بعد ما علي وعمر كالوا لأبوهم رادوا يخطبون ليالي وميساء
صار ثاني يوم وكعدوا كلهم على الطاوله وديتغدون
الشيخ سلام:ام جوان حضروا نفسكم حتى نروح لبيت الشيخ جاسم علمود موضوع الولد
ام جوان:صار عيني
طبعا جوان ضلت ساكته ومدنكه راسه
الشيخ سلام:بويه جوان شبيج؟
جوان:هاا بويه لا مابيه شي بس هيج صفنت
الشيخ سلام:ها خوش لعد حضرن روحجن انتي وخواتج حتى نروح
جوان بتلبك:مم ماشي😯
خلصوا غده وشالن البنات المواعين وغسلوهن ونظفن المطبخ وصعدن للغرفه حتى يحضرن ملابسهن بس جوان جانت متردده وخايفه بنفس الوقت
......................
اسراء:جوان بيج شي؟
جوان: لا مابيه شي بس..
ناره:بس شنوو؟
جوان:اني متردده مااريد اروح لبيت الشيخ جاسم لان😳
اسراء:لان رح تشوفين قصي مو صح لو لا
جوان:ايي صح😳
ناره:حبيبتي جوان لا تخافين من اي شي وصيري قويه اوك واحنه موجودين وياج
جوان:ماشي.
..................
خلصن البنات حطن هدومهن بالجنط وهنه بدلن وخلصن
ملابس البنات
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لبسن هيج ونزلن ونزلن جنطهن وياهن لان احتمال يبقون كم يوم هناك لان الطريق طويل. المهم نزلن وجانوا منتظريهن جوه وجانوا الولد كللش متوترين
..................
ناره:اخواني الاعزاء لماذا انتم متوترين😂😂
عمر:لج بابا يعني شلون منتوتر مدكليلي
علي:ليش متسكتين احسلج
ام جوان:اششش كافي يلا ابوكم منتظر بالسياره يلا
طلعوا كلهم وصعدوا بالسياره وانطلقوا.......
بعد مرور 4 ساعات على سفرهم وصلوا لبيت الشيخ جاسم
وجانت جوان كللش خايفه حتى كامت ترجف لمن وكفوا كدام بيت الشيخ جاسم...
المهم نزلوا من السياره وراح الشيخ سلام يدك الباب. ف دك الباب وطلعله سيف
سيف:اهلا عمي تفضلوا تفضلوا البيت بيتكم..
الشيخ سلام:تسلم بويه.... دخلوا للبيت واجوا رحبوا بيهم وجوان بعده ترجف
ميساء:جوووووان.
جوان:هلاو حبي شلونج
ميساء:اني الحمدالله حبيبتي انتي شلونج
جوان:الحمدالله تمام..... ضلن البنات يسولفن وهنه واكفات
جان وهنه واكفات البنات كلهن نزل قصي وسلم على الشيخ سلام والولد وشاف جوان واكفه يم البنات...... لمن قصي انتبه على جوان كبل جوان كامت ترجف وداخت
الشيخه:يماا جوان شبيج يمه....
جوان:حاسه بدوخه راسي ديأذيني
الشيخ جاسم:دكعدي بويه شكو واكفه......
كعدوها وجابولها مي وشربت وجابولها حبوب مال وجع راس وهي تشرب الحبايه وترجف..
ام جوان:يمه جوان شبيج حبيبتي
جوان:ماما راسي ديأذيني كللللش وحاسه بلعبان نفس
الشيخه:يااا يمه من شنو؟
جوان:هاا ماادري يجوز من السفر
ليالي:دكومي شوي ارتاحي
الشيخه:ايي يمه كومي بدلي ملابسج وغسلي ونامي شوي بلكت تصيرين زينه
راحت جوان صعدت فوك بدلت وغسلت ونامت شوي......
ورا شوي وكعدت جوان..
ميس:ها حبي شلون صرتي؟
جوان:الحمدالله احسن..
جيلان:دكومن خلي ننزل جوه نشوف شديحجون؟
جمان:لج شبيج فضوليه هسه يجي محمد يرزلج
جيلان:دروحي لج شمسويه اني حتى يجي يرزلني
ليان:اششش كافي عرك وكومن خلي ننزل جوه يلا...
كامن البنات كلهن نزلن جوه وكعدن يمهم
الشيخه:ها يمه جوان انشالله صرتي زينه
جوان:ايي يمه الحمدالله احسن..
ضلوا يسولفون كلهم لحد ما كال الشيخ سلام
الشيخ سلام:شيخ جاسم ممكن نروح للديوان كلنه الزلم اريد احجي وياكم بموضوع
الشيخ جاسم:ايي صار يلا امشونه للديوان...
عمار:يمه خلي البنات يسون جاي
الشيخه:ايي يمه صار. بنات كومن سون جاي
البنات:ايي صار...
..................
في المطبخ....
كعدن البنات كلهن يحضرن الجاي والكلاصات مال المي والاستكاين وضلن يسولفن
ليان:اكلجن..
البنات:هااا
ليان:شنو هو الموضوع الي يريد يحجي بي عمي سلام؟.
جمان:والله صراحه علمي علمج ماادري شنو الموضوع
جيلان:واني هم ماادري
ميس:ولا اني
ميساء وليالي:ولا احنه..
ماعدى جوان واسراء وناره الي محجن شي والبنات كلهن التفتن عليهن
ليان:ولجن انتن تدرن بالموضوع شنو؟
ناره:هاا ايي.. دفرتها جوان واسراء
ناره:اقصد لا ماندري نفسجن...
ميساء:والله جذابات تدرن بالموضوع شنو
جمان:ايي صدك...... ضلن يتعاركن كلهن اخر شي صاحت بيهن جوان
جوان:يبوووووووووو ولجنننن بسسسسس صطرتني صطر شبيجن هسه شكد فضوليات هسه عود تعرفن شنو الموضوع
وهي كاعد تحجي جوان جان يطب قصي.......
قصي:احم احمممم
ميساء:ها خويه رايد شي؟....
قصي:ايي اريد الجاي، بس شكو اصواتجن عاليه شبيجن؟؟
جوان:وانت شعليك..... جان تحط ايدها على حلكها ودنكت راسها😨.....
ميساء:خخخخ خويه هذا الجاي هاك اخذه...
اخذ قصي الجاي وراح والبنات كامن يرزلن بجوان
ميساء:ولج انتي عوبه شلون دكليله هيج
ميس:ولج شبيج شكو تحجين..
جوان:اووووووف كافي هسه شكلت اني.. وعافتهن وطلعت من المطبخ
جمان:هاي شبيها اختي تخبلت شنو؟؟
البنات:لا تعليق......
...........................
في الديوان....
جابوا الجاي وكعدوا يشربون
الشيخ جاسم:وهذا الجاي اجه كول خويه سلام شنو الموضوع
الشيخ سلام:احنه اليوم جايين بخصوص الولد
الشيخ جاسم:ايي خويه اسمعك
الشيخ سلام:اني اليوم جايكم حتى اطلب ايد بناتكم لولدي
الشيخ جاسم:قصدك على ليالي وميساء
الشيخ سلام:ايي خويه اني اريد ميساء لعمر وليالي لعلي وكلولي موافقين لو لا؟
الشيخ جاسم:والنعم منك شيخ سلام واني موافق وطلبك على راسي بس لازم نشوف رأي خوانهن ونشوف رأي البنات هم
الشيخ سلام:طبعا خويه اخذ راحتك واسئل البنات واسئل خوانه
الشيخ جاسم:شنو رأيكم بويه كلولي؟؟
سيف:بويه اني موافق..
عمار:واني هم
زيد:واني هم
محمد:واني هم موافق وماعندي اي اعتراض
الشيخ جاسم:وانت قصي شو مكلت شنو رأيك
قصي:بويه اني موافق وماعندي اي اعتراض على هذا الموضوع. لكن بشرط..
عمر:وشنو هو الشرط
قصي:انو ارجع جوان.....
الكل:شنوووووو
قصي:ايي بويه اني اريد ارجعها ومن حقي ارجعها مو صح لو لا
الشيخ سلام:ايي عمي من حقك ترجعها بس غير نشوف رأيها هي تريد ترجع او لا
قصي:عمي مدامكم موجودين هنا روح اسئله وشوفها شدكول
الشيخ سلام:ماشي هسه اروح اشوفها
راحوا الشيخ جاسم والشيخ سلام حتى يسئلون البنات
يعني الشيخ جاسم يسئل ليالي وميساء والشيخ سلام يسئل جوان
..................
الشيخ جاسم:ام قصي
الشيخه:ها عيني جايه
الشيخ جاسم:صيحيلي ميساء وليالي
الشيخه:ليش شيخ شكو صاير شي؟؟
الشيخ جاسم:لا تخافين ماكو شي بس الشيخ سلام رايدهن على سنه ورسوله
الشيخه:يا صلوات على محمد هسه رح اصيحهن..
راحت الشيخه للمطبخ حتى تصيح ميساء وليالي
الشيخه:خايبات ميساء ولج ليالي وينجن
ليالي:ها يمه
ميساء:ها يمه شكو شصاير
الشيخه:ولجن ماكو شي بس ابوجن يريدجن بموضوع
ميساء:يااا موضوع شنو
ليالي:يمه والله ممسويه شي
الشيخه:ولجن مايسويلجن شي بس روحن..
ليالي وميساء:صار يمه.... راحن البنات لأبوهن حتى يحجي وياهن
.....................
عند الشيخ سلام وام جوان...
الشيخ سلام:ام جوان وينج
ام جوان:ها عيوني
الشيخ سلام:بويه روحي صيحيلي جوان
ام جوان:صخام الصخمني ليش شسوت؟
الشيخ سلام:ششش مسوت شي بس قصي يريد يرجعها
ام جوان:ياا اللهم صلي على محمد رايحه اصيحها
راحت ام جوان تصيح جوان من المطبخ
ام جوان:ولج جوان تعاي
جوان:ها يمه اجيت
ام جوان:روحي ابوج يريدج
جوان:ليش شكو؟؟
ام جوان:لج هسه دروحي هو يكلج يلا
جوان:ماشي يلا رايحه..... راحت جوان لأبوها...
..................
في المطبخ..
ميس:اكلجن شكو اشو ميساء وليالي ابوهن صاحهن وراحن. وجوان عمي صاحها وراحت يا ترى شكوو؟
جمان:ولله ماادري يا خيه
جيلان:اندري علمنه علمج.....
................................
عند الشيخ جاسم وبناته......
الشيخ جاسم:بويه اسمعن الشيخ سلام رايدجن على سنه الله ورسوله موافقات لو لا...
ليالي:بويه واني المن رح تنطيني
الشيخ جاسم:الشيخ سلام رايدج لعلي وميساء رايدها لعمر ها شكلتن موافقات لو لا؟؟
ليالي:كللللش فرحت لمن ابوي كال علي جاي حتى علمود يخطبني لان اني من زمان انعجبت بي واحبه.....
ميساء:واني هم حيييل حيييل فرحت لمن كال عمر يريد يخطبج واني احبه اموت عليه
الشيخ جاسم:احجن بويه شنو صرتن خرسات؟ موافقات لو لا
ليالي:بويه اني موافقه.
ميساء:واني هم موافقه.
الشيخ جاسم:يلا لعد على بركه الله.....
.........................
عند الشيخ سلام وجوان.....
جوان:ها بويه رايد شي
الشيخ سلام:بويه من الاخر قصي يريد يرجعج شنو رأيج
جوان:شنوووو😨
الشيخ سلام:ايي بويه يريد يرجعج موافقه لو لا؟
جوان:لا بويه مااريد ارجع
الشيخ سلام:ليش بويه مو هو رايد يرجعج ومبين يحبج
جوان:بويه بس ارجع خاف يرجع يضربني😢
فجأه جان يطب قصي عليهم
قصي:جوان اني اوعدج انو مرح اضربج بس كولي انتي تردين ترجعين لو لا؟؟
جوان:لا تعليق...
الشيخ سلام:احجي بويه
جوان ببجي:ماشي رح ارجع بس عندي شرط واحد بس
قصي:وشنو هو؟
جوان:انو متدخل بلبسي اوك....
قصي:اوف امري لأالله ماشي انتي بس ارجعي
الشيخ سلام:على بركه الله.....
..........................
وعرفن البنات انو ميساء وليالي خطبوهن وعرفن انو جوان رح ترجع وصار الهلال والجكليت والركص بفلس كلهن كامن يركصن ويهلهن،.... وحددوا موعد الخطوبه بعد اسبوع والعرس ورا شهر من الخطوبه......
..............................
كامن البنات يبدن يحضرن شغلات الخطوبه من مكياج من تسريحه من فساتين وكلشي
.......................
بعد اسبوع والي هو يوم الخطوبه....
جانوا مخبوصين كللش وصايرين هوسه وعدهم خطار بالبيت وناس تسوي غده وناس تنظف وناس تسولف وناس تسوي جاي وكلشي وكلاشي ف خلصوا غده وغسلن المواعين ونظفن وصعدن يبدلن كلهن
..........................
كعدت ميس واسراء يحطن مكياج لميساء وليالي وطلعن يخبلن وسون التسريحه وانوب كامن البنات كلهن تمكيجن وسون التسريحات والفساتين لبسنهن
...................
نزلن البنات كلهن لابسات الفساتين ونزلن وياهن العرايس الي هنا ليالي وميساء وكعدن على الكوشه وضلن يركصن ويهلهلن وشي ورا شوي كالوا رح يجي خطيب ميساء .... طب عمر لابس قاط نيلي وحذاء اسود وشعره مسوي طالع يجنن كعد يم ميساء وطبعا ميساء جانت كلللش خايفه ومتلبكه..
عمر:ماشالله طالعه كمر اليوم
ميساء:شكرا حبيبي.
عمر:حبيبتي انتي. ليش خايفه شبيج
ميساء:ماادري بس شوي متوتره
عمر:لا حبي لا تتوترين ولا شي هسه اني رح اطلع بس البسج الحلقه واطلع
ميساء بأبتسامه:ماشي حبيبي....
جابوا العلب مال الحلقات حتى علمود يلبسون بعض
حلقه ميساء
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لبسها الحلقه وهلهلن وانوب هي لبسته الحلقه وهمين هلهلو وطشوا جكليت عليهم وانوب باسها من راسها وطلع ...
وضلن يركصن وانوب كالوا رح يجي خطيب ليالي
وليالي ضلت ترجف
الشيخه:ولج يمه شبيج ترجفين؟؟
ليالي:هاا خايفه ماادري ليش
الشيخه:لا تخافين هو بس يلبسج الحلقه ويطلع
ليالي:اوك ماشي
اجه علي طب لابس قاط لونه اسود وحذاء لونها ابيض وشعره مشسوره اجه كعد يمها على الكوشه
علي:شلونج
ليالي:الحمدالله زينه..
علي:حبيبتي شبيج؟؟
ليالي:مابيه شي حبيبي
علي:لا تتوترين اوك
ليالي:اوك.....
جابوا العلب مال الحلقات
انطوا الحلقه حتى يلبسها انطته ايدها ولبسها الحلقه
حلقه ليالي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لبسه الحلقه وهلهلو وانوب لبسته الحلقه وضلوا يركصون ويهلهلون ويطشون جكليت عليهم وقبل لا يطلع باسها من راسها وطلع
واخر شي خلصت الخطوبه وانخطبن ميساء وليالي وانوب صعدن كلهن فوك مسحن المكياج وبدلن ملابسهن ونامن.........
...................................................
هلاو قلبوشاتي شلونجن انشالله زينات. حبايبي اسفه على التأخير بس والله مديصير عندي مجال المهم. اني نزلتلكم بارت وتعبت كللللش عليه واتمنى تقدرون تعبي وادعموني وما دكولون البارت كصير وهسه رح انزلكم بارت وحدع مال فساتين البنات كلهن وتسريحاتهن ومكياجهن اوك يلا تصبحون على خير جاووو....
................
يتبع.....
