قصي طلع المسدس وضرب طلقه بالسكف
قصي بصياح: ولكم وينه هذا الي ضرب ابوي وينه
الشيخ سلام: ابني اهدء شوي اعصابك كلشي يحله الحلال
قصي: وينه ابنكم هذا اله اسويها الدم بالدم فهمتوني
اجو عمام قصي وعمام علي وابو ميس وليان كلهم اجوا للمستشفى
وصار صياح بالمستشفى قصي تعارك ويا علي وكوا فاككوهم
بعد ساعات..... طلع الدكتور وكال: الحمدالله تعدى مرحله الخطر
سيف: الحمدالله ياربي
قصي وهوعصبي شوي: حتى لو ابوي طلع سالم بس اله اخذ حق ابوي بايدي
عمار: لك قصي انت اسكت عكب باجر نسويها كعده عشاير ونشوف شيسون
محمد: بس خلي ابوي شوي يكوم على حيله ونشوف بالله
.........................
في السجن
جوان: جنت كاعده بالمكتب مالتي وتفاجات لمن جابوا علي وعمر ولد عمي كلهم للسجن
جوان:لك علي هاي شكو😯
علي: جوان اني ضربت رجال من اهل الشيوخ وهسه هو بالمستشفى
جوان: عزززه العزاك علي😯
اجتي ميس وكالت: احمد لك شسوي هنا
كلولهة الحجي الي فوك وراحن البنات للبيت مال سلام
.........................
في بيت الشيخ سلام
جانت ام جوان تبجي وتصيح ويمها ام ميس وليان وثنينهن يبجن وخالات جوان وخالات ميس وليان هم موجودين طبت جوان وميس وليان وجيلان وجمان
ميس: ماما لا تخافين ابوي هسه دك عليه وكال الرجال تعدى مرحله الخطر وكالوا هسه شوي ونجي
جمان وهي تبجي: يمه يعني علي ما راح يسوله شي😢😢
الام: لا تخافين يمه هسه يجي ابوج ونشوف
جمان: ماشي
اجوا ابو جوان وابو ميس وعمام ميس وجوان كلهم اجو وكعدوا يحجون وام جوان تبجي وام ميس هم تبجي ف كلهم باتوا بيت شيخ سلام
...........................
يوم الكعده
الام: بنات كعدن خلي نضف شوي ويجون الزلم يلا
ميس: ايي عمه جايين
جوان: كمنه يمه
كامن البنات نضفن وخلصن وسون الغده واجوا ابو جوان وابو ميس وكلهم دغدوا وكاعدين على الطاوله جان يكول الشيخ سلام
الشيخ سلام: بنات حضرن كلشي عدكم لان بالاربعه يجون الشيوخ
الشيخ سمير: ايي يابه حضروا نفسكم سوه الجاي وكلشي عدكم وهسه اني راح اجيب فواكه وكلشي
ام ميس: انشالله عيني
ام جوان: انشالله خير
خلصوا غده وغسلوا المواعين ونضفن المطبخ وجابوا الفواكه والماي والعصاير وكلشي
................
في بيت الشيخ جاسم
طلع الشيخ جاسم من المستشفى وتلكوا بالهلال والجكليت وكلشي
زيد: يمه سولنه طريق خلي يفوت الوالد
الشيخه: ايي يمه فوتوا فوتوا سون طريق بنات
ميساء: الحمدالله على السلامه يابه
الشيخ جاسم: الله يسلمج بويه
محمد: يمه حضرولنا الغده بسرعه الوالد جوعان
الشيخه: ايي يمه هسه .. بنااااات حضرن الغده بسرعه الزلمه جوعان ورا كعده يلا
البنات: ايي يمه هسه
جاي يصبون غده وطبن خوات الشيخه وعمات قصي وسيف وعمار وزيد وخالاتهم
وبنات خالاتهم وكعدوا كلهم على الغده وكال الشيخ جاسم
الشيخ جاسم: بويه حضروا نفسكم شوي ونروح للعالم حتى نتفاهم
صاح قصي: بويه اله اخذ حقك منهم والله
الشيخ جاسم: بويه قصي اهدء وكلشي ينحل
قصي: انشالله بويه
كملوا غده وراحوا البيت شيخ سلام
.........................
في بيت الشيخ سلام
طبوا الزلم للبيت وصار الحجي وانوب صار صياح وهوسه والبنات كلهن بالمطبخ يسمعن
في الديوان
قصي: احنه انريد الدم بالدم
عمار: اسكت قصي
قصي بصياح: ما اسكت لو مدري شيصير هسه اله الدم بالدم
صاح الشيخ جاسم: قصي اشو انت ما عندك احترام لا الي ولا العمامك اسكت خلي يحجون الكبار
قصي: العفو يابه كمل
كال الشيخ جاسم: بويه احنه انريد الدم بالدم يا نكتل ولدكم الي ضربوني طلقه يا تشوفولكم حل ثاني
كال شيخ العشيره الثالث: عندي حل يرضي الطرفين اطلبون 200 مليون وتاخذون خمس فصليات ها شكلتوا
صاحوا ابو جوان وابو ميس
الشيخ سمير: بويه اني ما انطي بناتي فصليات
الشيخ سلام: شلوووون بناتي ما انطيهن فصليات
سيف شفتهم ما يقبلون على بناتهم كلت الله اكسر خشمهم وناخذ فصليات وكلت
سيف: لعد ناخذ فصليات واذا ما تنطون الدم بالدم زين
الشيخ جاسم: خويه احنه نريد الامانه باجر توصل النه فهمتوني
الشيخ سلام والشيخ سمير: امرنه الله شنسوي لعد انشالله الامانه باجر يمكم
الكل: انشالله
...............
خلصت الكعده وراحوا الزلم وراح ابو جوان وكال
الشيخ سلام: طلبوا 200 مليون وووو
ام ميس: ايي خويه كمل
ام جوان: ايي كمل
الشيخ سمير: وخمس فصليات
البنات سمعن هيج وكل وحده كامت تبجي وصعدن للغرفه يبجن ام جوان وام ميس تخربطن وضلن يبجن ويصيحن وعلي يصيح منا ما انطي خواتي فصليات وذو الفقار هم يصيح وكلهم ضلوا يبجون والبنات فوك يبجن
............................
ثاني يوم
جان البيت كله كئيب وكلهة ضايجه ونزلن البنات كلهن وكالن
البنات بصوت واحد: احنه نروح فصليات
الشيخ سلام: بويه متأكدات من الحجي مالجن
جوان وهي مدمعه: ايي بابا وركضت للغرفه
ميس: احنه راح نروح فصليات
وصعدن البنات للغرفه مره ثانيه وانوب ابو سلام انطه فلوس لام جوان وام ميس وكالوا تسوكن الهن جهاز عروس راحن للسوك وجابن كلشي وحضروا جنط البنات وصارن كومه
واجه وكت الروحه😢😢
بدلن البنات كلهن لبسن ملابس سود كلهن لان هنه كالن خلي نلبس كلحنه اسود
مو لان ميت عدهم وحد بس لان هنه عجبهن يلبسن اسود
ودعن البنات اهلهن وراحوا للبصره لان الطريق بعيد من بغداد للبصره
