حمم الجحيم(زمن السلحدار)مكتملة

part22

اللهم صل وسلم وبارك على سيدنا 🌷محمد 🌷وعلى آله وصحبه وسلم تسليما كثيرا عدد خلقه ورضا نفسه وزنة عرشه ومداد كلماته 🌹🌷☘
~~~~~~~~~~~~

وليد..مش ممكن
ممدوح..مالك يا وليد حصل ايه
وليد..مفيش بأذن الله خلال ساعة هيكون العنوان عندك
ممدوح شكرا يا وليد
ماأن اغلق وليد الهاتف حتى ترك مكانه وذهب الى نجلاء في محل عملها
ركن سيارته وسأل عن مكان مكتبها في المؤسسة.
كانت المؤسسة في الاستقبال تعج بالعاملين.. والامن فسأل هو في ايه مالكم بتجروا كدا ليه
فاجاب أحدهم بعد ان علم بوظيفة وليد كضابط ان مازن السلحدار سيحضر في غضون ساعة بطائرته الهليكوبتر والتي ستهبط على سطح المؤسسة وانه هو من سيقودها بنفسه
وليد في سرعة عظيم أنا لازم اقولها الاول
طرق وليد باب مكتب نجلاء
نجلاء و هي منهمكة في عملها
..اتفضل
دخل وليد وجلس في المقعد المقابل لمكتبها
نظرت إليه غير مستوعبة ان ياتي بدون سابق انذار
نجلاء..خير يا حضرة الظابط جاي من غير حتى رسالة تبعتها على التليفون
وليد..أنا جاي عشان حاجة مهمة لازم تعرفيها
نجلاء قلقتني في ايه
وليد ماتقلقيش بس كنت عايز اعرف انت كنتي عارفة انك مش بنت المستشار .كمال العدل؟
تلجلجت نجلاء فلم تستطع قول شيء فسكتت وادمعت ثم استجمعت شجاعتها وقالت عرفت منين
وليد..يعني انتي عارفة أنك فعلا مش بنت المستشار كمال بس ياترى تعرفي انتي اخت مين وبنت مين
نجلاء مايهمنيس أنا اهم حاجة عندي ماما و بابا هما اللي ربوني
وليد..بس انتي لسه ماعرفتيش انك اخت مازن السلحدار صاحب المنشأة اللي بتشتغلي فيها
تذكرت والدها كمال.. عندما قال لها انها كانت تقول «عايزة اخويا مازن» تساقطت الدموع، فلقد عرفت من هي، ولكنها تخشى من الايام المقبلة.
وليد..أنا هاتصل بزميل لي يبلغه ان انتي بتشتغلي في المؤسسة. وهو كده كدا جاي على المؤسسة كمان شوية.
اتصل بممدوح وقال له على كل شيءليبلغ مازن
~~~~~~~~~~
نورهان واسامة
اسامة..أنتي فعلا اتعذبتي كتير أنا آسف يابنتي كان المفروض ادور عليكي مش ايأس من أول محاولة
نورهان بدموع.. خلاص ماتزعلش نفسك ياخالوا أنا الحمدلله بقيت بخير بيكوا ..حضرتك. وعمتو الفت .ومازن..
اسامة.. أنا شايف مازن فعلا اتغير مش هو.. البارد، المغرور اللي بيقفل المرور، بجيش حراسه
نورهان..فعلا يا خالوا هو أتغير
~~'''''~~~~~
جونزالس..شوفت يادوجلاس اللعب بيبقى ازاي؟!
دوجلاس.. انت محترف ازاي قدرت.توقع اسهمه بالسرعة دي هي أي نعم مش ضربة شديدة بس أكيد هدوخه.
جونزالس..الجبل مش هيتهد بضغطة دناميت واحدة لازم ضربات كتيرة ووراةبعضها نفس النظام امراطوريته مش هتدمر من أسهم وقعت في بورصة لكن لما كل يومين تلاتة توقع أسهم هيبان المفعول بتاع ضرابتنا.
دوجلاس..انت تعلب مكار فعلا
الضرب الكتير بالحصى ممكن يموت.هاهاها...داانا بقيت بقول حكم حبيبي.
~~~~~~~~~
نيجار الحداد وابنة عمها رودينا
نيجار..رودينا الفلوس اللي عطاهالي السلحدار راحت والعربية الب_ام بعتها وماعدتش معايا حاجة أعمل ايه؟
رودينا..ماتحاولي معاه وروحيلوا تاني
نيجار برعب..لا مازن صعب وممكن ينسفني أنا هدور على واحد تاني أنا بفكر في طارق ابو الريش..هو وسيم وملياردير ..أه هو مش زي الغول مازن بس ممكن يساعدني
رودينابضحكة شريرة.. ياحرام دا لسه متجوز امبارح
نيجار..ماعشان كده هيخاف ويبقى زي العجين اشكله زي ماانا عايزة
رودينا..بس يا ناني برضوه انتي كده بتلعبي بالنار يا بنت عمي
نيجار بشر.. ماانا حظي وحش مفيش حد عايز يتجوزني ولازم أعمل كده عشان اعيش زي ما أنا عايزة
رودينا انتي عارفة هو ايه سبب اللي انتي فيه ده كله كويس. انتي يا بنت عمي مبذرة .
ولا مش فاكرة معتز الاسيوطي الوحيد اللي حبك بجد وانتي دوستي على قلبه عشان مش هيحقق امنياتك.
نيجار بعصبية بس بقى هو أنا الشريرة الوحيدة في العيلة ماانتي زي بتصطادي رجال الاعمال الكبار في السن.
رودينا..اسفة يا بنت عمي اني نصحتك في وقت لا أنا ولا انتي هنتقبل فيه للنصيحة احنا انجرفنا خلاص ضد التيار
وتركتها و ذهبت
بكت نيجار ولكن... احست ان قلبها لابد ان ينغلق وتدوس على قلبها كي تستطيع ان تعيش حياة الرفاهية التي تحلم بها كما تظن
~~~~~''~~
مازن ومروة اخته
هبطت طائرة مازن الهليكوبتر على سطح مؤسسته المعدة لهبوط الطائرة.في مشهد من مشاهد افلام هيوليود فمازن لديه بطاقة قيادة دولية ولديه مواهب عديدة ترك الطائرة واستقبله مدير فرع المؤسسة ونزلوا حيث مكتب نجلاء القاضي..تذكر ماقاله له ممدوح ان اختك موظفة في فرع الشركة لم يدري مدى سعادته حينما علم أنه اصبح قريب منها
كان معه كيس المقتنيات صورة لها وهي صغيرة وبعض الشعر العالق في احد امشطها التي كانت تسرح الدادة لها شعرها
دخل المكتب لم يشعر بنفسه انها هي اخته فهي كثيرة الشبه بعمته الفت ووالدته
مازن بدموع..مروة اختي وقفت واحست حقا بانه اخيها نفس الرجل الذي كان يترجاها بالا ترحل وتتركه مريض في احد احلامها.
لم تشعر الا وهي تحتضنه حضن اخوي والدموع تغرق عيناهما
كان وليد في الحجرة شعر حقيقة أن نجلاء اخت مازن حقا
وليد..على فكرة أنا وليد اليزيدي خطيبها واظنك عارف أنا مين
نظر له مازن بتكبر وقد تمالك نفسه
مازن..خطيبها ده كان قبل ما تعرف انها مروة عاصم السلحدار
اما دلوقتي مااظنش.
مروة..أسفة ياباش مهندس مازن
هو اختياري وخطيبي ومفيش حد هيفرقني عنه
ثم اخذت حقيبتها وقالت
وليد ممكن توصلني البيت
وليد..حاضر ياحياتي.ثم نظر لمازن بشماتة وتركه وهو يعيد حساباته مرة اخرى.
~~~~~~~~
طارق وفاطمة
تململت في فرشتها وتمغطت بعدها ثم نظرت بجوارها فلم تجده بعدما تذكرت انها في قصر طارق هي حقيقة احبته اكثر من ذي قبل ولكنها خائفة.
سمعت طرقات خفيفة على الباب
فاطمة ..اتفضل
فتحت الشغالة صباح
صباح..البيه بيقول لحضرتك تنزلي تفطري في الجنينة تحت