حمم الجحيم(زمن السلحدار)مكتملة

part4

اللهم صل وسلم وبارك على سيدنا 🌷محمد 🌷وعلى آله وصحبه وسلم تسليما كثيرا عدد خلقه ورضا نفسه وزنة عرشه ومداد كلماته 🌹🌷☘

*************
قبل أي حاجة البارت حوالي١٩٠٠كلمة ارجو انه يعجب حضراتكم وقولوا رأيكم في القصة وتعملواوفوت
حنان و نورهان
حنان.. مبروك يا نورهان عقبالي
نورهان.. ربنا يعطيك الخير يارب
حنان.. نسيت اقولك مش اترفدت انهاردة يا نورهان
نورهان.. ليه يا حنان
حنان.. عشان ازازة بارفان ادشدشت غصب عني
نورهان.. مش تاخدي بالك..يا حبيبتي ثم تعالي هنا مش انتي لسه كسرة ازازة من شهر وشوية اعذريه بردوه هو تاجر وانتي بتكسري حاجته عايزاه يعمل ايه سامحك مرة قبل كده مش هيسامحك على طول
حنان.. ماانتي عارفة ان ساعات اعصاب ايدي بتخوني والحاجة بتقع غصب عني، بس سيبك الراجل اللي كان هياخد البارفان
دفع تمنه بعد ما سي فرج، قال هاخصمها من حسابك.. وكمان عرض عليا اشتغل في المؤسسة .
عارفة المؤسسة دي بتاعة مين  بتاعة مازن السلحدار
نورهان.. هو طلع مازن السلحدار
حنان.. بضحك لا بس انتي ايه حسيت أنك اتخاضتي انتي تعرفي مازن السلحدار
نورهان.. لا مااعرفوش بس اصله الصبح عطلني عن الشغل
حنان.. ليه بقى وازاي مااعرفوش وعطلك
نورهان.. مفيش موكب سيادته كان معدي فالمواصلات اتشلت وانا اتشلت معاها لحد لما عدا حضرته.
حنان بمكر.. مش انتي قولتي حرام الواحد يتكلم على حد بضيق ولازم نصفي نيتنا
نورهان.. استغفر الله ... ربنا يسامحني المهم مين اللي عرض عليك الشغل
حنان بسرحان اسمه اسر وهو فعلا يأسر القلوب يعنيه الحلوة
نورهان.. ها احنا قولنا ايه قبل كده لحقتي تنسي
حنان بمقاطعتها..انسي انتي و احكيلي يانورهان انتي عملتي ايه انهاردة
حكت نورهان كل ماحدث لها
حنان.. ربنا فعلا بيحبك أنك هتبعدي عن العيل الفافي ده
نورهان اللي فيه الخير ربنا أكيد عاينهولي
~~~~~~~~~
وليد في مكتبه
وليد للعسكري خد الورقة دي واديها للملازم فادي عصام هو والملازم علي النوبي
العسكري تمام يافندم واخذ الورقة
وليد عشان اشوف ابن....اللي ضايقها لازم يتربى وبكرا اديله رسالة يقولها ليها
~~~'~~~~~~
مازن في الطائرة
جالس في طائرته الخاصة ومعه اللاب توب يدخل على مواقع تجارية تابعة لمؤساساته العالمية
يبتسم ويتحدث في سره
_اول مسمار في نعشك يا دوجلاس قبل مااجيلك لازم اديلك التحية التمام ...هاهاها
عبثت يده في ازرار اللاب الى ان اتم مافعله ثم ارتشف بضع رشفات اتاته مكالمة من لندن
مازن.. ايوا يا اياد عوضه المهم دوجلاس قبل مااوصل يكون مخه لسع دا أقل واجب اعمله ثم إغلق الخط وعاد لارتشاف القهوة مرة اخرى واسترخى على المقعد و كأنه لم يفعل شيء ذا قيمة
~~~~~~~~~
جورج دوجلاس في مكتبه
دخل شريكه مايكل الى مكتبه منفعلا
مايكل..كارثة يا دوجلاس أنا وانت ادمرنا انت السبب قولتلك بلاش
ترك دوجلاس مقعده وذهب الي مايكل
دوجلاس في ايه يامايكل مالك
مايكل بانفعال أسهم شركاتنا كلها وقع ونزلت خسرنا كتير وكمان معظم السيولة راحت في أرض البارون
دوجلاس بوجه مرعوب.. ازاي؟
مايكل.. اسال ديفيد في البورصة، وهو هيقولك دا كله بسببك ان ياما قولتلك مازن دا جحيم اللي يوقف اوصاده يتحول لرماد ومابيرحمش ماصدقتنيش أنا دلوقتي عايز نصيبي من الشركة انت نصيبك كبير أنا نصيبي تلاتين في المية مااقدرش استحمل خسارة اكتر  الخسارة انت اللي اتسببت فيها بعندك.
دوجلاس.. لا ماينفعش تتخلى عني!؟
طرق الباب مدير اعمال دوجلاس الذي اذن له بالدخول وامتقع وجه عندما رأى فيه ملامح الأسى والحزن
مارك.. كارثة سير دوجلاس أسهم البورصة وقعت وقوع تاريخي اصبحنا مديونين ومفيش سيولة
جلس دوجلاس على أقرب مقعد احس ان قدمه لم تعد تحمله
~~~~~~~~~
الفت السلحدار
شعرت الفت السلحدار وهي في مكتبها بشعور الضياع عندما تتذكر تخرجها من كلية الاقتصاد بامتياز ومناقشة الماجستير كان بيساعدها وفجأة تدمرت احلامها هرب تزوج ابنة عمه التي لم تعيش معه الا ست سنوات وماتت كانت تنتظر ان يأتي ويتقدم إليها ولكن العمر تقدم بها ولم يأتي لا تعلم اهي كرامة ام ماذا هي احبته وهو لم يكلف نفسه ان يشرح لها السبب
رجعت الى اوراقها
اتتها مكالمة امسكت موبيلها
الفت.. الو ايوا يامازن ياحبيبي وحشتني بقالي تلت شهور ماشوفتكش
مازن.. أنا في الطريق
الفت بابتسامة اتبعتها  بضحكة صغيرة، ثم اردفت.. عرفت ان انت جاي لما سمعت باللي حصل لدوجلاس
مازن.. أعمل ايه بقالي فترة مالعبتش قولت أسخن
الفت.. بس ياحرام دي هتطلع من نافوخه
مازن.. تلميذك يا دكتورة الاقتصاد
الفت.. وانا بجد أشهد ان التلميذ تفوق على استاذه ربنا يحميك يا ابني أنا مستنياك على الغداء
مازن.. حاضر ياعمتو..ياللا سلام
~~~'''''~~~
دخل احد افراد امن الكازينو الى حازم كان وسط بعض  فتيات  البارات
الأمن حازم باشا في اتنين ظباط
جاينلك وعايزينك برا
حازم بخوف ظباط ليه
الأمن مااعرفش
ترك حازم الفتيات وذهب الى الخارج رأي ظابطين وعربة شرطة
الملازم فادي ومعايا الملازم علي
احنا عايزنك عندنا في القسم وارجوك من غير شوشرة عشان ماتطرناش لاستعمال العنف
ذهب حازم معهم دون ان يتحدث وكانت اسنانه تتخبط ببعضها من فرط خوفه نسى المحفظة هناك في الكازينو
~~~~~~~~~'
عادل خال ازهار
عادل رجل في منتصف الاربعينات
عادل..ماتقلقش يامغاوري اول ابوها لما يتكل وهتبقى في ايدنا هجوزهالك على طول
مغاوري..وانا لسه على وعدي كيفك وكمان عشرين ألف جنيه مهر كل ده عندي
عادل بطمع طب مفيش حاجة تحت الحساب
مغاوري لا ازاي ثم اخرج من جيبه كيس صغير في برشامتين
مغاوري دا حاجة بسيطة وانت وشطارتك يا ابو العدديل ياابو نسب
~~~~~~~~~
مصطفى و سهير مراته
مصطفى.. راح فين الباشا بتاع الكابريهات كان نفسي ابني يطلع راجل مش واحد غير متحمل حتى مسؤولية نفسه
سهير.. بالراحة مالك داخل كده أنا ابني مفيڜ احسن منه بس عايز حبة صبر
مصطفى.. لا ده عايز حبة نافتلين بلي يبلعها ونخلص منه
سهير بجزع.. بعد الشر حرام عليك
مصطفى.. أنا طالع قبل ماتتفقع مرارتي
وتركها وصعد الى غرفته
~~~~~~~~~
ابراهيم خال ازهار
ابراهيم الخال الثاني لازهار مع كريم مدير المصنع اللي بيشتغل فيه ابراهيم غني ومبسوط واعجب بازهار عندما رأته مع خالها في مرة وسأله عنه وعرف انها بنت اخته
كريم.. أنا ادفعلك ياابراهيم خمسين ألف ليك انت واخوك
بس ازهار تكون من نصيبي
ابراهيم بطمع اعتبرها في بيتك ياباشا بس شخشخ العملية كمان دي بنت اختي مهرها غالي
كريم لما يموت ابوها وتبقي عندكم ممكن ازودكوا الضعف
مش خسارة في العروسة
(الخسارة لما قرايبك يعتبروك سلعة تباع وتشترى)
~~~'''''~~~
فارس وسعاد
فارس رئيس حرس مازن السلحدار بيحب مازن ومخلص ليه طوله 190سم عريض المنكبين كان لاعب كمال اجسام واخذ دورات في الألعاب القتالية
لذلك يعتمد عليه مازن في معظم اعماله
سعاد مديرة القصر ارملة توفى زوجها منذ ثلاث اعوام لم تنجب منه احبت فارس وهو يبادلها الحب
سعاد اتت باكواب الشاي  الساخنة للحرس اللي على البوابة
رأها فارس فذهب إليها قبل ان تأتي اليهم
فارس..حسابك معايا بعدين أنا مش قولتلك ماتجبيش الشاي بعد كده اديني رنة وانا اجي اخده
سعاد.. هو ليه دا كله عشان جاية اشوفك وحشتني وانت بقالك يومين كنت فين
فارس بابتسامة بجد وحشتك هريحك أنا كنت في مهمة لمازن باشا وجيبتلوا الخلاصة ورجعت تعملي حسابك الباشا لما يجي من السفرية دي لازم نتجوز انتي فاهمة..
سعاد بخجل فاهمة وتركته وجرت الى الداخل
~~~~~~~~~
تحياوسارة في المطبخ
سارة امراءة في اواخر الثلاثينيات متزوجة من عوض السفرجي في القصر وعندها ولدان
تحيا.. بقولك ايه ياسارة يابنتي هو سعد بيه بيحب اكل ايه عشان اساعدك واعمله معاكي
سارة.. ياحجة تحيا أنا مش عايزاكي تتعبي نفسك انت ست طيبة واميرة وانا حبيتك من أول ماشوفتك
تحيا.. القلوب عند بعضها ولازم هساعدك يعني هساعدك
ابتسمت سارة.. خلاص اللي يريحك
~~~~~~~~~~
وليد وحازم في القسم
وليد ومعاه حازم زي الكتكوت المبلول بعينيه الوارمة وبعض الدماء تتقطر من فمه
وليد..اظن بعد العلقة التمام دي بكرا تروح الشركة وتعتذر للانسة نورهان وتبلغها الرسالة دى
الرائد وليد خطيبك قام بالواجب.  فاهم
حازم.. فاهم ... ايوا.ضحاااضر
وليد.. ياللا غور من وشي
~~~~~~~~~
مازن وبيتر
الحوار بالانجليزي بس هنخليه بالعامية عشان نفهم
بيتر..مازن انت دمرت دوجلاس ماعدش معاه الا اللي يعيشوا طول عمره بالستر زي مابتقولوا يا مصريين
مازن وفي فمه السيجار اهم حاجة اخدنا أرض البارون برخص التراب عشان يعوض خسارته
بيتر.. ده أول لما عرف ان انت في لندن طلب يقابلك وانت عصرته لحد لما قال انجدوني
مازن.. دي حاجة بسيطة للي يوقف اوصادي
بيتر.. بس انت ازاي قدرت توقع اسهمه في البورصة بالسرعة دي
مازن.. ماانت عارف ان لي علاقات في جميع أنحاء العالم
وقعت الاسهم وانا في الطيارة قبل مااجي
بيتر.. انت جبار أنا لولا اني عارفك كويس كنت قولت عليك زعيم مافيا
مازن.. هاهاهاها زعيم مافيا حتة واحدة أنا الحياة علمتني يابيتر ازاي اكون ملك الاقتصاد العالمي مجموعة مؤسسات السلحدار في جميع أنحاء العالم مالتي انتر ناشونال زي الاخطبوط ليها اذرع كتيرة تقدر تسيطر على دول مش اشخاص
بيتر.. انت بروفيسير يامازن نظر له مازن بحزن لا يعرفه الا المقربين له
لأن مازن كان يشعر بالحزن الحقيقي ... السعادة ليست أموال فحسب
يكفي انه منذ وفاة والده لم يذهب الى المدرسة الا في اوقات الامتحانات كان المدرسين يذهبون إليه في المؤسسة او القصر لم يحيا حياة صداقة المدارس اللعب مع اقرانه
الحياة مهما اعطتنا تأخذ منا الكثير دون ان ندري
~~~~~~~~~
كمال ونادية
كمال..أنا ياما قولتلك بلاش يا نادية أنا راجل قانون وماينفعش اخالفه أنا كل يوم ضميري بيوجعني اني طوعتك يانادية
نادية..مالك ياكمال ماانت كنت فرحان زي بالزبط اشمعنا دلوقتي جاي تقولي ضميري بيوجعني
كمال.. أنا لازم اقولها عشان أريح ضميري
نادية بخوف لا يا كمال ابوس ايدك بلاش
كمال عزم على ان يقول الحقيقة وهي تقرر ماتراه سليما اخذ الجريدة وجلس يتصفحها ببال مشغول
~~~~~~~~
سهير وحازم
سهير.. بخضة حازم ايه اللي عمل فيك كده ياضنايا
حازم.. مفيش ياماما حرامية طلعوا عليا حاولوا يسرقوني بس ضربت وانضربت
سهير بعدم تصديق لروايته ولكن
ماذا تفعل
سهير..طب ياضنايا اطلع خودلك دش وهتبقى حلو على الصبح
حازم..اسمه شاور ياماما مش كلمة الدوش البلدي دي
سهير بحنق..حاضر يا سي حازم يابني
~~~~~~~~~
مازن واسامة البنهاوي
مازن التقى بأحد النوادي الكبرى في لندن باسامة البنهاوي مساعد السفير للشئون السياسية
مازن اهلا اسامة بيه ايه الأنوار دي
اسامة اهلا بمازن باشا نمبر وان
ضحك مازن انت عايز الناس تقول عني بقلد محمد رمضان
اسامة لا أنا مش قصدي أنا اقصد كساحة السوق زي مابيقولوا عنك هنا في بريطانيا
مازن بنظرة جديدة.. أنا جاي اقابلك انهاردة عشان حاجة ممكن اسعد بيها أعز أنسانة عندي عمتي الفت
اسامة احس ان قلبه دق بسرعة حينما ذكر اسمها
مازن.. انت لسه بتحبها ولا نستها
اسامة.. أنا عمري مانسيت حبها انا بس الظروف هي اللي حطتنا في الموقف ده والدي الله يرحمه كان بيراعي بنت عمي لأنها كانت مريضة وكمان في مرة قالت له انها بتحبني
فاجبرني اني اتزوجها وماقدرتش اعيش في مصر واواجه الفت فاستقلت من الجامعة وجيت على هنا انا وبنت عمي وماتت بعدها بست سنين أنا كنت ارجع واطلب ايد الفت بس قلت زمانها نستني
مازن.. طب ماسألتش نفسك ليه سابت مصر من خمس سنين وجت هنا هي عمرها مانستك يا اسامة بيه الراجل هو اللي لازم يبتدي لان الست مهمًا كانت قوية الحب بيكسرها يا اسامة بيه أنا راجع مصر الليلة ارجو ان حضرتك تفكر وتروح تشرحلها الاسباب خليني اشوف السعادة في عيناها اللي ماشفتهاش من زمان 
~~~~''~~~
اللواء صبري اليزيدي ووليد
رن موبيل وليد وهو في غرفته
وليد الو ياباشا
اللواء صابر..انت خليت فيها باشا ينفع اللي بيحصل ده بتستغل منصبك في حاجات شخصية
وليد.. أنا ماعملتش حاجة واحد ناقص تربية وربيته
اللواء صابر.. يابجاحتك يااخي ده ابوك اللواء فهمي الله يرحمه عمره مااستغل منصبه مهما حصل لولا انك ابن اخويا وعارف ان دي مش اخلاقك لانها وزة شيطان كنت اتصرفت معاك تصرف مايعجبكش آخر مرة تحصل فاهم. ثم إغلق التليفون
~~~~~~~
الحاج رزق ابو الريش عم طارق
رزق.. ياسكينة ياللا عايزك تدبحي كم دكر بط عشان هنروح بكرا كلنا لابن اخويا طارق
سكينة.. وهناخد معانا فاطمة
رزق.. ايوا اومال هنسيبها في الدوار الواسع ده وكمان عشان تقدم في كلية الطب بتاعة مصر
سكينة أنا قلبي واكلني ياحج هنسيبها ازاي لوحدها في مصر
رزق.. أنا كمان قلقان بس طارق ابن اخويا لسه مااجوزش يمكن ربنا يهديه وياخد بنت عمه ونطمن عليها.
سكينة بفرحة..ياريت يبقى ربنا كاتبلهم الخير لو اتجوزوا
~~~''''''~~~
ازهار وابوها
ازهار..اصحى ياللا عشان تاخد الدوا
ازهار تهز كتفه مابيردش
ازهار.. اه ابويا رد عليا يابا ...ثم صرخت....؟!
~~'''~~~~~
اظن الفصل طويل ارجو التشجيع فوت وتعليق