Meet Me In Mabini (City Series #2)

Chapter 24

#MMIM24

Nagtawanan kami ni Lia habang inaayos niya ang sarili niya para sa pictures. Mas natawa ako dahil maski ang buhok niya ay inaayos niya pa, eh hahanginin rin lang naman sa 4 by 4.

Nandito kami ngayon sa Paoay para sa Sand Dunes. Naschedule na nina Margaux ang mga gagawin namin dito sa Ilocos bago sila mag-honeymoon kaya naman sinusulit na rin namin ang libre galing sa bangko ni Franco!

"Okay, let's ride there na lang." Rinig kong sabi ni Alice sabay turo sa gagamitin namin na 4 by 4.

"Wait, hindi na pantay," angal ko. Napalingon naman si Vale sa akin kaya umiwas ako ng tingin. "Five lang dito, tapos isa sa harap, diba? Nasa harap na si Selena. Doon sa isa, walang tao sa harap."

I was hoping Vale would take the hint. Bago pa siya makasalita ay nagsalita naman na agad si Raffy.

"Doon nalang ako," Raffy said.

Umiling kaagad ako. "Huh? Dito ka."

Si Vale na ang mag-adjust! Ano ba yan?!

Sinamaan naman ako ng tingin ni Raffy kaya ngumiti na lamang ako.

Hindi niya naman siguro alam na pinaparinggan ko si Vale, 'no?

Raffy tried forcing it, but I immediately grabbed her arm. Ayoko naman makatabi si Vale dito. Baka kung ano pa masabi ko.

"Dito si Raffy! Decide na lang kayo kung sino d'yan, ah!" ani Lia, kaya naman napalingon ako sa kanya.

Tumingin ako kay Vale na ngayon ay nasa tabi ko na.

"Are you really doing this to Raffy and Claude?" he whispered.

"Huh? Ayaw lang kitang kasama," I told him. "Tska kung may aasarin man ako kay Raffy, ikaw 'yon. Bagay kaya kayo."

Tumaas ang kilay niya sa akin habang nagtatago ng ngisi. "Mga linyahan mo, bulok."

I scoffed. "Wow!"

When I found myself almost laughing, pinigilan ko agad ang sarili ko.

Why is he making jokes? How did he do that?! Paano ko biglang nakalimutan yung awkwardness?

Nang makita kami ni Raffy na nagpipigil ng tawa ay pinandilatan niya agad kami. I looked in front, pushing Raffy towards Claude. Lubusin ko na rin para sa kanilang dalawa! Ni hindi pa nga ata sila nagpapansinan ngayong araw na 'to, eh.

Nagulat ako nang itulak rin ni Vale si Raffy palikod. I looked over at him, and he was already looking at the view. Umiwas na rin ako ng tingin.

Ang gwapo naman kasi. Ayokong makita.

Si Vale ay naka-kapit sa isang dulo at si Lia naman sa kabila, kaya wala rin akong choice kungdi kumapit sa braso nilang dalawa. I saw Vale's adam's apple move while he looked further away.

Umirap nalang ako sa kawalan at nginitian si Lia na enjoy na enjoy ang hangin. Kay Lia na lang ako kumapit para naman wala nang masabi si Enrique.

"AAAAH!" we both screamed.

Nang medyo tumilapon ang 4 by 4 ay napansin agad namin si Raffy sa likod na napunta kay Claude. I tried my best to hide my laugh.

"Okeh kah-yoh?" Vale asked.

Without thinking, I elbowed him right in his stomach. Natawa naman siya at tumingin sa akin.

I bit my lip and looked away once again

 Ang hirap naman. Ang hirap pigilan yung tuwa. Ang hirap pigilan ang sarili kong mamiss siya. Ang hirap dahil kapag tumatawa kaming dalawa, pakiramdam ko, umuuwi ako. Pakiramdam ko, okay na ulit ang lahat.