تخربطت ميس وذبوا عليها مي ومكعدت وشمموه بصل وهم مكعدت اخذوها للمستشفى وعلكولها مغذي ..........
ورا ساعه..... كعدت ميس وفتحت عيونها..
ميس:جنت كاعده بغرفتي وبدلت ونزلت جوه وسمعت البنات يحجن على سيف واني كبل دمعت اجتي ليالي علي وكلتلي شبيج واجيت احجي وكبل بجيت وتخربطت وفتحت عيوني ولكيت نفسي بالمستشفى وخشمي جان يوجعني يعني بمكان الكسر
الشيخ:الحمدالله على السلامه بويه
ميس:الله يسلمك يابه
الشيخه:الحمدالله على السلامه يمه
ميس:الله يسلمج
الشيخه:يمه مدكليلي شجاج يوميه بالمستشفى..... كبل ضلت تبجي ميس
ميس ببجي:يمه مدكليلي شسوي سيف هو السبب بكلشي اووووووف ربيييي ضليت اصرخ وابجي بكل حركه وكل الي صار بيه من ورا الي مايسمه سيف وبعدين انطوني ابره مهدئ وبعد محسيت.....
......................
ورا شوي اجه الدكتور وكال
الدكتور:اني مو كتلكم لا تخلوها تتعصب او تنهار لان لا سامح الله يجوز يصير عدها شلل نصفي
قصي:دكتور زين ماكو علاج الها
جوان:دكتور سوي ايشي بس علمود اختي تصير زينه(يعني جوان تعتبر ميس مثل اختها)كبل ضلت تبجي جوان واخذه قصي على صفحه وشبكه ويحجي وياهة
قصي:ليش تبجين كليلي
جوان ببجي:شلون ماابجي واختي حالته حاله😢
قصي:بس كافي كطعتي كلبي بس😯
جوان:قصي
قصي:عيونه القصي
جوان:خليني اشوف ميس ولو للحظه وحده
قصي:خلي اشوف الدكتور يقبل واجي.....
راح قصي للدكتور وكله خلي تفوت بس لتسوي ازعاج للمريضه طبت جوان يم ميس
..................................
عند جوان وميس:جانت جوان لازمه ايد ميس وتبجي لان هي اقرب وحده الها
جوان:ميوسه حبيبتي اكعدي الله يخليج..... كبل ميس لزمت ايد جوان حيييييل
ميس:حسيت على صوت جوان تبجي كبل لزمت ايدها حيييل وكتله
ميس بتعب:جوان حبي لتبجين اني مبيه شي زين
جوان:كبل شبكته وضلينه نبجي اني وياها واني شابكته جان طخيت خشمها
ميس:اخ اخ جوان خشمي
جوان:هههه هاي تاليتج ياميس خشمج انكسر وتذكرين لمن جنه نروح للمدرسه ومخطانتج نازله ههههههه😂😂
ميس:لج كبر لااذكريني بهذيج الايام
جوان:هههههه يلا بعد مااحجي
ضلن البنات يسولفن ويضحكن وطبن جمان وجيلان وليان عليهن وهم كعدن يسولفون ويضحكن ورا شوي واخذو ميس ورجعوا للبيت
............................
بالمطبخ......
كعدن البنات يسون عشه وميس حطتلهة كرسي وكعدت تسولف وياهن وهنه يطبخن سون مركه كبه حمره وطماطه مكلايه وبابا غنوج وكبه مال لحم وطرشي وطماطه وخيار وليمون وكعدوا ياكلون بعدين خلصوا العشه وجوان وليالي هنه غسلن الاماعين وانوب صعدن كل وحده لغرفته
............................
عند جيلان ومحمد:صعدت جيلان للغرفه باوعت بالغرفه بس ملكت محمد
جيلان:محمد محمد وينك؟؟...... جان جره عليه وحضنهة
محمد:شبيج خفتي
جيلان:هاا مخفت
محمد:ايي مبين
محمد:جيلان اسئلج سؤال
جيلان:ايي كول
محمد:شوكت تصيرين مرتي
جيلان ضلت صافنه عليه
محمد:الووووو جيلان
جيلان:ها هااا شكو
محمد:شبيج سئلتج سؤال جاوبي
جيلان بارتباك:ممممم ماادري عن قريب
محمد:ضحكت عليها شلون خجلت ههههههه المهم طبيت للحمام وسبحت وطلعت واجت نامت خليتها بحضني ونمنه.....
.................................
عند ليان وزيد:طبت ليان سبحت وطلعت لابسه دشداشه قصيره لونها احمر
زيد:هاي شنو شطالعه اليوم😙
ليان:كافي خجلتني
زيد:فديت الي يخجل
راحت ليان يم زيد وناموا
...........................
عند جمان وعمار:وهم طبت جمان للحمام وطلعت لابسه بس الاتك
عمار:هاي شلابسه؟
جمان بخجل:ها لابسه اتك
عمار:ديلا تعاي خلي انام
جمان:خلي البس دشداشه
عمار بصوت حاد:كتلج تعاي...... راحت جمان يم عمار ونومهة بحضنه وغفوا ثنينهم
.............................
عند جوان وقصي:طب قصي للحمام وطلع شعره منكع ولابس بس المنشفه
جوان بتلبك:ااااااا البس تيشيرت!!
قصي بضحكه:ههههه ليش البس
جوان:شنو ليش البس عفيه
قصي:ماالبس تشيرت عادي مرتي قابل واحد غريب...... رحت كعدت يمهة على الجربايه وهي كلش مستحيه
قصي:جوان
جوان:هاا
قصي:شوكت تصيرين حلالي
جوان:هااا ليش مااريد
قصي:ليش متردين
جوان:اوووو قصي هسه وكتك فتحت هذا الموضوع
قصي:يلا خلص تعاي خلي انام....... اجتي نامت على صدري وضليت اشتم بشعرهة وغفينه اثنينه
..............................
اما عند ميس وسيف:جانوا كل واحد نايم بمكان ميس بالغرفه وسيف نايم بالصاله جانت ميس تبجي من كل كلبه وعيونها صارن حمرررر اما الي مايسمه سيف جان بالصاله وكاعد يفكر بميس شنو سوت مسوت اخر شي لف راسه ونام
وميس كامت غسلت وجها وسمعت صوت الاذان وكامت توضت وكعدت تصلي وهي كاعده تصلي تحجي بينها وبين ربها
ميس بحركه كلب:اووووووف ربييييي ليش سويت بيه هيج اهئ اهئ ربي اريدك كون اطلع حوبتي بسيف وسناء ربييييي اريدك تخلي يفرفح اخخخخخخخ ولج يمه اووف..... بعد مخلصت من الدعاء كعدت تقره قرآن وسجدت وغفت على السجاده
..............................................................................
ثاني يوم.....والي هو اليوم راح يرحون يخطبون لسيف ومراح يسون لا عرس ولا حفله ولا غيره بس يكطعون مهر ويعقدون ويجبوه للبيت
...................
جوان:كعدت الساعه ب7ونص لان اليوم خطبه الاستاذ سيف وراح يجون ناس هواي ف كمت سبحت وكعدت قصي حضرتله ملابس واني بدلت ونزلت
.................
لكيت الشيخه وميساء وليالي كاعدات طبيت للصاله
جوان:صباحووو عيني
الشيخه:هلا بيج يمه........ بست راس الشيخه وانوب رحت للبنات للمطبخ
.........................
جمان:كعدت الساعه ب8اله ربع طبيت سبحت ونزلت جوه لكيت الشيخه بالصاله وميساء وليالي وجوان بالمطبخ
جمان:صباح الخير شيخه... رحت بست راسه
الشيخه:صباح النور حبيبتي
ورحت يم البنات بالمطبخ
..........................
جيلان:كعدت الساعه ب 8 ظبط وطبيت للحمام وكعدت محمد وانوب نزلت جوه وصبحت عليهم....
..............................
ميس:كعدت الساعه ب9وربع وجهي صاير احمررر من البجي الي بجيته البارحه غسلت وجهي بس مطخيت خشمي طبعا راسي فتحت الخياط مالته وصار احسن بس خشمي شوي بعده واليوم خطوبه الي مايسمه طبيت للحمام سبحت بس جسمي وسويت شعري وبدلت ونزلت جوه....
..........................
ميس:صباح الخير يوم .... وبست راسه
الشيخه:هلا هلا ببنيتي الغاليه شلونج يمه
ميس:الحمدالله زينه... رحت للبنات بالمطبخ
ميس:صباح الخير بنات
البنات:صباح الخير
ميساء:شلونج حبي
ميس:الحمدالله
ليان:نزلت ميس وجه احمر وعيونه حمرر ومورمات عرفته باجيه بس شنسوي غير كله من وره هذا البلاء الي الله حطه على راسه
سون البنات الغده مركه سمج وقوزي ودجاج شوي وسلطه وباجه وتمن اصفر ودقوس وليمون وطماطه وخير من الله... حضرناهن لان راح نروح للخطبه ونرجع وحتى من نرجع كبل انصب للزلم والنسوان اكل المهم كل وحده صعدت الغرفته حتى تبدل اني طبيت للغرفه لكيت زيد مبدل واني هم بدلت وسويت شعري ذيل حصان
