فرضِ محبت ازقلم علشبہ فیصل(Completed ✔️)

Part 14

سدرہ، حیا اور حبا اس وقت لان میں بیٹھی تھی۔۔۔۔۔ حبا تھوڑی دیر پہلے ھی یونی سے گھر آئی تھی۔۔۔۔۔۔ وہ تھوڑی دیر اپنی دادی کے پاس بیٹھ کر باہر ھی آ گئی تھی۔۔۔۔۔ آج موسم اچھا تھا لگ رھا تھا کہ بارش ضرور ھو گی۔۔۔۔۔۔۔
ویسے بھابھی عرصہ ھوگیا کرکٹ نہیں کھیلا میں نے تو۔۔۔۔۔۔۔
سدرہ اور حیا باتوں میں مصروف تھی جب حبا نے انہیں پکارا
ہاں تم باہر جاؤ کرکٹ کھیلنے وجدان بھائی بتائیں گے پھر تمہیں۔۔۔۔۔ حیا بولی۔۔۔۔۔۔۔۔
کرکٹ کھیلنے سے کچھ نہیں ھوتا۔۔۔۔۔ اچھا؟؟؟ اور میں وجدان بھائی سے ڈرتی نہیں ھوں آپ ھر بار مجھے انکے ڈراوے نا دیا کریں۔۔۔۔۔۔ حبا تپ کر بولی۔۔۔۔۔
سدرہ اور حیا اسے دیکھ کر ھنس دی۔۔۔۔۔۔جبکہ حبا منہ پھلا کر بیٹھ گئی۔۔۔۔۔
ویسے بھابھی بھائی کہہ کر گئے تھے آپکو واک پر لے کر جانا ھے تو پھر کس ٹائم چلنا ھے؟؟؟؟ تھوڑی دیر بعد حیا سدرہ سے بولی۔۔۔۔۔۔
ہاں تھوڑی دیر تک چلیں گے ابھی نانو کو گھر اکیلے تو نہیں چھوڑ کر جا سکتے۔۔۔۔۔ سدرہ بولی۔۔۔۔
حبا منہ پھلا کر انکی بات سن رھی تھی
اکیلی کہاں۔۔۔۔۔ حبا ھے نا گھر میں۔۔۔۔۔۔۔ میں اور آپ ھی چلیں گی جلدی ھی واپس آ جائیں گے۔۔۔۔۔۔۔۔ حیا بولی
ھاں ٹھیک ھے بھابھی آپ چلی جائیں مجھے ویسے بھی آسائنمنٹ تیار کرنی ھے میں کل چلوں گی آپکے ساتھ۔۔۔۔۔۔۔۔ حبا بولی
ہاں ٹھیک ھے پھر ھم تھوڑی دیر میں آتی ھیں تم جاؤ اندر۔۔۔۔۔۔ سدرہ بولی حبا انکی بات سنتی سر ہلا کر اندر چلی گئی جبکہ حیا اور سدرہ واک کے لئے باہر نکل گئی۔۔۔۔۔۔۔۔۔
--------------------------------------------------------------------
ہاں جی تو پھر مس زرنش حیات شروع کرتے ھیں۔۔۔۔۔۔ اسامہ اسکی طرف دیکھتے سنجیدگی سے بولا

تم چودہ سال کی تھی جب پاکستان اپنے امی ابو کے ساتھ آئی۔۔۔۔۔۔۔ تمھارے ابو کا ارادہ پاکستان میں شفٹ ھونے کا تھا۔۔۔۔۔۔ تمھارے چاچا اور چاچی پہلے سے ھی یہاں مقیم تھے۔۔۔۔۔۔ تین مہینوں بعد ایک دن تمھارے امی ابو کہیں تعزیت کے لئے جا رھے تھے جب کار حادثے میں انکی وفات ھو گئی۔۔۔۔۔۔۔ اسکے بعد تمھیں تمھارے چچا اپنے گھر لے آئے۔۔۔۔۔۔ دو سال تک انہوں نے تمھیں اپنے گھر رکھا تمھاری چاچی کا رویہ تمھارے ساتھ ٹھیک نہیں تھا لیکن تمھارا چاچا کی وجہ سے وہ چپ رھی۔۔۔۔۔۔ اسی دوران تمھارے چاچا کو ہارٹ اٹیک ھوا اور وہ اس دنیا سے رخصت ھو گئے۔۔۔۔۔۔۔ تمھاری چاچی نے یہ بھی نا دیکھا کہ انکے خاوند کی میت گھر پڑی ھے تمھیں اسکا قصوروار ٹھہرا کر گھر سے باہر نکال دیا اس وقت تمھاری عمر سولہ سال تھی۔۔۔۔۔۔ تم بڑی مشکل سے ہوسٹل پہنچی تھی۔۔۔۔۔ ان سے مدد مانگی اور انہوں نے تمہیں ہوسٹل میں رھنے کی جگہ دے دی۔۔۔۔۔مسلہ تمھاری پڑھائی کا تھا اور تمھارے پاس پیسے بھی نہیں تھے۔۔۔۔۔ اس لئے تم نے اپنے ھوسٹل کے سامنے والی بیکری میں بات کی اور انہوں نے تمہیں رکھ کیا۔۔۔۔۔۔۔ کام کی لئے بہت چھوٹی تھی تم مگر تم نے پھر بھی کام کیا اور ساتھ ساتھ پڑھائی بھی جاری رکھی۔۔۔۔۔۔
کچھ دن پہلے تمھارے پاس پیسے نہیں تھے جس کی وجہ سے تم نے ھوسٹل والوں سے مدد مانگی اور انہوں نے اپنا فائدہ دیکھ کر تمہیں مدد دے بھی دی اور تمھارے ساتھ یہ واقعہ پیش آ گیا۔۔۔۔۔۔۔
یہ کہہ کر اسامہ نے اسکی جانب دیکھا جس کا چہرہ آنسووں سے بھیگا ھوا تھا۔۔۔۔۔
کتنی ہمت تھی اس لڑکی میں۔۔۔۔۔۔ اسامہ نے سوچا
کل ھی اس نے زرنش کے متعلق معلومات نکلوائی تھی جس کو پڑھ کر وہ بھی حیران ھوا تھا۔۔۔۔۔۔۔ اسکا ارادہ آج زرنش سے بات کرنے کا تھا کہ آخر کیوں اس نے یہ بات سب سے چھپا کے رکھی تھی۔۔۔۔۔۔۔۔۔۔
زرنش کا سر بھاری ھو رھا تھا۔۔۔۔۔۔ آج اپنی سچائی کسی اور کے منہ سے سن کر اسکا دل چاہ رھا تھا کہ وہ پھوٹ پھوٹ کر روئے۔۔۔۔ کتنا کچھ برداشت کیا تھا اس نے اس چھوٹی سی عمر میں۔۔۔۔۔۔۔ کتنے گلے شکوے تھے اسے اپنے ماں باپ سے جو اسے اس چھوٹی عمر میں اکیلا چھوڑ کر چلے گئے۔۔۔۔۔۔
کوئی نہیں تھا ایسا جس کے کندھے پر وہ سر رکھ کر رو سکے۔۔۔۔۔۔ اسے اپنا سب دکھ اپنے اندر ھی رکھنا تھا۔۔۔۔۔
ہاں اسے مضبوط بننا تھا۔۔۔۔۔ اپنے لئے۔۔۔۔۔ آنے والے وقت کے لئے۔۔۔۔۔۔۔
اس نے فورًا اپنے آنسو صاف کیے تھے اور اسامہ کی طرف دیکھا تھا۔۔۔۔۔۔
اب آپ کیا چاھتے ھیں مجھ سے؟؟؟؟؟ سچائی تو آپ کو معلوم ھو ھی گئی ھے کچھ اور بھی جاننا چاھتے ھیں؟؟؟؟؟ زرنش سنجیدگی سے بولی۔۔۔۔۔
مدد چاھیے تمھاری مجھے۔۔۔۔۔۔ اسامہ بولا
کیسی مدد؟؟؟؟؟ زرنش بولی
کیا تم بتا سکتی ھو ھوسٹل میں ایسا کونسا بندہ ھے جو اس سب میں ملوث ھے؟؟؟؟ اسامہ اسکی طرف دیکھتا بولا
نہیں میں نہیں جانتی۔۔۔ اور اب مجھے جانے دیں مجھے دیر ھو رھی ھے۔۔۔۔۔۔ یہ کہتے وہ گاڑی سے اترنے لگی
رکو۔۔۔۔۔ میرا کارڈ لیتی جاؤ کام آئے گا۔۔۔۔۔۔ اسامہ نے اسکے آگی اپنا کارڈ کیا۔۔۔۔۔۔
کچھ سوچتے زرنش نے اسے تھام لیا۔۔۔۔۔۔
مجھے کچھ معلوم ھوا تو میں آپکو بتاؤں گی۔۔۔۔۔۔۔ اللہ حافظ
زرنش یہ کہتی وہاں سے چلی گئی جبکہ اسامہ نے بھی گاڑی فلیٹ کی جانب بڑھا دی۔۔۔۔۔۔۔۔۔۔۔
------------------------------------------------------------
وجدان اپنے آفس میں فارغ بیٹھا تھا تھوڑی دیر پہلے ھی وہ اپنا سارا کام ختم کر چکا تھا اب وہ گھر جانے کا ارادہ رکھتا تھا مگر ارحان کا کام ھی ختم نہیں ھو رھا تھا۔۔۔۔۔۔
وہ اٹھ کر ارحان کے آفس کی طرف گیا
یار ارحان کتنی دیر لگے گی تمھیں۔۔۔۔۔۔ وہ اندر آتے بولا
وجدان ابھی ایک دو گھنٹے لگیں گے مجھے کیوں خیریت؟؟؟؟ ارحان اسکی طرف دیکھتا بولا
ہاں میں جا رھا ھوں گھر اب اور کام نہیں ھوگا مجھ سے۔۔۔۔۔۔ وجدان بولا
ٹھیک ھے جاؤ میں آ جاؤں گا پھر۔۔۔۔۔ بابا اور چاچو بھی اپنے دوست کے گھر گئے ھیں وہ واپس آئیں تو میں انکے ساتھ ھی آؤں گا۔۔۔۔۔۔ ارحان بولا
ٹھیک ھے پھر میں تو چلا۔۔۔۔۔۔ وجدان یہ کہتا باہر چلا گیا۔۔۔۔۔
جبکہ ارحان پیچھے اپنے کام میں مصروف ھوگیا۔۔۔۔۔۔
تھوڑی دیر بعد وہ گھر پہنچا۔۔۔۔۔ گاڑی پورچ میں کھڑی کرنے کے بعد وہ سیدھا اندر چلا آیا۔۔۔۔۔ گھر میں آج خاموشی تھی۔۔۔۔
شاید گھر میں کوئی نہیں ھے۔۔۔۔۔ وجدان نے سوچا۔۔۔۔
پھر اپنا کوٹ وہاں سوفے پہ رکھنے کے بعد دادی کے کمرے کی طرف بڑھا وہ جانتا تھا کوئی اور گھر ھو نا ھو دادی ضرور گھر ھوں گی۔۔۔۔۔۔
دروازے پر دستک دی۔۔۔۔۔ اندر سے اجازت ملتے ھی وہ اندر داخل ھوا
اسلام علیکم دادی ماں۔۔۔۔۔ وجدان انکے پاس آیا
وعلیکم السلام میرا بچہ۔۔۔۔۔۔ جلدی آ گئے آفس سے؟؟؟ دادی ماں نے اسکے سر پر ھاتھ پھیر
جی دادی ماں۔۔۔۔۔ آج ذیادہ کام نہیں تھا تو جلدی آ گیا
گھر والے سب کہاں ھیں؟؟؟؟ آپ اکیلی ھیں کیا گھر میں؟؟؟؟؟ وجدان نے ان سے پوچھا
ہاں نورین اور فرزانہ تو شاپنگ پر گئی تھی اور حیا اور سدرہ تھوڑی دیر کے لئے باہر گئی تھی۔۔۔۔۔ حبا اور میں ھیں گھر میں۔۔۔۔۔ دادی ماں نے بتایا
ہنننننہ جس کو گھر سے جانا چاھیے وھی گھر میں بیٹھی ھے وجدان نے بیزاری سے سوچا
تم جاؤ فریش ھو جاؤ میں حبا کو کہتی ھوں تمھارے کئے کھانا لگا دے۔۔۔۔۔۔ نور بیگم بولی
اچھا ٹھیک ھے میں تھوڑی دیر میں آتا ھوں پھر۔۔۔۔۔۔ وجدان یہ کہتا اٹھا۔۔۔۔ اور کوٹ اٹھا کر اوپر چلا گیا۔۔۔۔۔۔
حبا اپنے کمرے میں بیٹھی اسائمنٹ تیار کر رھی تھی آج ھی اسکو آسائمنٹ ملی تھی جو اس نے دو دن بعد جمع کروانی تھی تو اسکا ارادہ تھا کہ آج ھی اسائمنٹ مکمل کر لے۔۔۔۔۔۔ مگر کچھ سوالات میں اسکو مشکل ھو رھی تھی۔۔۔۔۔۔۔۔۔
اف یہ کتنے مشکل ھیں سمجھ ھی نہیں آ رھی۔۔۔۔۔ وہ اپنا سر کھجاتے بولی
ابھی وہ سوچ رھی تھی جب اسے اپنی دادی کی آواز آئی وہ اسکو بلا رھی تھی وہ پاؤں میں چپل پہنتی دوپٹے کے بغیر ھی باہر نکل گئی کیونکہ اسکو لگا تھا کہ گھر میں کوئی نہیں ھے مگر وہ یہ نہیں جانتی تھی کہ وجدان گھر آ چکا ھے۔۔۔۔۔
جی دادی ماں آپ نے بلایا؟؟؟؟؟؟ کوئی کام تھا کیا؟؟؟؟؟ حبا کمرے میں آتی بولی
ہاں حبا وجدان گھر آ گیا ھے تم کھانا گرم کر دو فریش ھونے گیا ھے ابھی۔۔۔۔۔۔۔۔ دادی ماں بولی
اوہ اس جلاد کو بھی ابھی ھی گھر آنا تھا۔۔۔۔۔ حبا نے کوفت سے سوچا
مگر دادی ماں گھر میں تو کچھ بھی نہیں ھے مجھے بھوک نہیں تھی سدرہ بھابھی اور حیا آپی نے باہر سے منگوا لیا تھا ابھی تو کچھ بھی نہیں بنایا۔۔۔۔۔۔ وہ اپنا زہن جھٹکتے بولی
ہائے میرا بچہ بھوکا تو نہیں رھے گا نا اب۔۔۔۔ تم ایک کام کرو جاؤ جا کر کچھ بنا دو۔۔۔۔۔ دادی ماں فورًا بولی
کیا میں؟؟؟؟؟؟؟ میں کیسے کچھ بنا سکتی ھوں؟؟؟؟ حبا حیرت سے بولی
اسی وقت وجدان فریش سا اندر داخل ھوا۔۔۔۔۔۔۔۔
بلیک ٹراؤزر شرٹ میں وہ بہت ہینڈسم لگ رھا تھا
حبا نے چور نظروں سے اسے دیکھا
کھڑوس ہے تو بہت پیارا مگر جلاد ھے پورا۔۔۔۔۔ حبا نے سوچا
کیا ھوا دادی ماں؟؟؟؟؟ وہ حبا کو اگنور کرتا آگے بڑھا
کچھ نہیں وہ میں بس حبا کو کہہ رھی تھی تمھاری لیے کچھ کھانے کو بنا دے۔۔۔۔۔۔
کیا مطلب گھر میں کچھ نہیں ھے؟؟؟؟؟ وجدان بولا
اس نے ایک نظر بھی حبا کو نہیں دیکھا تھا حبا بھی چپ چاپ وہاں کھڑی تھی۔۔۔۔۔۔
نہیں وہ نورین اور فرزانہ صبح سے گھر سے نکلی ھوئی ھیں نا اس لئے ابھی کچھ نہیں بنایا ابھی حبا بنا دے گی تمھیں کچھ۔۔۔۔۔۔ دادی ماں بولی
حبا سب غور سے سن تھی تھی۔۔۔۔۔۔۔
نہیں دادی ماں رھنے دیں میں بس چائے پی لوں گا مجھے بھوک نہیں ھے۔۔۔۔۔۔۔۔۔ وجدان بولا
شکر ھے۔۔۔۔۔۔ حبا اسکی بات سنتے خوشی سے زور سے بولی۔۔۔۔۔۔۔
حبا نے بولنے پر وجدان نے فورًا اسکی طرف دیکھا۔۔۔۔۔ ماتھے پر بل ڈالے وہ اسے گھور رھا تھا
دادی ماں نے بھی آنکھیں دکھائی
ہاۓ کیا ضرورت تھی حبا اتنا خوش ھونے کی۔۔۔۔۔۔ حبا نے اپنے آپکو کوسا
بلکہ دادی ماں میں سوچ رھا ھوں کہ کچھ بنوا ھی لیں بھوک لگ گئی ھے اب مجھے۔۔۔۔۔۔۔ وہ مخاطب تو نور بیگم سے تھا مگر وہ دیکھ حبا کو رھا تھا حبا نے آنکھیں پھیریں
ہاں کیوں نہیں حبا بنا کر دے گی نا ابھی۔۔۔۔۔۔ حبا جاؤ جا کر پاستہ ھی بنا لو۔۔۔۔۔۔ جاؤ اب۔۔۔۔۔ دادی نے اسے آنکھوں سے جانے کا اشارہ کیا
وجدان نے تپانے والی مسکراہٹ سے اسے دیکھا
وہ پیر پٹختی باہر نکل گئی۔۔۔۔۔۔۔