
انا ::"بابااا " وجري مشيت حضنته
ابوي ::" كيفيك يا اميرة "
انا ::" كويسة الحمد لله وانت "
ابوي ::" تمام الحمد لله كيف مع الدراسة "
انا ::" الحمد لله اها جبت لي شنو "
ابوي ::" امممممم " طلع دبدوب كبييير واداني ليو
انا ::" بابااا انا بحببببك شديييد "
ابوي ::"والباقي في غرفتك "
اتونست معاهم حبة بالجد اشتقت ليهم شديد وبعد داك طلعت الغرفة استحميت وصليت ويا السرير جاك زووول نمت ما صحيت الا بعد المغرب صليت ختيت طرحتي في كتفي ونزلت قبل ما انزل من السلم سمعت اصوات ناس كتار ختيت طرحتي في راسي ونزلت
آصف ::" اووووو جاكي يااا "
حمرت ليه نظام اسكت يا فضيحة "
مشيت سلمت عليهم وحتى ناس محمد كانو معاهم مشيت قعدت جنب محمد همس لي
ميدو ::" اها وريني "
انا ::" بعدين"
ميدو ::" ياخ قبيل قولت بعدين وهسة بعدين "
انا ::" مييييدووو بليييز "
ميدو ::" اه ،،،،، راحتك "
ابوي ::" في شنو تتهامسوا كدة ورونا معاكم "
انا ::" ماف شي يا باب....."
آسر قاطعني
آسر ::" كفاية ندس الموضوع بقى خطييير يا تالين "
انا ::" بس يا..... "
آصف ::" من غير بس آسر كلامو صح "
ابوي ::" يا اولادي في شنو آصف آسر تالين اتكلموا "
عمو حسام ::" ما تتكلموا قطعو لسانكم "
آصف وآسر عاينو لبعض
آسر ::" خالتو هالة وعمو زين بتكلم بس بشرط "
امي ::" قول يا ولدي "
آصف ::" ما حتأذوا تالين ولا تشاكلوها طيب "
ابوي وامي ::" طيب "
آسر :في مدرسة ناس تالين في استاذ اسمو استاذ مجدي بقري ناس تالين في الاول كان ظريف وموكل تالين جمع الكراسات وما الى ذلك وبكون مركز معاها بس تالين ما انتبهت لحدة في يوم ناداها في المكتب وقال ليها انو دايراها واداها زمن تفكر بس هي طنشت الموضوع تماما بس في مرة كان داير يتكلم معاها بس هي ابدت وعاندت وحاول يخطفها خلى بت جنب الباب وحاول يركبها العربية بس انا وآسر لحقناها وسكت فترة كدة تاني الليلة والحمد لله لقينا توولين وورتنا انو مجدي خدر تالين وبردو لحقناها المرة وهسة هو في قبضة الشرطة "
ابوي ::" دا كلووو يا تالين وما وريتينا "
ميدو ::" الكلب مجدي دا ما حاخليه "
امي ::" كرر عليك يا بتي لي ما كلمتيني انا امك "
ابوي ::" ما كان تتعاملو براكم الموضوع دا خطييير كان ممكن يأذيكم "
آصف ::" يا عمو نحن قدرها وتالين زي اختنا وفي عينا وراسنا وهي الجاكي شان حقتك زاتها ما هينة " مشيت لأبوي وقعدت تحت رجلو وبست يدو
انا ::" ابوي انا ما كنت عارفة حيحصل كدة وما كنت قيلاهو جادي ومجنون للدرجة دي وما كنت دايرة اشغل بالكم بموضوع سخيف زي دا وانا والله ما غلطت وما اتكلمت معاه اصلا عشان تربيتك ابوي ومستحيل اخليه هو ولا غيرو يلمسوا شعرة مني اعفي لي يا ابوي "
قومني من الارض وباسني في راسي
ابوي ::" ايوا دي تالين زين العابدين منصور بتي البفخر بيها وخليك قوية بس يا بتي في حجات زي دي لازم تكلمي زول اكبر منك لازم تكلميني عشان من واجبي احميك طيب "
انا ::" تأمر يا بابا "
وبردو امي نادتني وبكت وعاتبتني
ميدو ::" آصف آسر عارفين معلومات عن مجدي دا "
آصف ::" ما تخاف يا ابو الشباب قومنا بالواجب "
كلهم ::" كيييييف" 😳
آصف ::" طبعا زي ما عارفين نحن متعلمين كاراتيه وفنون قتالية حتى تالين ونحن دايما بنشيل ملابسنا معانا ومجدي دا وقع وقعة سودة ونحن بس ربطناه ولولو كملت الباقي من تكفيت وما الى ذلك "
خالتو سامية ::" قويية بتي انا "
آسر ::" وعندنا صاحبنا شرطي كدة واتكفل بالباقي وجا ساقو يأدبو يومين تلاتة ويفكو "😏
هبة ::" وااااي انتو شفع متين تعملو كدة "
انا وآصف وآسر ::" نحن ما شفع "
هبة ::" محمد الحقني "😂
عمو حسام ::" الله يستر على مجدي بس "😂
ميدو ::" بني قريظة بس " وقام آصف وبقى يوصف الاكشن ويقع ويقوم وآسر ينهرو بس لا حياة لمن تنادي وقال اي شي بالتفصيل الممل وموتنا ضحك وقعدنا فترة اتونسنا ومشوا بس هبة وميدو بايتين مشيت راجعت عشان امتحانات بكرة لحدة الساعة 11 مبرمجة زمني والباب دق مشيت فتحتو طلع ميدو تاني رقدت في السرير جا رقد معي وحاوطني
ميدو ::" ما كنت خايفة "
انا ::" شديد واكتر من ما تتصور "
ميدو ::" انتي ما بتعتبريني اخوك صح عاينت ليه باستغراب وقمت قعدت في السرير
انا ::" لي انا قلت ليك كدة "
ميدو ::" وريتي آصف وآسر الهم ما اخوانك مشاكلك واحزانك وخليتيني انا الغريب صح "
رجعت لي رقدتي وحاوطت تاني
انا ::" لا انت اخوي واحلى اخ بس يا ميدو هم كانو جزء من المشكلة دي عشان كدة وانت بقيت زول مسؤول عشان كدة ما حبيت ازعجك "
ميدو ::" دي اخر مرة تعملي كدة "
انا ::" اوكي ،،،، اوريك حاجة "
ميدو ::" طيب " مشيت فتحت الدولاب وطلعت الدبدوب جريتو جر
انا ::" شوف دا حلووو كيف "
ميدو ::" اوووه جابو ليك حبيب القلب "
انا ::" ميييدووو "
ميدو ::" لي ما وريتي اخوك بمشاعرك اتجاه ذلك الشخص امممم اسمو منو "
انا ::" يا ربييي "
ميدو ::" يمكن يكون آصف لالا دا غبي اوووو ولا آسر إختيار جيد "
خلاص فاض بي شلت مخدة وجدعتو وهو كمان جدعني وبدينا نلعب تعبنا في الارض
انا ::" ميدو الدبدوب دا جابو بابا ما غيرو "
ميدو ::" عارف "
انا ::" طيب ليه بتتغابى "
ميدو ::" ساي ،،، بس بالجد مافي كدة ولا كدة "
انا ::" محمممد "
ميدو ::" خلاااص "
انا ::" حتسمي ولدك منو "
ميدو ::" خلي اول يجي "
انا ::" يااخ انت بس وريني "
ميدو ::"..........."

# مع تحياتي لكم 🙋
# بقلم✏✏ي مقل احمد 🤗