نوفيلا لهيب امرأة (مكتمله)

امرأه ابليس

فتحت الباب ووقفت دقائق وهي تنظر ببرود وتحرك رقبتها يمين تاره وشمال تاره اخري ثم قالت: افندم

الرجل وهو يفسح الطريق ويدخل: ايه حسك مش مبسوطه من زيارتي بقي انا قاطع عشانك المحيط كله وفي الاخر تقوليلي افندم

سيلين ببرود: طب بما انك قاطع المحيط كله فالشقه انت عارفها كويس انا داخله انام عندي شغل كتير

مراد ببرود: كلير عامله ايه يا سيلين

وقفت ببرود عكس ما بداخلها واعطته ظهرها كما هي وقالت: كويسه.. كويسه اوي ثم دخلت واغلقت الباب خلفها واتجهت للسرير وجسدها ينتفض بالكامل حتي غطت في النوم
---------***-------**-------

بينما في مكان مجهول  كانت تجلس وتتضم قدميها عند صدرها تنظر للفراغ بشرود ثم دخل عليها احد الرجال وهو يقترب منها بخفه فتحركت للخلف بخوف فحرك يده علامه ان تهدأ ثم حرك نظاراته الطبيه بهدوء ثم قام وقال: انا مش هأذيكي صدقيني انا معاكي انتي انا مش ذيهم انا مش هأذيكي

فحركت الفتاه رأسها بشده وهي تصرخ لا كلكوا زي بعض كلكوا عايزين تأذوني كلكوا السبب في اللي حصلي محدش بيحبني غير ماما محدش انقذني غيرها انا عايزاه ماما اعااا عايزه ماما فأشار لاحد الفتيات ان تأتي فأتت ومعها حقنه مهدئه اعطتها لها وسط صراخها حتي نامت
_______**_____

في صباح اليوم التالي شمس جديده اشراقه جديده نفوس طيبه وعكسها يملأها الحقد والكره

استيقظت الفتاه من النوم ذهبت للاستحمام ثم خرجت وهي ترتدي بنطال بني وتيشرت اصفر وتركت شعرها ذو الخصلات الصفراء للخلف ثم حملت حقيبتها واتجهت لاحدي الشقق صعدت ورنت الجرس فتح لها بمنظره الناعس وصدره العاري وهو يحك مؤخره رأسه بكسل فرفعت حاجبها له

مراد: اهلا اهلا نيفي هانم العظيمه مشرفانا في بيتنا المتواضع

نيفي ببرود: ششش مسمعش صوتك انا جايه لاختك انت فاهم يعني مش عايزه اليوم يبوظ عشان اصطبحت علي وشك

مراد: لمي لسانك يا قطه عشان مخلكيش تمسكيه في ايدك

نيفي بضحكه سخريه: تصدق خوفت يا مامي مراد بيه بيهددني وهيقطلعلي لساني خبوني يا جماعه

مراد: تعالي انا اخبيكي اقترب منها ولكن اوقفه فنح باب غرفه اخته

سيلين: بس فيه ايه نيفي واشارت برأسها للداخل ثم حدثت اخيها: وانت روح البس حاجه محناش في امريكا احنا في مصر يا روح اختك ثم اغلقت الباب بينما دخل هو للغرفه وارتمي علي الفراش ينام مره اخري

في غرفه سيلين

نيفي: ايه اللي جابه اللزج دا

سيلين ببرود: اللزج دا يبقي اخويا ها وجاي لاخته

نيفي: فكك ها اي الاخبار

سيلين وهي ترمي ظهرها علي الفراش: ولا حاجه زي ما هي كل حاجه لسه

نيفي: طب واخره هنخلص امته

سيلين: الصبر حلو يا نيفي دا الصياد الشاطر هو اللي يرمي الصناره ويستني لحد ما السمكه تأكل الطعم وبعدها يسحب احنا دلوقتي رمينا الطعم نستني عشان نسحب

نيفي: انتي دماغك فيها ايه مبقتش فاهمه

سيلين: ولا انا فاهمه ثم سمعت صوت هاتفها فوجدتها زميلتها نجوي فردت

نجوي: الو فينك يا سيلين

سيلين: في البيت مش جايه النهارده يا نجوي تعبانه

نجوي بقلق: لازم تيجي دلوقتي وحالا كارثه....
-------★-----★★-----★★★
باك لليله الحريق

في قسم الشرطه كان علي يجلس كما هو يحقق في القضيه فدخل عليه احمد كالعاصفه

احمد: علي فين ملف قضيه ماجد السيوفي

علي باستغراب وهو يمد يده له بالملف: اهو ليه سحب احمد دون ان يرد عليه ويقرأ جيدا

احمد بهمس: نوع السم اندريمو من افعي مامبا سودا نفس النوع

علي: انت بتقول ايه يا احمد في ايه

احمد: انهارده حصل حريق كبير في شركه بدران للكيماويات اكيد سمعت عنه المهم واحنا في الموقع عمال الاطفاؤ لقوا حاجه غريبه حيطه مرسوم عليها افعي ونوع الافعي هي هي نفس الافعي اللي لدغت ماجد السيوفي ومحططوط عليها ماده ضد النار عشان ظي بالذات الي تفضل بعد ما المبني يتفحم يعني اللي عمل كده قصده يورينا انه هو اللي عمل الجريمتين وانه يقدر يعمل اي حاجه في اي وقت بس ايه الدافع ايه

علي: هو دا اللي بحاول اوصله في نفس الوقت دخل العسكري وهو يقول: فيه واحد جه برا يا بيه سلملي الظرف دا وطلب مني اوصلهولك بنفسك ثم مد يده بالظرف فالتقطه علي بسرعه وهو يفتحه ففتحه وجد ورقه وصوره لثلاث اشخاص فتاه يبدو انها في العاشره من عمرها وشاب ولكن صورته ملطخه ومقطوعه عند الرأس وامراه صورتها نفس الشكل فنظر باستغراب ثم امسك بالورقه وجد بها كلام مكتوب باللون الاحمر القاتم "دور في اللي حصل من سبع سنين وهتفهم كل حاجه" فصرخ عالي بالع كري بشده

علي بصراخ: روح دور علي اللي اداك الظرف بسرعه فهرول العسكري للخارج بينما استغرب احمد وقال: فيه ايه يا علي وايه دا

علي بشرود: الدافع......
--------***-----****------

يارب البارت يعجبكم واكون عليت ليفيل الاثاره😂