Polar Opposites (Formerly Known as My Dear Students)

Lesson No. 10: How to Make Friends (Part 1)

Lyca's Notebook

"Lyca, umatras na lang tayo."

Napatigil ako sa paglalakad sa mga narinig kong salita mula kay Kyla. "Hindi p'wede. Buo na ang pasya ko. At isa pa, ayokong isipin ng mga taga-West City na iyon na wala tayong isang salita," sagot ko sa kanya.

"Oo nga, girl. Ano ba kasing drama mo?" sabad ni Jessie.

Tiningnan ako nang seryoso ng kakambal ko at saka siya huminga sa hangin. "Ang sabi kasi ni Ben, hindi pa raw natatalo si Vonn sa kahit anong competition o contest. Alam mo naman iyong nangyari sa LOTS, hindi ba? A-ayoko lang namang ipahiya ka nila. Ayokong makita kang malungkot. Kaya please, umatras na tayo! Kakausapin ko si—..."

Hindi na nagawa pang tapusin ni Kyla ang sasabihin niya dahil mabilis ko siyang niyakap, "Salamat Kyla." Huminga ako nang malalim at hinawakan ang magkabilang balikat ng kambal ko. Ngumiti ako sa kanya. "Salamat sa pag-aalala mo pero mas matutuwa ako kung magtitiwala ka sa'kin. Kapag sinabi kong hindi tayo matatalo, tutuparin ko iyon. Trust me, okay?"

Pagkatapos kong sabihin ang mga salitang iyon ay tumalikod na ako at nagpatuloy sa paglalakad. Sisiguraduhin kong mananalo kami kahit ano'ng mangyari. Ipapamukha ko sa mga mayayabang na lalaking iyon na hindi nila kami maaaring tapak-tapakan na lang ng ganoon. Ipapalasap ko sa kanila kung paano mapahiya at matalo. Humanda sila!

***

"Okay, ngayong nandito na ang lahat, ipapaliwanang na namin ang mechanics," bungad ni Ate Sab – ang student council president ng St. Therese.

Dahil gusto naming maging patas ang laban ng East Heavens at West City ay humingi kami ng tulong sa St. Therese, tutal ay Co-Ed ang school nila at parehas pang ka-close ng school namin.

"Basta't wala na itong atrasan, maliwanag?" paalala ni Kuya Jake – ang student council vice president ng St. Therese at boyfriend ni Ate Sab.

Tumango lang kaming lahat bilang sagot. Tiningnan ko ang reaksyon ni Mr. Yabang at ng mga kampon niya pero mukhang confident sila. Mabuti iyan, para mas masakit ang pagkatalo nila.

"Ipapaalala ko lang na kaya kami pumayag ng Honeybunch ko ay hindi dahil pabor kami sa pag-aaway n'yo kung hindi ay para tulungan kayong magkasundo." Lumapit si Ate Sab kay Kuya Jake at hinalikan ito sa pisngi. "Hindi ba, Honeybunch, my sweetie pie?"

"Yes, tama si Honeybunch ko. Kayo talagang mga kabataan, masyadong pasaway!" Niyakap ni Kuya Jake si Ate Sab mula sa likod.

Wow ha! Hindi naman sila masyadong sweet.

"Kung makapagsalita ka naman, Jake. Isang taon lang ang tanda mo sa'min," mataray na sabi ni Jessie.

"Jessamine, it's Kuya Jake not Jake. Isang taon nga lang ang tanda namin sa inyo ni Honeybunch but as you can see, Eighteen na kami, meaning nasa legal age na kami unlike you guys na minors pa."

"Yeah, right!" Nakita kong sumimangot si Jessie pero hindi niya iyon ipinahalata sa lahat.

"Okay, so back to our business, the battle between you guys will consist of five challenges. Kami ang bubunot kung sino ang maglalaban at kung ano'ng challenge. Kahapon ay nagsurvey kami sa mga estudyante dito sa school namin kung ano sa tingin nila ang best challenge na p'wedeng paglabanan ng isang babae at lalaki. So, any questions or reactions?" Lumapit sa p'westo naming mga babae si Ate Sab. Para lang siyang teacher na nagpaparecitation.

Inubos lang ni Hallie ang mocha frappe niya at saka siya nagtaas ng kamay, "Bakit po five challenges? E, 'di ba tig-aapat lang kami?"

"Nice question, Hallie! Magiging complicated kasi kapag four rounds lang 'di ba? You know, kung magtie man kayo, may pang-tie breaker tayo. At sa ikalimang challenge ay kayong lahat na ang maglalaban-laban, meaning four is to four."