Unicode Version
အဂ္ဂမှာမိမိ၏မျက်စိရှေ့တွင်ဂိမ်းဆော့နေရှာသောဇေယျတု၏ မျက်နှာကိုမသိမသာတစ်မျိုး၊ပေါ်တင်တစ်မျိုး ကြည့်နေမိသည်။ ထိုအကြည့်စူးစူးတို့၏နောက်ကွယ်မှအတွေးများကတော့ သိုသိုသိပ်သိပ်ဖုံးဖိထားခြင်းခံရလေသည်။ ထို့ကြောင့် ဇေယျတုသည်သူ့အားအဂ္ဂကကြည့်နေသည်ကိုသတိထားမိသော်လည်း အဘယ်သောအကြောင်းကြောင့်ဤမျှထိစူးစူးစိုက်စိုက်အကြည့်ခံနေရမှန်းလုံးဝမသိပေ။
နောက်ဆုံးတော့ဇေယျတုလည်းဂိမ်းဆော့နေခြင်းကိုရပ်လိုက်ပြီးအဂ္ဂထိုုင်နေသည့်အနားသို့သွားကာမျက်နှာချင်းဆိုင်ခုံတွင်ဝင်ထိုင်လိုက်သည်။
ထိုအခါအဂ္ဂလည်းသူ၏အမူအရာကိုထိန်းလိုက်ပြီးမသိချင်ယောင်ဆောင်၍သူ၏ဖုန်းကိုသာစိုက်ကြည့်နေဟန်ပြုသည်။ ဇေယျတုကလည်းထူးထူးဆန်းဆန်းပြုမူနေသည့်အဂ္ဂကို ပေါ်တင်မေးထောက်၍ထိုင်ကြည့်နေပြန်သည့်အခါအဂ္ဂမှာ မနေနိုင်တော့ဘဲဖုန်းကိုဘေးချကာဇေယျတုကိုပြန်ကြည့်ပေးလိုက်သည်။
"ဘာပြောမလို့လဲ"
အဂ္ဂ၏မေးခွန်းကိုဇေယျတုကခေါင်းတစ်ချက်ခါရမ်းကာ ပြန်ဖြေသည်။ မျက်နှာအမူအရာကတော့တစ်ခုခုကို သင်္ကာမကင်းဖြစ်နေသည့်ဟန်။
"ကျွန်တော့်စိတ်ထဲထူးဆန်းနေလို့"
"ဘာကိုလဲ"
"ခင်ဗျားကိုကြည့်ရတာဝမ်းနည်းနေသလိုပဲ သိပ်မလန်းဘူး"
"ဒီနေ့သိပ်စိတ်မကြည်လို့"
အဂ္ဂမှာယနေ့အဖို့ဇေယျတု၏မျက်နှာမှဒဏ်ရာများကို မြင်နေရသရွေ့စိတ်ကြည်တော့မည်မဟုတ်မှန်းတော့ထုတ်မပြောဖြစ်လိုက်ပါ။
"ကျွန်တော်လာလို့လား"
ဝမ်းနည်းရိပ်သမ်းသွားသည့်မျက်နှာလေးဟာတစ်စုံတစ်ခုကို အထင်လွဲသွားသည့်ဟန်မို့အဂ္ဂလည်းအပြင်းအထန်လက်ကာပြကာပြန်ဖြေရသည်။
"မဟုတ်ပါဘူး တခြားကိစ္စပါ"
"ဘာကိစ္စလဲဟင်"
သိချင်စိတ်ဖြင့်တောက်ပလာသည့်ထိုအညိုရောင်မျက်ဝန်းများဟာ အရည်တလဲ့လဲ့..။
YOU ARE READING
I Found My Prince Charming(Season 2)
Romanceအတွဲပေါင်းစုံRoကြမယ့်seasonပါ❤️ အချိုများများ အဆွေးအနည်းငယ်ရောကြမယ်ပေါ့😁
