قصي:كعدت الصبح وشفته جنه ملاك نايم دخيل الي خلقج عفته نايمه وكمت طبيت سبحت وطلعت وجاي امشط بشعري وفزت جوان
قصي:صباح الخير
جوان بنعاس شوي: صباح النور🙆
قصي:يلا كومي بدلي ونزلي وياي
كامت جوان من الجربايه وعثرت وصاحت حييل
جوان:اخخخخخخخ رجلي يمه هئ هئ
قصي:ها هااااا شكو شبيج😯
جوان وهي تبجي:قصي رجلي مااكدر اكوم هئ😢
كومه وصاحت
جوان:اخ اخ والله مااكدر اكوم خاف انكسرت!!
قصي:شو اتجي علي لا تخافين... اني لزمته وضليت اباوع ابوجهة وهي هم ضلت تباوع عليها اني ادنيت عليها وهاي صاحت
جوان بارتباك: اخ اخ ولج قصي😂😂
قصي:ولج قصي شنو؟؟😅
جوان:هااا لا شنو مممم ماكو شي عبالي امي😁😂
ضحكت على فهاوته وخجله ولزمته وصحت امي والبنات والولد
قصي:يمه وينج تعاي بسرعه... بويه وينك
الشيخه والشيخ:ها ها شكوووو
طلعوا البنات والولد كلهم
ليان: يمه شبيج ليان
جيلان:عزززززززه يمه اختي
ميس وجمان: جوان شبيج احجي
سيف:على كيفج شبيجن خلي نفتهم
ميس:اسكت انته مالك شغل
سكت سيف
جوان:بنات لا تخافن مابيه شي بس عثرت من الجربايه وانلوت رجلي
الولد:امشوا خلي ناخذه للمستشفى
اخذوا جوان للمستشفى
............................
في المستشفى..
طببوا جوان للغرفه وشافه الدكتور وكال رجله مكسوره وصبوهة بس شنو هذا الدكتور عينه زايغه وكلساع يتلمس رجل جوان وجوان كلساع تكمز وقصي لاحظ هذا الشي وعيونه صارت بكصته
قصي:اخذنه جوان للمستشفى وطببوهة للغرفه وصبوا رجله وهذا الدكتور خرررب كلساع ومتلمس رجل جوان واني صارت عيوني بكصتي اخر شي جان يكله
الدكتور:شبيك تتكمز يا حلووو
جوان:هااا
وقصي شتعلت عنده الدنيه وراح طفر عليه وشبعه دك كتل بوكسيات ودفرات وكوه وخروا الولد منه
جوان: قصي ليش سويت هجي؟
قصي بعصبيه: لج شنو ليش مشفتي شنو جان يسوي جان يتلمس بيج لو لاااا
جوان دمعت عيونهة: ها...
قصي بصياح هز المستشفى هز: احجيييييييييييييي
جوان وهي تبجي: ها اي اي جان يسوي هيج
قصي: شفته كامت تبجي انقهرت عليه
قصي:بس كافي لتبجين تعاي
حضنه وهي زادت بجي
قصي:شنو شبيج شكو هلبجي
جوان ببجي: ليش تصيح عليه كدام العالم
قصي:بس اسكتي نرجع للبيت ونسولف
رجعوا للبيت وطبن البنات للمطبخ يسون عشه رادت دكوم جوان
قصي: وين وين تعاي وين رايحه؟؟
جوان:شكو ويا البنات غير
الشيخه: اكعدي يمه انتي رجلج مصبوبه هنه يسون العشه اكعدي يم رجلج
قصي: تعاي اكعدي ولا دكومين لحد ما تصيرين زينه
جوان: والله مااعرف اضل كاعده
الشيخه:ميخالف يمه تحملي هاي الايام بس ودكومين بالسلامه
قصي:صح كلام الشيخه
كعدت جوان يم قصي والخجل كاتله كل شوي قصي يباوع عليها
........................
بالمطبخ ...
طبن البنات للمطبخ ويردن يسون عشه
ليالي: اكلجن شنو نسوي عشه
ليان:والله ماادري
جمان:شنو عدجن من افكار؟؟
جيلان:لج بابا ياافكار جوعانين يردون ياكلون شنو موجود بالثلاجه سونه
ميساء:شنو رايجن نسوي حميسه مال لحم
ليالي:بس منو يسويها.... البنات كلهن ضلن يصفنن وحده بوجه الثانيه
جمان:جوان تسويها النه لان هي كلشي تعرف تسوي
ليان:بس شلون تسويها مو رجله مكسوره خطيه
جيلان:ايي صح شلون؟؟
ميساء:لحظه هسه اجيبها واجي
راحت ميساء للصاله وصاحت
ميساء:ولجججججججج جوااااااااان😂
جوان:عززززززززه شكووووو
ميساء:لحكيلي ماعدنه افكار نسوي عشه
الشيخه:ياااا طاحظج خوفتينه
قصي:صدك جذب ما تعرفن تسون عشه
جوان:لج كبر خوفتيني عبالي صار بيجن شي ثول
ميس:ولج ميساء...... وعثرت بالكاع
الكل:الله الله... ما عدى جوان جان دكول
جوان:الله وثول ودرزن عمه 😂😂
ميس:هاي شنو شبقيتي بيه اذا كلهن كلتيهن
جوان:هههههه تدرن بعد بيه اني شكد احشش
ميس:هسه تعاي نريدج تسوين النه حميسه مال لحم
جوان:اي مو تتدللن قلبوشاتي
راحت جوان للمطبخ ويه البنات وسوالف وضحك وسون حميسه مال لحم وبيتنجان ومارتديلا(يعني لحم قواطي خاف متعرفون) وشيفن طماطه وخيار وليمون وخير من الله وفرشن السفره ونكلن المواعين وتعشوا وكملوا وكامن البنات غسلن المواعين وكل وحده صعدت ويا رجله وناموا كلهم
....................................
يتبع.......
هلاو حبي شلونكم وهذا البارت العاشر لعيونكم وغلسوا على السحكات ههههههه والله حتى ايدي كامت توجعني من الكتابه يلا قراءه ممتعه بااااي احبكم💚💚
الكاتبه بصراويه
