الحلقـة الثامنـة
أنا والحمـامات الأربعة
بقلمـي: حوراء الوائلي
___________________________________________________
الليل بعيوني انتچة
وصوت اسمك ببالي انحچة
ومدري يا عين البدت بية البچة
للنوم چن رايح حرب
مثل اليعارك مايحس
من خلصت ليلي الصبح
لاكيت روحي مدچچة
.
.
.
.
.
.
.
رانيـا:
الصبح نايمة على الگاع بعدما تلاطشت وية ثائـر وطردني من يمة تمدد عالگاع وفرشتلي دوشـگ كعدت على رفسـات ببطنـي وبظهـري فزيت بسرعه ثائـر يبدل ويگول
ثائر: نايمة ست الحسن بسرعة نزلـي سوي ريوك جايبـج تناميـن شنـيي يلاا
رانيـا: زفرت بملل وگلت
خلگ الله تگـول صباح الخيـر صخام شي يفتح النفـس واحنا نگـعد نصيح يا بطنـي اتحداك تتذكر صلاة الفجـر من تگعـد الصـبح
ثائـر: گلتـيها خلـگ الله وبكيفنـا گومي سوي ريـوگ وانجبي
رانيـا: التفتت عليه وگلـت
شتريد اسويلك
باوعلي وتقدم ناحيتي سحبنـي من خصـري طخيت بصدرة گال برومانسية
ثائـر: ماتخليني اتـرگ بيج كلش خوش وجبـة
رانيـا: تتريـگ بية هنـا بالگاع مـوو لو تسحبنـي من شعري بالليل وهسـا جاي تتـريـگ بية
ثائـر: ولي ولي مو صوجج دفعنـي انضربت بحافة الجرباية براسي سحبت شالي ونزلت تلمست كصتي طلعتلي ورمة بكصتي تنهدت صبرك ربي وتـالي وياه هذا وصلت شفت الحجيات گاعدات يسولفـن
گالت ام عباس: هلا بسورها ونورهااا نايمةةة للظهـاري المسعده عفيـة بنـات انطيهن نوم وعيـارة
رانيا: تخصرت وگلت
حجية الله بالخيـر عليـج اگلج بالله يا ظهاري ساعه ب 6 شو وينهن جناينج مو هم نايمات لو هي براسي لان مگرودة
وصلتي صوتة من فوك صاح بية
ثائـر: راانيـاا دفنجج يصيرر على إيـدي اذا بعد طلعتي لسانج
شفته وشردت للمطبخ سويت جاي وطلعت اخبز رجعت وطلعت جبن وگيمر طبت للمطبخ ام ثائر
ام ثائر: ثائر ياكل بس مخلمة الصبح سوي اذا تعرفين واذا ما تعرفين وخري اسوي
رانيا: ارتاحي عمة هسه اسويها اعرف
ام ثائر: خوش ونضفي البيت بدربج وغسلي الحـوش
رانيـا: صار اي شي بعد تردين
ام ثائـر: استعجلي بالريوك
طلعت واني بقيت اسوي كملت أخذتها هي والريوك كلة طب الشيخ سلمت علية لأن البارحة شفته بقيت أصـبلهم جـاي كمـلو شلتة أكـلت بالمطبخ لأن ممنـوع أكـل يمهـم كملت طلعت للطـارمة غسلتها ورجعت للبيت ترتيب وكنس من فوك لجـوة انكسر ظهري صاحتلي ام عباس تنفسـت بغضـب ورحتلها
أنت تقرأ
أنـا و الحمـامـات الأربـعه
Ficção Geralأربع حمامات حرائر أربعه جار عليهن الزمن وظلمتهن الحياة دُفن في جوف الظلم من رحم المعاناة رحم واحد يحتوي خمسه أشخاص أربع حرائر ويزيد واحد (فصليه + هديه + زواج غصب + الزواج من أخ الزوج ) هذا مضمون الرواية .
