حواديت بطعم الحب

حواديت نيران وزين ٣

ولنا عوده..

حواديت_نيران_وزين

Loka Ahmed

انا بحبك يا نيران..

-عاوزك تحلمي.
=انا مش عاوزا احلم واتعلق في حاجه وفي الاخر متحصلش واتعب انا.
-لا طول ما انا معاكي تحلمي عشان انا هحققلك الحلم دا.

مش عاوزك تخافي طول ما انا جنبك... انتي نيران قلبي.. بكره هعرفك ازاي تقوليلي اسكت بس لما تبقي بتاعتي... قلب زين.. عمري ما حبيت أو هحب قدك عشان انتي عندي بالكون كله....

كل كلامه بيتردد في دماغي منستش منو ولا حرف من اول يوم شوفته فيه لغايه ما جه عندنا واديتو دبلتو.

- ها بقي يا ستي قوليلي هنسمي عيالنا ايه.

=ههههه عيالنا طيب انت عاوز تسميهم ايه.

-ممكن سلمي أو هسمي نيران عشان تطلع زيك في كل حاجه و...

=نعم يا روح امك.. احم اقصد يعني يا روح طنط مفيش الكلام ده يا بابا انا هفضل نيران قلبك ومش هيبقى فيه مني اتنين واصلا مش هخلف بنات خالص اشطا.

-اشطا نخلف ولاد بس بس هنسميهم ايه.

=ايوا احنا نخلف ولاد وهسمي نادر و أمير عشان يبقي هو امير قلبي

- انا بقول برضو ان الخلفه دي موضه قديمه اوووي وكمان احنا وصلنا ل ١٣٠ مليون ويمكن عديناهم وكمان فيه كرونا في البلد وحجات كده والريس بيقولك اتنين كفايه يعني مش هنخلف.. قال أمير قلبي قال قلبك دا بتاعي انا محدش يبقي اميرُه غيري.

ضحكت بصوت عالي فقالي بهزار: هيهييههي كباريه النجوم يرحب بالساده الزائرين.

=بطل رخامه.

-بحبك.

=هاا... طيب سلام عشان ماما بتندهلي.

لغايه دلوقتي عندي الريكوردات بتاعته بحب اسمعها لما اكون مخنوقه ولما بكون فرحانه أو زعلانه من حد أو خايفه من الاخر صوته بقي كل حاجه بالنسبه ليا بقيت اخاف اختلط بالناس وقطعت علاقتي بالكل مفيش غير هاجر بس مهو انا مليش غيرها ف برضايا أو غصب عني هتبقي صحبتي.

"انسي بقي يا نيران كفايه اللي عملو فيكي"
- مش قادره انسي زين مكنش اي حد عشان انساه بالسهولة كده.

انا عارفه اني عيط كتير بسببوا ووصلت لدرجه اني كنت هموت بس مش مهم هو يرجع وكل دا هيتبخر وهسامحه مش عشان معنديش كرامه لا عشان بحبو واللي بيحب بيسامح بس هو يجي ويقول اسف يا نيران قلبي دي عندي بالدنيا كلها.. بحب اوي ام كلثوم وهي بتقول مخطرتش على بالك يوم تسأل عني... هااا يازين انا مخطرتش علي بالك يوم تسأل عني..
بسأل نفسي السؤال دا كل يوم وكل يوم بنتظر منو اجابه أو انو يقولي بسأل عليكي السما... ببعت سلامي مع الهوا..