حمم الجحيم(زمن السلحدار)مكتملة

part9



#########
سعد وتحيا
وصل سعد الى قصره عندما فتحت ابواب القصر وهم ان يدخل قاطعه احد الحراس
الحارس..الصبح في واحدة قريبة الحاجة تحيا جاتلها وكتبت اسمها از،.
قاطعه سعد..أي حد قريب تبع
دادة تحيا دخلوا على طول وتركه ودخل القصر
دخل القصر استقبلته تحيا
تحيا..أنا بنت اخويا جاية تقعد عندي أنا قولت استئذن حضرتك
سعد..البيت بيتك يادادة تحيا وضيوفك ضيوفي
~~~~~~~~~
طارق و فاطمة
فاطمة بعد ان سألت بعض الخادمات في القصر عن طارق اتضح لها انه انسان مغرور ومتكبر وزير نساء وعند هذه النقطة اغروقت عيناها بالدموع و لا يعترف بخطأه فقررت ان تتجاهل قلبها ولا تعطي له ريق حلو.
وصل طارق الى القصر على غير عادته مبكرا..كي يراها فلم يراها بالامس لا يعرف ماذا فعلت بقلبه الذي لم يعد كما كان
ذهب طارق الى عمه وزوجة عمه
طارق.. ازيكم ياعمي وانتي يامرات عمي أومال فين فاطمة
سكينة.. من ساعة لما جبت العمال يعملوا ليها اوضة خاصة وهي بارشة فيها مابتتحركش
طارق.. طب تسمحولي اروح ليها تيجي تقعد في الهواء هنا بعيد عن خنقة الاوض
رزق.. روح يابني اقنعها وماتتأخرش
طارق حاضر ياعمي
....كانت في الحجرة التي كلف طارق مهندسة ديكور تعملها في وقت قياسي غرفة بناتي جميلة هي تشعر ان طارق بيتقرب اليها بس خايفة يكون بيعمل كده عشان يلعب بقلبها..وعواطفها و في الاخر تقع على جدور رقبتها
سمعت طرق خفيف على الباب
فاطمة..ايوا اتفضل
فتح الباب ودخل ارتعبت فاطمة ووشها احمر من الغضب بعد ان دخل واغلق الباب
فاطمة.. لو.سمحت افتح الباب ماينفعش تقفل الباب و انا و انت لوحدنا مع بعض
طارق بخباثة.. يعني لو دخلت وفي ايدي حد اقفل الباب عادي
فاطمة بتلعثم.. المشكلة مش كده ماينفعش تدخل وتقفل الباب افتحه لو سمحت
طارق.. طب تعالي معايا تحت في المكتب نتكلم قبل مانروح لعمي في الجنينة
نزلت معه وهي ترتجف بمجرد ان بينها وبينه خطوات قليلة
طارق المكتب اهو والباب هسيبه مفتوح ياستي عشان ماتخافيش بس عايز اكلم معاكي وياريت تصدقني في اللي هاقوله
فاطمة بعد ان جلست..اتفضل قول
طارق بنظرة الى عيناها.. صدقيني من ساعة لما دخلتي قلبي وحياتي ماعدتش في بنات  ولا ستات غيرك. ثم اردف
أنا عايز اتجوزك يا فاطمة
فاطمة بدموع تنهمر.. بس أنا خايفة تعتبرني نزوة وتعدي مش حب يدوم على طول ده جواز ارتباط ابدي
طارق.. صدقيني وهاقولها تاني وتالت أنا بحبك معرفش حصل ازاي او امتى بس بجد أول مرة احس ان جسمي بيبقى متخدر وببقى سعيد بقربك لما بشوفك أنا بس عايزك تثقي فيا
فاطمة..خلاص يا طارق اديني وقت لبكرا  وهاقولك قراري يابن عمي وتركته ورحلت الى غرفتها تبكي ..😂😢
~~~~~~~~~
وليد و فتحية على التليفون
وليد.. الو ايوا ياخالتوا
فتحية..نورهان يابني جالها عريس تاني وهي موافقة عليه وبتقولك كل شيء قسمة ونصيب ومتزعلش
نفسك يا ابني بكرا تلاقي اللي احسن منها
وليد يكاد ينفطر قلبه هو لم يشعر معها بحب بل اعجاب ولكن لابد ان يطاطي للريح حتى تهدا العاصفة
وليد..كل شيء قسمة و نصيب
الحمد الله على كل حال
~~'''''~~~~~~
نورهان ومازن في العمل
مازن استيقظ مبكرا وقد غلبت عليه علامات الانبساط.
فقد قرر ان يعترف لنورهان بحبه💟 ويتخلى عن كبريائه فقد اقتنع أخيرا بأنه يعشقها حتى النخاع ولن يتخلى عنها لأي سبب من الاسباب وصل الى باب العمارة فاليوم من المرات النادرة التي يأتي بها بدون حراسة السعادة تغلبت على وجهه دلف الى الشركة لم يكن بها الا عم محب الذي اتى له بالقهوة ثم قال له
مازن.. لما تيجي الانسة نورهان خليها تيجيني
وعلى الجانب الاخر فكرت نورهان ان تغيظه وتجعله يشطاط منها هي حقيقة لا تعرف لما تفعل ذلك معه الكل يحسدونها فمازن ليس رجل اعمال عادي أنما عالمي بحق وله شهرة تعادل نجوم السينما ولاعبي الكرة بس هي مش عايزة تحس ان حد فارض نفسه عليها هي هتقوله كده عشان تيجي منه اه هتقوله انها وافقت بس عشان مايدمرش مستقبل وليد أه هقوله كده. لم تعلم انها ستفتح عليها ابواب الجحيم.
دخلت نورهان الشركة
عم محب..نورهان يابنتي مازن بيه عايزك قالي أول لما تيجي ابلغك
نورهان حاضر ياعم محب
دخلت نورهان وعلى غير العادة وجدت مازن مبتسما وقد ظهرت غمازاته واسنانه البيضاء الناصعة وجدته وسيما اليوم
مازن..اتفضلي يانورهان لازم اقولك على كل حاجة واسمعيني للاخر
نورهان بمقاطعة انت اللي لازم تسمعني للاخر
مازن بابتسامة.. مفيش مشكلة اتفضلي قولي يا نورهان
نورهان ببعض الشجاعة..اوعى تكون فاكر ان أنا هتجوزك عشان هددتني بحنان ومامتها لا أنا عارفة ان انت مش هتنفذ تهديدك عشان صاحبك بس لازم تعرف أنا وافقت عشان وليد وانت واعدتني أنك مش هتاءذيه
ماأن قالت ذلك و قد بدأت ملامح مازن تتغير واصبح شخص آخر
مازن بغضب جحيمي يعني الكلام ده افهم منه انك بتحبي وليد يانورهان وانتي لا شوفتيه ولا تعرفيه
نورهان بكدب أه بحبه من قبل مااشوفه
ترك مكانه من على مكتبه وكان في أقل من ثانية امامها
امسكها من ذراعيها يهزها في جنون.. مستحيل و عشان اللي قولتيه أنا هقرب ميعاد الجواز كتب الكتاب يوم الخميس زي ماقولنا والفرح بعد اسبوعين هيكون فرح اسطوري وياللا على مكتبك يا نورهان قبل ماارتكب جناية
~~~~~~~~~
نجلاء وزهير
تاني يوم احست نجلاء انها ان ظل زهير في المؤسسة ستارك عملها لانها لا تحب زهير او تطيقه
زهير دخل مكتبها
زهير.. الألم اللي انتي ايدتهولي فوقني يا انسة نجلاء
نجلاء ببرود العفو طب ممكن بس حضرتك تسيبني عشان ورايا شغل كتير.
زهير حاضر بس لي طلب قبل ماامشي وارجوكي فكر فيه
نجلاء..خير ياباشمهندس
زهير أنا طالب القرب منك وعايز اتجوزك يا نجلاء
نجلاء بعصبية بس أنا مخطوبة
زهير بغضب.. انتي فاكراني مختوم على قافايا أنا سألت وقالولي أنك مش مخطوبة
يبقى ازاي تقولي أنك مخطوبة ولا مقضيها مع ناس ناس
نجلاء انت وقح وقليل الادب
زهير أنا كمان اسبوع هتقدملك وهتوفقي والا ثم اخرج ورقة من جيبه الورقة دي فيها امضتك أعمل فيها اللي انا عايزه ممكن نخليها ورقة عرفي عليها امضتك وتبقىى فضيحة لبابا المستشار او اسجنك بيها  وتركها ورحل جلست على مكتبها تبكي لا تعرف ماذا تفعل
~~~~~~~~~
ممدوح واللواء نبيل فراج
الرائد ممدوح الكيلاني في مكتب اللواء نبيل فراج
اللواء نبيل..الخطة ماشية زي مااحنا عايزين لحد دلوقتي عايزين نوقع المندوه واللي وراه
في أقرب وقت
ممدوح.. بأذن الله يا سيادة اللواء بس لازم نصبر المندوه مش سهل
اللواء نبيل..بأذن الله ربنا ييسر
ترك ممدوح مكتب اللواء نبيل وذهب..وجلس نبيل يفكر في ماحدث من قبل عشرين عام
كان نبيل صديق عاصم السلحدار والد مازن
كان برتبة مقدم عندما جاءهه ان رفيق دربه عاصم في المستشفى بين الحيا والموت
عندما ذهب الى هناك وجد الفت اخته تبكي وابنه مازن الذي لم يتجاوز الحادية عشر وعلم من الأطباء ان عاصم يصارع الموت وزوجته سميرة ماتت بمجرد وصولها الى المستشفى
احد الأطباء لو يمكنك المريض عايز واحد اسمه نبيل فراج
نبيل أنا يادكتور
الطبيب صاحبك عندي حاول ماتتكلمش معاه كتير لان حالته بتسوء للأسف
نبيل حاضر..ثم دخل له وجده اربطة كثيرة تحيط بمعظم جسده
عاصم تعالى يا نبيل وصيتي مازن ماتسبوش راعيه
نبيل حاضر بس ماتتعبش نفسك
عاصم وخلي بالك من ، المندوه مش مصري أنا عرفت عنه كل حاجة
نبيل اهدى ياعاصم
ولكنه سعل ثم قال الشهادة وتوفي بين يده اخذ يبكي
رجوع الى الوقت الحالي
نبيل في سره ماتقلڨش يا عاصم ابنك هيجيب حقك وحق البلد عليه من المندوه واعوانه
~~~~~~~~
رستم وسنية شكور
رستم ياسنيةتعالي عايزك في موضوع
سنية طيب حاضر جايا بعمل كوبيتين شاي تروق المزاج
اتت بعد دقيقتين ومعها صينية الشاي
سنية خير يا رستم
رستم بقول ايه ياسنية فكرك لو أنا قلت لابن عاصم على مكان اخته وطلبنا اللي احنا عاوزينه هيسبنا في حالنا أصل أنا خايف من المندوه كل لما بيكبر بيتسعر على القرش وبيبقى ابخل.
سنية خلاص قول لابن السلحدار وهو أكيد هيقدر المعروف ده وهينغنغك
رستم أنا فعلا بفكر في ده وهنفذه قريب
لأني مش ممكن افضل على طول مع المندوه حاسس ان البوليس بيشمشم على غلطة
سنية..خلاص يبقى تيجي منك تستئذنه انك كبرت وماعدتش قادر على الشغل معاه وتخلع وبالفلوس اللي هناخدها من السلحدار تعمل بيها مشروع
رستم..ايوا هو ده عفارم عليكي يا سنية يا حبيبتي
~~~'~~~~'~~
عادل ومغاوري
عادل مغاوري عايز شريط وهاجبلك ازهار لحد باب بيتك
مغاوري بخبث ماشي ياحبيبي بس لو ازهار ماتجوزتهاش اخرب بيتك يا دولة ياحبيبي
عادل..هي خمس ساعات وهتكون عند
المأذون تكتب وتديلي الفلوس
مغاوري لا تجبها في العنوان ده وطلع كارت به عنوان وانا  هاديلك الفلوس والاصطباحة .بس آمضي لي على الورقة دي
عادل.فيها ايه الورقة دي
مغاوري فيها اعتراف أنك واخد مني 25 ألف جنيه أه عشان اضمن حقي ياابو نسب
عادل.. خلاص همضي بس هاتلي الشريط دماغي هتفرتكني
مغاوري طلع من جيبه علبتين ..شوف أنا حلو معاك ازاي قلت شريط هاديلك علبتين ياابو نسب هاهاها ياحبيبي يا دولة
~'~~~~~~~~
ابراهيم وكريم
ابراهيم..ياكريم بيه معلش طالب منك سلفة عشرة آلاف جنيه عمليات وشرايح لابني
كريم بخبث..وماله بس آمضي على وصلات الأمانة دي واول لما ازهار تبقى في بيتي هقطعهم واديك اربعين الف انت واخوك زي مااتفقنا
ابراهيم حاضر انهاردة هتكون مراتك يا كريم بيه وتركه بعد ان اخذ النقود وذهبت الى المسافة ليدفع جزء من مصاريف العلاج والعمليات وتوجه الى قصر طارق ابو الريش
~~~~~~~~~~~
تحيا وازهار
تحيا ازهار قومي عشان تفطري الساعة قربت على عشرة
ازهار ماصحتنيش بدري عن كده ايه ياعمتي
تحيا أنا ماردتش ازعجك ولولا انك ماتعشتيش كويس امبارح كنت سيبتك نايمة كمان شوية
تذكرت ازهار والدها وحنانه عليها عندما كان يستيقظ مبكرا قبلها في اوقات ماقبل المرض كان يحضر فطورها ويوقظها كي تفطر معه
تحيا مالك يابنتي بتفكري في ايه
ازهار بدموع افتكرت بابا الله يرحمهكان زيك قبل مايعيا كان بيعمل القطار ويصحيني عشان اكل معا الله يرحمه
تحيا..الله يرحمه يا بنتي وياللا بقى الفول والطعمية هتبرد
ازهار بابتسامة حاضر يا عمتو
~~~~~~~~~''~
الفت في مطار هيثرو
بعد ان جلست الفت في مقعدها في الطائرة نظرت بجوارها وجدت
الفت..انت
~~~~~~~~~'~
الفصل كده انتهى ارجو الفوت والتعليق
واشوف وشكم بخير حبايبي