أنـا و الحمـامـات الأربـعه

الحلقـة التـاسعة

الحـلقة التـاسعة
أنـا والحمـامات الأربعـة
بقلمـي:  حـوراء الوائـلي

___________________________________________________

امنيتي بس ادري شتگل للغيمة گاعي
وهيج فوكاها تطيح
ارد اطيح امنياتي الصعدتها
وانه ادعي من الضريح
يل حرمتيني هواج بعز خنگتي
ومن متت زرتيني ريح
يل صلبتيني اعلى غفلة
بمگفة عامود المسيح
.
.
.
.

رانيا:  شونك مهاب
توني حجيت جر ايدي ومشى بية للباب واني اسحل بروحي گـوه وراه صعدني وشمرني بسيارتة واني ارافس والطم شراح يسوي ضياء يبوووي يا ضياء وثائر من يدري وشيخ فاضل او ريسان الي تعهد ارجع وما ابقى ببيت اهلي تصخمتي يرانييا وتعزيتييي

مهااب فدووة نزلنيي مهااب لاتعم عليه فدوة مهااب

مهاب:  انعلل ابووو مهاب كاافي سكتييي

جان يحجي وعيونة حمر دم

مهاب:  حضننج موو شمج وباسسج ونيمج علـى زندةةة احجييي ويضرب بالستيرن بقوة وعيونة مدمعة ونبرة القهر واضحة بصوتة ويصيـح

هذا مو مهاب الأعرفة لا شفت بي مثل طفل فاقد لعبتـة عيونة حمر مثل الدم ودمـارات إيـده بـارزة ولازم الستيرن. بقبضـة ايدة والسيـارة شوية وتطير بينا بقيت اقرة ايات قرانية وهو يمشي بينا سريع بقيت اشهگ من شفته ديطلع من البصـرة رايح للطـريق الـسريع

رانيـا:  مهاب فدوة أروحـلك نزلني لاتنسى تزوجت اني مهاب ومو اي زواج فصلية فدوة نزلني مابية حيـل اتحمل مشاكل بين عشيرتين بسببنا مهاب فدوة

مهاب:  يطبببهم طوووب كاافي اسكتيي سبق وگلت بت عمي اليي اليييي مالتتتي انتيي عسما يتذابحوون يضربهم حمسس انتي الي حبيبتي وبنيتي وروووحي ما انطيج الهم احبـج تفتهمين لووو لاااا

رانيا:  انهاريت بالبجي وأشهگ واحجي
مهاب كافي فدوة ارجع لاتسويها ثارات وهي گوة هدئت مالي ذنب صح بس ما مستعدة اخسر اخوي الوحيد ونبقى اني وخواتي بالمنه لو أيتم بنت اخوية وزينة ترجع لشاهين وينفتح موضوع حرير كلنا نتدمر ماگدر اكون انانية حجا بصياح وعياط

مهاب:  وماااا لگيتــي غيييري گلتيي هذا اضحيي بيي واعوفة وما انتبهلةةة مووو واخلي بظهررري مثل الجلـب ولا كإنو گلبه ميت بالعشـگ

رانيا:  شسويي شسووي فهمني انت رجاال تعتمد على تفسك متحتاج احد بسس مهاب خواتي وبنت اخوي وزوجة اخوي وبنت عميي كلهن كلهنن حيااتهن تتحدد بضياء موتة وعيشتةة شلوون اضحي بي فهمنيي افرض خذوا الثار منه منو يبقى النااا هاا ابوي انگتـل واخوي ينگـتل هميين واخوي الثاني من سنين محد يدري عنة شيي منووو يتحمل مسؤولية لاتفكر بغرور رجعني