خمس فصليات💖💖

البارت الثاني والثلاثون والاخيرررر

اسراء:يابه اريد اكلك شي

الشيخ سلام:كولي بويه شنو

اسراء:يابه اكو شخص يريد يتقدملي

الشيخ سلام بتلبك:شنوو

اسراء:يابه هسه انت شوفه واكعد ويا وبعدين انطيهم رأيك

الشيخ سلام:اني رح اكلج كلامي من الاخر اني مموافق

اسراء بحزن:ليش يابه هسه انت شفته للولد...

الشيخ سلام:كتلج مااريد اشوفه ولا يشوفني زين لو لا وكومي يلا

رادت دكوم اسراء وصاح عليها ابوها

الشيخ سلام:ها ونسيت اكلج حضري روحج باجر جايين عليج خطابه

اسراء ببجي:لاا يابه مااريد😢

الشيخ سلام:روحي وبلا كلام زايد يلا..

طلعت اسراء من الديوان تبجي ومقهوره لان مرح تأخذ الي تحبه. وهي طالعه من الديوان شافتها زهور

زهور:اسراااء شبيج تعاي

اسراء:هئ هئ هئ زهوررر

زهور:تعاي حبيبتي تعاي شبيج ليش تبجين كليلي

اسراء ببجي:ابوي يريد يغصبني على الزواج من شخص مااحبه😭

زهور:شنوووو شدتحجين انتي مو حسام يريد يخطبج😯😯

اسراء بحزن:لا ابوي كلي رح يجون عليج خطابه بس انتي لو تشوفينه ضل بس يصيح عليه😢😢

زهور:اشش حبيبتي لا تبجين انشالله الله يفرجها من لباجر وانتي هم روحي حاجي حسان وكليله السالفه كلها خاف يتفاجأة زين...

اسراء:انشالله..
..................

الشيخه:يمه جيلان سويلنه عصريه شوي

جيلان:تدللين يمه

الشيخه:يمه جوان وين؟؟

جيلان: جوان حابسه نفسها بالغرفه وبس تبجي ومتريد احد يمها

الشيخه:استغفرالله ربي شكول عليك يا قصي شسويت بالبنيه

جيلان:لا يضل بالج يمه هسه ادز وحده من البنات تصعدلها فوك وتشوفها

الشيخه:خير انشالله...

جيلان/دخلت للمطبخ وضليت صافنه شنو اسوي فتحت الكاونتر وشفت المواد الي عدنه وكلت خلي اسوي عصريه سويت كعك وخدرت جاي مهيل وسويت كيك وخليت مكسرات وانتظرت الكيكه تستوي.
كعدت بالمطبخ وضليت اكلب بالتليفون ودك عليه محمد حجيت ويا شويه وانوب راح لان عنده شغل صفنت شويه وحسيت على صوت الجاي وهو يفور

جيلان/عززززه شسويت اني...

حضرت الاستكاين وخليت بيهن شكر وخليت بالماعون الكعك وخليت الكيك وخليت بالماعون الثاني المكسرات وخليت جكليت هم وديتهن بالصاله وانوب رجعت صبيت الجاي ورحت للصاله...