تالين 2

9

في بيتنا بلساني
امي ::" تاليين والله امشي اخليك "
انا ::" جيتك جيتك يلا نمشي "
امي ::" ااااا على اساس انا الاخرتك "
انا ::" ماما يلا نمشي معليش اخترك "
ومرقنال ماشين على العربية الليلة اول يوم امشي فيه العيادة زي ما بابا قسم لي وكماوصراحةن ماما محتاجة مساعدتي في اكل المرضى وكدا دي ما اول مرة ومتحمسة شديد بحب اساعد المرضى

♧♧♧♧♧♧♧♧♧♧
ميدو ::" هسة كدة دخلنا في الشهر الرابع يا سلاام ياخ "
هبة ::" انت قولتها بلسانك الشهر الرابع يعني لسة "😂
ميدو ::" ياخ انتي مالك محبطة "😒
هبة ::" والله انت ما جادي "
ميدو ::" انتي خليكي قاعدة تضحكي كدة انا داير اتكلم مع ولدي ممكن "
ميدو خت اراسو في بطن هبة بخفة وبدا يتكلم معاه وهبة تضحك فيه
هبة ::" خلصت عندي اشغالي "
ميدو ::" اشغال شنو يا هانم "🙄
هبة ::" ميدو انت ما ماشي الشغل "مسك يديها وبدا يحسب بأصابعها
ميدو ::"اولا الليلة اول يوم في الشهر الرابع تانيا عشان عارفك اشغالك ما بتنتهي تالتا لازم نمشي المقابلة يا عسل ولا نسيتي "
هبة ::" ما نسيت كنت حامشي مع سارة "
ميدو ::" طيب ننوم تعبان "
هبة ::" والفطور والغداء يا سيد "
ميدو ::" الفطور نطلب من برا اما الغداء حنتغدا برا يلا اتخمدي "
ورقدوا الاتنين وناموا😴

♤♤♤♤♤♤♤♤♤♤
عند آصف وآسر
آصف ::" ياخ البت دي ابدا ما بتجي في الموعد "
آسر ::" يمكن عندها ظروف انت مالك "
آصف ::"يعني ما حنبدا الا هي تجي شنوو ياا "
آسر ::"يا ولد الغايب عذروا معاه "
آصف ::" ل......"
جاتو ضربة في راسو
انا ::" هشششش ما ترقيي كتييير "
آسر ::" اوووه تالين شرفت "
انا ::" كيفك يا آسر "
آسر ::" تمام الحمد لله وانتي " قالها وهو كاتم الضحكة
انا ::" تمام "
آصف ::"ما ممكن تسفهوني ياخ "😢
انا ::" اهاا يا آسر حنعمل شنو الليلة"😊
آسر ::" حنقسم الاصناف على كل واحد "
قعدت في الكرسي وخلفت رجلها
انا ::" قسمها انت عشان شغلك منظم "
آسر ::" بس آصف قا......"
آصف ::" لا مافي داعي لأنو آسر حيعمل اي حاجة آسر آسر وانتي انتي واشر علي دايما مميز آسر عني مع اني كنت صحبك قبلو وشنو الاتغير ،،،، وقصدك شنو بانو هو منظم يعنى عشان انا بحبك الضحك والمرح وهو زول جادي ومجتهد على فكرة يا انسة انا تؤامو وهو تؤامي خلي آسر المثالي دا ينفعك " ومرق قفل الباب بطريقة خلتني اخاف والله
ما قدرت اتكلم بس اكتفيت بأني اسكت بحسرة وادنقر راسي في الارض
آسر ::" اممم ما تخافي هسة برجع ما تخافي "
طلع وهنا انا طوالي بكيت بحرقة كيف نسيت انو دا آصف من الاساس كيف كيف نسيت انا واحدة سيئة وخالية من المشاعر
::" اتشاكلتي مع احوكي " شوفت اتجاه الصوت لقيته ولد صغير كدة عمرو خمسة سنوات جا علي ومسح لي دموعي
::" ما تبكي ممكن احكي ليك حاجة تضحكي انتي عندك احو بس انا ما عندي كنت بقول لماما داير بس ما جابت لي وانا زعلت بس ماما قالت لي الله داير كدة ويمكن بعدين القى احو في الجنة وانا فرحت شديد انتي ما تتشاكلي مع احوك طيب عسان في ناس ما لاقين احوان طيب "
قعدتو جمبي
انا ::" طيب اذا انا غلطانة هو حيسامحني
"
الولد ::"اذا هو بحبك حيسامحك طبعا "
انا ::" طيب اسمك منو "
الولد ::" خالد "
انا ::"اسمك حلوو ياا خالد "
الولد ::" وانتي "
انا ::" تالين "
الولد ::" تا منو "😂
انا ::" تا لين "
الولد ::" يعني تا زايد لين "
انا ::" ايوااا زكي انت"

◇◇◇◇◇◇◇◇◇
بلسان آسر
طلع الحديقة حقت العيادة وانا كت بناديو بس ما كان برد جريت حتى لحقتو مسكتو من يدو بس نفضها
آصف ::" ما تمسكني انت سبب اي حاجة من جيت وانت بتسرق مني اي حاجة "
انا ::" انت ما واعي انت بتقول في شنو دي لحظة غضب كدة استهدى بالله تعال نقعد نتفاهم "
آصف ::" ههههه عامل لي فيها المثالي ،،،،، انا ما داير اتفاهم معاك ما كفاية سرقت من تالين صحبتي "😠
آسر ::" الناس ما ملك زول عشان دا يسرق ودا يشيل "
آصف ::" يااخ اسكت يااخ "
آسر ::" آصف انا آسف تالين ما قصدها "
آصف ::" ما تبرر ليها لأنكم الاتنين.............."
فجأة جاهو كف لمن وقع في الارض

# معليش البارت قصير معنوياتي شوية كعبة
# مع تحياتي لكم🙋
# بقلم✏✏ي مقل احمد 🤗