تالين 2

12

آسر مشى مع امي وخالتو وخلونا في الحديقة آصف داير يمشي ناديتو بس ابى يقيف تاني ناديتو بردو ابى الا جريت مسكتو من يدو بس هو كان اقوى مني
انا ::" اااااي "
آصف ::" عشان تاني تحاولي تعاندي "
انا ::" معقول دا انت يا آصف نسيتني انا لولو "
آصف ::" انتي دايرة كدة اعمل ليك شنو "
حاولت اقوم بس رجلي وجعتني
انا ::" آصف ستين مرة قولت ليك انا ما قاصدة والله انت اكتر واحد مفروض تكون عارفني 😔انا من زمان بحب اهظر معاك و
اتغير شنو اااااا اتغير شنو "
آصف ::" اسألك السؤال دا لنفسك يا زولة "
انا ::" ياخ ما تعاملني كدة كتلت ليك منو انا انت مش داير كدة حاطلع من حياتك وحياتك اخوك زي ما دخلتها "
آصف ::" احسن "ومشى معقول دا آصف قعدت في محلي وبكيت وبكيت تقريبا لمدة نص ساعة
آكسر ::" تالين "
رفعت راسي لقيتو آسر تاني دنقرت وما عاينت ليه قعد معي ومد لي منديل
انا ::" آسر زح مني "
آسر ::" هممممم "
انا ::" انت ما بتفهم " وقمت ماشة تاني ما قدرت اقوم والمرة دي وجعني اكتر
آسر ::" تالين رجلك واجعاك صح "
انا ::" وانت ادخلك شنو "
آسر ::" ياخ انتي مالك بتعامليني كدة سويت ليك شنو "
انا ::" انا ما دايركم جمبي ابعدو عني انا نحس فاهم نحس "
بلسان آسر
قالت جملتها دي وبديت تبكي بهستريا خفت عليها فجأة نفسها بقى عالي لمن غمرت اتخلعت ما عرفت اعمل اي حاجة طوالي جريت ليهم جوا اول زول لقيته في طريقي آصف
انا ::" تالين تالين الحقها "
آصف ::" اي عارفة وقعت بتستهبل بس "
انا ::" آصف ياخ ما تكون بارد كدة انا اقول ليك غمرت تقول لي عارف "
آصف ::"شننووو غمرت طيب طيب امشي نادي امي او خالتو " وجرا على جهة تالين وانا مشيت على ناس امي
انا ::" تالين تالين الحقوها "
خالتو هالة وامي ::"مالها "
انا ::" غمرت "
امي ::"شنووووو"
خالتو ::" سامية جيب الاسعافات الأولية والحقيني وانت آسر تعال معي "
انا ::" حاضر "
عند آصف
آصف ::"تتتالين اصحي انتي قولتي لي حتمشي بس ما صدقتك ارجوك ما تمشي ما حأزعل من اوكي بس اصحي ،،،،،،، نسيتي حلمنا انو نبقى اطباء سوا ونسيتي حلمك انك تبقي ناشطة اجتماعية قوومي "
اناوخالتو وصلنا عندهم وخالتو بدت تعمل ليها إسعافات اولية وحاولو معاها ما صحت ودخلوها في غرفة وشكلها عندها هبوط المهم ما فتحت الا بعد اربعة ساعات وكلنا كنا معاها
خالتو ::" تالين حبيبتي مالك "
تالين ::" مافي حاجة يا ماما اطمني بس تعبت شوية "
خالتو ::" طيب ،،،،، حامشي اجيب ليك حاجة تكليها"
وامي اصلا مع المرضى ما ممكن الاتنين قاعدين معانا خالتو مرقت
انا ::" تالين "
تالين ::" ايوة "
انا ::" امبارح ما اكلتي شي صح "
تالين ::" لا الليلة الصباح شربت العصير "
انا ::" خلي العباطة انا سألتك امبارح "
هزت راسها بمعنى لا
انا وآصف ::" مهملة "
تالين ::" هوووي براحة علي و..." شكلها اتذكرت حاجة وسكتت ما تمت كلامها
انا وآصف تاني ::" تالين ،،، نحن آسفين "
تالين ::" ما تتكلموا سوا "
انا وآصف تالت ::" طيب "
تالين ::"😑"
آصف ::" تالين انا آسف آسف والله ما عارف انفعلت لي الشيطان خشى بيناتنا وعيب الشيطان يخش بين الاخوان صح "
بلسان آصف
كنت بتكلم معاها واصلح الموضوع لأنو بالجد لقيت الموضوع ما بستحق دا كلو كمان عندي مواضيع مع تالين بس هي كانت سرحانة قبلت لقيتها بتعاين في آسر المدنقر راسو وفي دمعة اتسلست من عيونو وقعت في الارض
انا ::" تالييين "
تالين ::" مالك بتكورك قاعد في الشارع "
المهم اتكلمنا كتيير ودخلنا معانا آسر في النقاش والموضوع اتصلح ورجعنا زي زمان بس حاسي بآسر ما طبيعي سرحان واصلا آسر ما بسرح ككتيير قولت حأسألوا بعدين وانا وآسر كان لازم نرجع لشغلنا رجعنا وتالين كانت تعبانة شوية وقالت حتنادي توولين تقعد معاها لأنو بيتهم قريب وفعلا نادتها وجات
بلسان تالين
تولين جاتني
انا ::" تووولين "🤗
توولين ::" 😏 تولين بتاع وشك "
انا ::" مالك يا بتنا هايجة كدة "
توولين ::"اولا يا السمحة ما وريتيني بالمسرحية السويتوها انتي والتوينز وثانيا ابيتي تاكلي عشان زعلانة وتالتا ما انتبهتي ولويتي قدمك "
انا ::" وااااي شنوو لويت قدمي عشان كدة اقول رجلي حارة لي "😭
توولين ::" طيب هاك ديل اتسممي ديل "
تالين ::" حرااام عليك ،،،،، وبعدين جبتي المعلومات دي من وين"🙄
توولين ::"من آصف يعني من وين "
انا ::" امممم شغال اخبارات وهو السبب اللوى لي رجلي الغبي "
توولين ::" شنوو هو اللوى ليك رجلك "😤
انا::" ابردي واديني اتسمم "
توولين ::" طيب تتسممي وتحكي والنقطة سامعة بالنقطة "
قعدت اتسمم زي ما بتقول لي😂 وحكيت ليها
توولين ::"اممممم انتو عارفين انتو مكبرين الموضوع ساي وآصف معاه حق لأنو اهتمامك كلو بقى آسر يا هبلة "
انا ::" ياخ مش الموضوع اتصلح خلاص ،،،، صحي آسر وين "
توولين ::" تااااني "🙄
انا ::" خلاص سوري "
توولين ::" مشى الجامع "
انا ::" الاذان اذن ؟"
توولين ::" لالا بس شكلو مشى يدعي ليك يا حبيبة قلبو "😜
انا ::" توووولين " 😤
توولين ::" بهظر والله بس ما بعرف ماشي يعمل شنوو "
انا ::" خلاص انا دايرة انوم ممكن تقري لي قران " طبعا صوتها ما شاء الله
توولين ::"طيب حبيبتي "
بلسان آصف
كنت داير اطمن على تالين مشيت على الغرفة بس قبل ما افتح الباب سمعت صوت عذب بقرا قران اتلفت ما لقيت حاجة اكتشفت انو الصوت جاي من الغرفة 😂عاينت بالقزاز لقيت توولين قاعدة تقرا لتالين قران كان شكلهم حلووو شديد زي الاخوات تلقائيا لقيت نفسي مبتسم

بلسان آسر
مشيت الجامع وجيت كنت ماشي اشوف تالين لقيت آصف واقف ومبتسم غمضت عيوني واخدت نفس طوويل ومشيت اتجاه ما حسى بي عاينت في المحل البعاين فيو لقيت توولين وتالين نايمين طقطقت ليو
آصف ::" اممممم "
انا ::" آصفف "
آصف ::" اي اي "
انا ::" سارح وين "🙂
آصف ::" فيهم شوف منظرهم حلووو كيف "
انا ::" اي وما صح تعاين ليهم كدة يلا "
آصف ::" بس حبة"
انا ::" نوووو يا آصف ما صح "
آصف ::" يلا يلا نمشي الليلة الشغل مل ما كتيير "
انا ::" اي يلا "
المهم مشينا وتمينا شغلنا ومر اليوم الساعة تقريبا اتنين ونص ويداب ماشين نطمن على تالين لقيناهم صاحييين واخر ونسة وضحك دقينا الباب ودخلنا
آصف ::" مساءء الفرحة "
تالين ::" مساء النور "
انا ::" كيف رجلك يا تالين "
تالين ::" واجعاني شديد "
شفت آصف حاسي بالذنب شديد
توولين ::" هيي الشافعة دي بتستهبل "
تالين ::" اعفو لي الليلة كملتو الشغل براكم "
آصف ::" نظام عندك قلب "😜
تالين ::" اي عندي انت مالك " 😌
وقعدنا نتونس ونحكي طبعا معانا المهرج آصف 😂والساعة بقت تلاتة
توولين ::" وووب الليلة بقتلوني "
تالين ::" في شنو "
توولين ::" اتأخرت كلو بسببك "
تالين ::" وااي كسرتي لي قلبي "
توولين ::" يسلم لي قلبك بس اتأخرت "
تالين ::" طيب حتمشي براكي "
توولين ::" ايوا عادي "
تالين ::" بس ..."
توولين ::" بت خلي خوفك دا "😂
تالين ::" طيب "
وودعتنا ومشت طوالي آصف مشى واره كانو داير يديها حاجة ونساها
بلسان آصف
توولين طلعت بس اتذكرت في حتجة لازم اديها
انا::" تووولين "
تولين ::" ايوا "
انا ::اممم بما انو مجدي طلع خالك اظنو خطييير بس ما علينا عشان كدة دي حاجة زي ساعة سويناها انا وآسر لو اتعرض ليك ممكن تطلبي النجدة من اي زول دايراو والحلو في انا زي خفية المهم حيكون عندنا الاربعة اتمنى تكوني فهمت "
هي ::" ايوا بس ما حأقبلها الا اقول كلامي "😒
انا::"كلام "😓
هي ::" ايوا انت واحد حقير وشرير وما عندك قلب وبدون مشاعر وجاحد و...."
انا ::" هشششش براحة علي"😅
هي ::" لا انا البغلط على صحبتي باكلو باسناني بقرمشوا لا وكمان لاوي رجلها هسة بلوي رجلك زي السلام عليكم قايل ما وارها ناس هووي فتح عيونك انا غرور الاولاد دي ما بنفع معي اوعك تاني تغلط معاها فاهم ولااا "
انا::" ......."

# عارفة البارت البارت ممكن يكون ملل شوية بس استحملوني الفترة دي😥

# رايكم في البارت
# مع تحياتي لكم 🙋
# بقلم✏✏ي مقل احمد 🤗