حواديت بطعم الحب

حواديت نيران وزين ١

#حواديت_نيران_وزين

اسكريبت بعد الفراق💔

ملگ احمد

نيران بحزن: يعني دا آخر كلام عندك يا عمار.

عمار بجمود: افتكر ان كلامي واضح يا نيران انا وانتي مش شبه بعض ولا ينفع نجتمع مع بعض انتي واحده مش بتحبي الخروجات والسفر والكلام دا انما انا واحد مش بطيق البيت ساعتين علي بعض انتي بتحبي حجات انا عمري ما حبيتها يعني مختلفين بكل الطرق ولو اتجوزنا هتبقي علاقه فاشله ومش هنعرف نكمل.

نيران بمحاوله اقناعه: بس احنا بنحب بعض يعني هنقدر نعدي كل ده وكمان دي مش حجات تخلينا نسيب بعض.

عمار بجمود وبرود لم تعتاد عليه نيران: دا اللي عندي احنا مش هنكمل مع بعض ياريت بقى يابنت الناس تنسيني خالص وتخرجيني من حياتك.

نيران بجمود مصتنع: تمام اعتبرني خلاص من اللحظه دي نسيتك.

افاقت نيران من شرودها علي صوت شئ ما اوقعته قطتها في الارض وكان كتاب لوالدها المتوفي مسكته واخذت تقرأ فيه حتي تذهب الي عالم اخر وتنسي حبيبها السابق.

وبعد مرور يومان كانت نيران تجلس بإنتظار القطار حتي تسافر الي جدتها لقضاء العطله معها.

ركبت القطار وجلس احداً ما امامها واخذ ينظر لها كثيرا وتوترت نيران منه بعض الشئ ليقول ذلك الوسيم بإبتسامه: انا اعرف حضرتك وبشوفك كتير اوي.

نيران: اسفه بس انا معرفش حضرتك.

زين: اكيد انتي متعرفنيش مهو احنا اول مره نتقابل.

نيران بإستغراب: وازاي حضرتك تعرفني واول مره نتقابل.

زين بتوضيح: مهو انا بشوفك واعرفك كويس بس عمرنا ما اتقابلنا.

نيران بسخريه: ودا جالك من اي يا ضنايا.. اقولك اوعي تسكت وروح اكشف عشان مينفعش كده.

زين بغضب: انا مش بهزر انا فعلا عارفك.

نيران بغضب هي الاخري: انت مجنون رسمي اوعي كده ياعم الواحد مش ناقص جنان.

قامت نيران وذهبت لتجلس في مكان آخر.

مر اسبوع ونيران بمنزل جدتها التي اقترحت عليها الخروج مع ابنه خالتها.

نيران ببتسامه: قوليلي بقي يا غرام هنروح فين.

غرام بمرح: بصي يا ستي ادام انتي في الأقصر بلدنا بلد سواح يبقي تسبيلي نفسك خالص وانا هفسحك وكمان هغديكي دا فيه عربيه كبده هنا انما ايه صاحبها بيعمل احسن كبده حمير في مصر.