تالين 2

2

* دايرة اصحح حاجة بت متوكل عم تالين اسمها ندى ما نور ندى متوكل منصور وشكرا *
كنت لابسة فستان حلووو والروب حق التخريج الله ومعي دفعتي وكان المكان مزين ومرتب واهلي كلهم كانو هناك وبدا البرنامج وزاعوا كم اسم كدة وخلاص جا وقت يزيعوا اسمي😍 كنت مبتسمة للضرس الاخير ورافعة راسي خلاص قالو تاا كدة حسيت بحاجة فوق وبنطط فجاة قمت نطيت ( ايوا نطة ميدو دييك بس😂)
انا ::" وااااي ما استلمت الشهادة "
ندى ::" سهادة سنوو يا لولو "
انا ::" شهادة الجام .... لحظة داك كان حلم بس منو القطعو"
ندى ::" حلم سنوو ...هيي صحي هبة نادتني " جرريتها من قميصها
انا ::" امممم ماشة وين سا عسل ااااا براك دخلتي بيت اللبؤة "
ندى ::" والله ما تنت عالفة دا بيتها معليس "
انا ::" نووو لازم تأخدي عقابك يا ارنوبة " من ما قلت ارنوبة عملت وضعية هجوم ونطت فوقي وخنقتني
ندى ::" قولتي سنووو النوبة انا ما النوبة "
انا ::" خلاص خلاص آسفة فكيني "
ندى ::" نووو الا بسلط "
انا ::" اها اسلطي ااا قصدي اشرطي "
ندى ::" اولا تسامحينني عشان صحيتت ،،، تاني تعتذلي عشان دولتي لي النوبة "
انا ::" لكن كرامتي يا ندو "
ندى ::" خلاص اخنقتت لمن تموتي بث "
انا ::" خلاص خلاص سامحتك وآسفة " حتى فكتني اصلا ما كانت مؤثرة عشان يدينها صغيرة شديدة
ندى ::" هبة دالت ليت انسلي يا نوامة "
انا ::" كويس بس انتي هنا جيتي مع منو "
ندى ::" انتي عالفة عمت وملتو ،،،، عمت عنتو قضية وملتو دالت عندها لحلة بالطيارة "
انا ::" يا بت انتي دايرة دروس في الكلام حالتك صعبة يا اختنا "
ندى ::" يا سولة دي ثمة من ثمات الطفولة"😏
انا ::" صحي انتي اهلنا لقوا السفر ولا شنو "
ندى ::" الله اعلم ،،، هسة بتلامت التتيرر دا فوت الحلقة "
انا ::" يحلقوك بموووس قولي اميين "😂
مدت لي لسانها وجرت سليطة خلاص

♡♡♡♡♡♡♡♡♡
في بيت ناس آصف بلسان آسر
آسر ::" يا آصف وينك آصفففف "
سامية ::" هوووي دا ولا بسمعك في مصيبة الزمان البلايستيشن "
آسر ::" اووووف ياخ الولد دا ما مسؤل ابدا "
امي ::" من صغير كدة "😂
مشيت ليه ولقيتو مندمج وبكورك بس عولاق
آسر ::" يا آصف "
آصف ::" ....."
آسر ::" يا زفت انت "
آصف ::" ........"
آسر ::" يااااا سجم الرماااااااد آصف "
آصف ::" ياخ مالك بتكورك قايل نفسك في الشارع "
آسر ::" اي وانت القاعد في البيت بهدوئك مش "😒
آصف ::" ياخ اها داير شنوو "
آسر ::" يلا نقرا ناس بعد اسبوع في امتحانات "
آصف ::" ايوووااااا انت براك براك قولت بعد اسبوع لسة الزمن طويل يا مااان "
آسر ::" عليك الله يا آصوفي "
آصف ::" اوووف من ما جيت ما ريحتني يلا نمشي نقرا "
طوالي رجعت للماضي قبل ستة سنين في مكتب ابوي
خالد ( الكنت قايلو ابوي ) ::"والله يا لميس حاسي بتأنيب الضمير "
لميس ::" ليه يا بابا "
خالد ::" الولد اهلو قاعدين وانا انا بيدي فرقتو من اخوه وهو صغير "
لميس ::" والله ما عارفة اقول ليك شنو ،،،، بس الزمن داك مرتك يا بابا وجهتك على طريق الغلط وكانت ما بتحبني بس كانت دايرة ولد ولد وبس "
خالد ::" انا عيني كانت عميانة عن الحق يا بتي وظلمتك "
لميس مسحت دموع ابوها ودموعها
لميس ::" يا ابوي هسة الندم ما ينفع ،،،، ما تغلط نفس غلطة زمان ما تظلم آسر "
خالد ::" حأقول ليه شنو يعني انا ما ابوه وانتي ما اختو واني سرقتك من اهلك وهم عايشين جنبك بس انت ما عارفهم انو صحبك الفي المدرسة دا اخوك اقول ليه شنو ولا شنو يا لمييس "
لميس ::" ابوي خلاص كفى انك تدس الكلام كلم ام آسر وابوه كفاية بعاد "
خالد ::" حاضر يا بتي ،،،، ان شاء الله "
وقتها كنت صغير وما فاهم بس كانت في اسئلة بدور في رأسي يعني خالد ما ابوي كيف يعني وامي حية بس بابا قال هي ماتت بدون ما اشغر لقيت نفسي في الغرفة وببكي انا ببكي لي وهم قاصدين شنو طيب منو اخوي وبكيت كنت قاعد في ركن الغرفة بعد فترة جات لميس عاينت الغرفة ما لقتني دايرة تمرق شافتني قاعد وضامي رجلي علي قعدت جنبي
لميس ::" سمعت كلامنا صح "
آسر ::"......."
لميس ::"انا عارفاك مصدوم بس دي الحقيقة وانت قوي وواعي صح "
انا ::" ......"
لميس ::" امممم طيب شكلك ما داير تعرف من اهلك الحقيقين صح " وقامت ماشة مسكت يدها وقعدت
انا ::" أ أ ا ح حكي "
لميس ::" زماان لمن كان عمري 10ولا11ما عارفة وماما ماتت الله يرحمها بابا خالد عرس والعرسها دي امك يلا هي كان داير ولد بس هي ما كانت بتجيب شفع ويوم مشت المستشفى لانو بابا شغال فيها وكانت دايما تمشي قسم الحضانة واليوم داك مشت ولقت تؤام حلووين ما شاءالله ولدين الشيطان غشاها وقالت لبابا دايرة واحد منهم وحنستوا وبكت وبابا وافق وفعلا شال واحد بحجة انو عيان ولازم يكشف عليه وقام سافر مع مرتو دبي ولمن عمره بقى سنتين امه ماتت هو كمان وبابا رجع بيها وانا كنت مع حبوبة عارف الولد دا منو "
آسر ::" منو "
لميس ::" انت يا آسر "
آسر ::" انا ،،،، طططيب ماما الحقيقية منو "
لميس ::" دي خليها مفاجاة "
آسر ::" لميييس "
لميس ::" لااا،،،، واجهز عشان نمشي ليهم" 😅
آسر ::" بالجد😍😀"
واتجهزت وطلعت بس لميس وبابا خالد شكلهم متغير ما عرفت السبب وطول الطريق كانو ساكتين بس ما مشينا بيت ناس ماما الحقيقية مشينا المستشفى ومافي زول وراني في شنو والاغرب لقيت آصف هناك ومرت ساعة ساعتين والعرفتو انو ام آصف عيانة بس نحن ليه جايين هنا مش المفروض نمشي لماما وبعد ساعتين كمان قالو ام آصف صحت بس نادتنا انا وآصف بس
سامية ::" تعالوا يا اولادي "
انا وآصف عاينا لبعض بأستفهام مشينا جنبها وضمتنا عليها
سامية ::" اخيرا رجعت لي يا ولدي "
انا ::" يعني يعني انا ولدك انتي ماما القالتها لميس صح "
سامية ::" اي يا حبيبي اي "
آصف ::" ماما في شنو ،،وليه آصف بقول ليك ماما "
سامية ::" لانو اخوك تؤمك "
آصف ::"كيف "وماما حكت ليه القصة وحكت للناس وحتى بابا خالد حكى بابا وماما سامحوه وهو ولميس مشوا استقروا في دبي وآصف في البداية ما قبل حكاية اني اخوه بس مع الزمن اتقبل
آصف ::" آسررررررررر "
آسر ::" أأأاي في شنو "
آصف ::" انت مالك سرحان وين "
آسر ::" لالا مافي شي نقرا "
جا آصف ضماني بدون مقدمات
آصف ::" انا آسف ما قاصد اقول ليك كدة سامحيني ارررجوووك "
آسر ::" طيب اصلا ما زعلت "

♡♡♡♡♡♡♡♡♡
هبة ::" يا لولوووووو "
لولو ::" اي جيت "
هبة ::" من قبيييل انا رسلت ليك ندوو "
لولو ::" اي جاتني ،،، صباح الخير "
هبة ::" صباح الورد "
لولو ::" كيف البيبي "
ميدو ::" حلووو زي ابوه "
لولو ::" بسم الله الرحمن الرحيم جيييت من وين انت "
ميدو ::"......."

#رايكم في قصة آصف ؟؟
#يا جماعة ارجوكم ساعدوني بالتفاعل ان شاء الله لو صوت عشان اعرف انكم متابعين ولا انا بكتب ساي لأنو انا معنوياتي بتنزل سررريع وممكن اتقبل تعليقاتكم حتى انتقادتكم وشكرا❤

مع تحياتي لكم 🙋
بقلم✏✏ي مقل احمد 🤗