نوفيلا لهيب امرأة (مكتمله)

ذكريات

كانت تجلس امام غرفه الكشف بهوان تشعر انها السبب تفقد احد بعد الاخر لما كل هذا يحدث معها ايعقل انها لعنه كما يقولون هي السبب في كل ما يحدث معها فقد فقدت كل من تحبهم اثر ذاك عادت ذكرياتها الي ما حدث منذ سبعه سنوات وهي تتذكر كل شئ كانه حدث امس

F.B

كانت تجلس في السياره وهي تتحدث فيديو كول لمروان

سيلين: ما خلاص بقي افرد وشك هما اسبوعين

مروان: انتي عارفه دول هيعدوا عليا كأنهم سنين تكلميني كل يوم واوعي تنسي احسن اركب واجيلك وخلي بالك من اكلك

سيلين مردده بسخريه: واتغطي كويس والبس تقيل عشان الدنيا برد واشرب اللبن عشان ادفي مش كده

مروان: بتتريقي انا غلطان

سيلين: يا جدع انت بتحسسني انك ابويا مش جوزي

مروان بحب: هو مش انا ابوكي واخوكي وجوزك وكل حاجه في دنيتك

سيلين بحب: طبعا يا احلي راجل في الدنيا

كلير وهي تقفز بجوار ابيها: مخلاص يا عصافير الكناريا نيفي بترجع من الرومانسيه

سيلين: انتي قعدتك مع نيفي خربتك وانا مش هقعدها معاكي تاني عشان لسانك بدأ يطول

كلير: فرفشي يا مامي دا انتي حتي مسافره انجلترا بلد المزز اه بقولك لو لقيتي واحد احلي من بابا هتيه عشان زقت منه عايزين واحد تقفيل اوربي ماانهت جملتها حتي وجدت صفعه علي قفاها من مروان

سيلين: ايوه يا مروان اديلها واحد بالنيابه عني

كلير وهي تجري: ايه يا حجه هو انتي مش عتقاني لا في البيت ولا في التليفون اه يال العالم القاسي انا هروح استخبي في حضن عمتو هي احن عليا منكوا فجرت لنيفي التي كانت تضحك من البدايه

سيلين بغيظ: اضحكي ياختي اضحكي دا انا هخلي مراد يطلعوا عليكي ورب العزه لخليكي تجيلي زي الكلبه تبوسي رجلي عشان تخليه يخف عنك

نيفي: يا مامي تصدقي خفت مراد مين دا اللي اخاف منه دا حيلا خطيبي

فتحدث صوت من خلفها تعرفه جيد: وبالنسبه اني هبقي جوزك قريب دا عادي يعني

كلير: مرادي ايه دا انت دخلت ازاي

مراد: من الباب عادي

مروان: يا ظرافه اهلك يا اخي

سيلين: والله انا حاسه اننا فاتحين بيتنا دار لمعالجه المرضي النفسيين البيت كله اتجنن ولا ايه دا انا سبحان الله العاقله الوحيده

مروان: احب يا عاقل انت انتي هارفه لولا انك بعيده عني كنت عملت حاجات هموت واعكلها

سيلين بخجل: سافل وربي ايه دا قالت ذلك وهي تشير للخلف فنظر مروان وجد نيفي ومراد يحاولان ضرب ببعض وكلير تمنعم بصعوبه فضحك بخفوت فذاك الكابل الكوميدي لن يهدأوا ابدا فنظر مجددا لسيلين