حمم الجحيم(زمن السلحدار)مكتملة

part25

اللهم صل وسلم وبارك على سيدنا 🌷محمد 🌷وعلى آله وصحبه وسلم تسليما كثيرا عدد خلقه ورضا نفسه وزنة عرشه ومداد كلماته 🌹🌷☘
~~~~~~~~''''~
قبل ماتقرأوا تصويت وتعليق
اضفت صور جديدو في فصل شخصيات وقصور لمن يريد أن يطلع عليها
مازن في الطائرة
مازن..الو ايوا يا اندرو عملت اللي قولتلك عليه
اندرو..كله تمام سيدي
مازن.. انا عايز اجي المكسيك وهو في...!؟
اندرو ..هيحصل ماتقلقش
مازن..عشان يبقوا عبرة للكلاب
أمثالهم ومحدش يفكر بس مجرد تفكير يبقى حكم على نفسه ينزل لحمم الجحيم اللي هتبلعه جواها
بعد أن أنهى المكالمة أتت مضيفة الطيارة بالقهوة وعصير الليمون لفارس
مازن..ها اخبارك ايه يامنى
منى.. الحمدلله يا باشا امي عملت العملية وبتدعي ليك ربنا يرزقك الزوجة الصالحة والقرش الحلال
مازن.. سلمي لي عليها
منى..حاضر يا مازن باشا
ثم غادرت إلى الكابينة المخصصة لها
فارس..حضرتك ناوي على ايه في المكسيك.
قبل أن يجيبوا أتته رسالة
ضحك مازن عندما تلقى الرسالة من اندرو يبلغه فيها أن كل شيء تم على أكمل وجه
مازن لفارس..الظاهر هتبقى رحلة استجمام كل حاجة خلصت قبل ما أحط رجلى فى مكسيكو سيتي. انا مجرد اروح هناك اضع اللمسات الأخيرة
فارس مبتسما.. باشا طول عمرك ياباشا
~~~~~~~~~
مر يومان على وجود طارق وفاطمة في بلدتهم الريفية
استيقظت فاطمة لتصلي الفجر نظرت إلى طارق الذي كان بالليلة الماضية يتأوه من وجع ضهره بسبب النوم على الأرض
فاطمة تهزه من كتفه وتقول.. طارق قوم عشان تصلي الفجر معايا
قام طارق  وهو يشعر بتعب في ظهره،وينظر لها بعتاب
طارق..والله لولا أني فعلا بحبك ماكنتش استحملت اللي بتعمليه فيا ثم ذهب ليتوضأ وصلوا سويا
فاطمة.. ممكن تكمل نومك على السرير انا مش هنام تاني خد راحتك
تركها وهو يشتعل غضبا واشعل سيجارة له ودلف الى بلكونة الغرفة.
....أتت وراءه
فاطمة.. ارمي السيجارة دي يا طارق صحتك انت بتشرب سجاير كتير
طارق همك صحتي انتي بتعملي فيا كده ليه والله ماخنتك انا بعشق تراب رجليكي
فاطمة..وانا كمان بحبك بس بغير عليك
طارق..غيرة ماشي. بس مش شك؟
فاطمة بهروب وانت مش كل لما تلاقي ماما وبابا تزنق فيا واحضان وبوس ماينفعش كده
طارق..مش انتي قولتي ادمهم نبين أننا سعدا بس بجد وحشني النوم في حضنك يا طمطم
فاطمة بخجل خلاص.. ممكن انهاردة افكر وبليل اقرر يا حضني يا تنام على الأرض
امسك طارق ضهره بطريقة كوميدية عندما قالت الأرض
ثم ضحكوا سويا
~~''''~~~~~~
في مشهد كمشهد صلاح عبدالله المخبر مع هند صبري في فيلم مواطن ومخبر وحرامي
كان زناتي يضرب توحة السايحة
ضرب مبرحا بالرفص في بطنها وبالصفع على وجهها وهي تستغيث فلا أحد يستطيع أن يقف في وجه زناتي لانه مثال للمخبر ذا الشارب الكث والعضلات المفتولة برغم سنه الذي تجاوز الستين
زناتي.. انتي روحتي لنيجار هانم ليه ومين اللي كان معاكي في العربية وانتي نازلة
توحة وهي تمسح الدم من فمها اقول..ده رفاعي الهواري هو اللي قالي اعمل نفسي خدامة واشتغل عندها وبعد كده هجيب ستات ورجالة الشقة ونقلبها دعارة ولما نبلغ مانسبش في الشقة غير تلت اربع بنات مش عايزنهم يلبسوا قضية دعارة مع الهانم وتطلع بفضيحة
زناتي ياولاد.....
سابها تلملم بقايا وجعها وذهب الي بيته يفكر فيما سيقوله لمعتز الاسيوطي
~~''''~~~~~
اسر و حنان
اسر..مازن سافر انهاردة المكسيك وكمان اسبوع أخته هتكتب الكتاب وتجوز معانا شروا هاهاها
حنان..بس بجد ولا الافلام أربعة هيتجوزوا في يوم واحد
اسر..نفسي يجمعنا أوضة واحدة عشان أنفس عن نفسي بقى ايه دا انا بقيت بحلم بليلة الدخلة
حنان..طب بلاش سهوكة رجالة وأمور المحن دي وامضي يا اسر الورق ده
اسر..يا ساتر مين دي ريا ولا سكينة ومضى الورق وظل يقهقه فترة بعد أن تركت المكتب وهي غاضبة
~~~~~~~~~~
دوجلاس في لندن
عندما فاق دوجلاس من المادة المخدرة التي أعطيت له قبل أن يرحل في صندوق دوبلوماسى الى بريطانيا
دوجلاس ..انا فين وانت مين
جيمس..انا جيمس ضابط في التحقيقات البريطانية
جيمس..جورج مارك دوجلاس
54سنة مطلق مظبوط
دوجلاس.. هو في ايه وحضرتك بتسأل ليه هو انا محبوس ولا على ذمة قضايا
جيمس..انا محقق من جهاز الوطني للمملكة المتحدة بنتهمك بتمويل جماعات إرهابية لعمل اعمال تخريب في المملكة ، والتجارة بالاعضاء، والرقيق الابيض، والمخدرات.
دوجلاس.. كل التهم دي انا كده روحت في ستين داهية ياريتني مااوحت نفسي أن انتقم من السلحدار اهو دلوقتي بجد مخي طار..ها لا انا فعلا مخي طار يا سلحدار.. مخي طار يا سلحدار
نظر له الظابط متعجبا من منظره ليكتب يحول إلى الطب النفسي لقياس مدى صحته العقلية قبل ترحيله إلى....«مش عارفة اسمها ايه عندهم نيابة احسبوها انتم بقى».
~~~~~~~~~~~
نورهان في دار رعاية الأيتام
أبلة رائيفة..ازيك يانور يابنتي انتي من ساعة وفاة نوسة ماجتيش لا انتي لا المهندس مازن
نورهان والله مازن مابينساش الدار ولسه لحد دلوقتي متأثر بوفاة نوسة وأنه مالحقش ينقذها.
رائيفة..دا قدر ربنا أراد أنه ياخد وديعته تذكرت نورهان ماقاله لها مازن قبل سفره
مازن..عايزك يانور تروحي الدار وتقوليلهم أن مازن هيحول الدار لأحد قصوره في الزمالك اللي فيها حمام سباحة زي ما كانت نوسة عايزة الله يرحمها
نورهان موجهة الحديث إلى أبلة رائيفة..نوسة قبل ماتموت كان نفسها في طلب تعمل حمام سباحة في الدار.طبعا الدار بحجمها الصغير مش هينفع فأحنا هننقل الدار لقصر من قصور السلحدار اللي في الزمالك
عشان تبقى اوسع وكمان هنخصص بص لتوصيل العاملين
أبلة رائيفة..ياه كل ده يابنتي ده كتير
نورهان.. مفيش حاجة كتير على فعل الخير وربنا يجزينا بالخير في الدنيا والآخرة
أبلة رائيفة..امين يارب العالمين
~~~~~~~~~~
ممدوح وفتنة بعد الزواج
ممدوح..انا مش عارف ليه مسبتيش رؤى مع ماما وعم عبد الصبور
فتنة..بجد يا ممدوح رؤى دي هي بنتي وحتى بأذن الله لما ربنا يكرمنا لأخواتي لها هتبقى بنتي ومش هفرق في المعاملة
ممدوح..طب ياللا بقى تعالي جنبي عشان ربنا يكرمنا بالذرية الصالحة.ونخاوي رؤى
فتنة بخجل.. حاضر جايا بس ثواني ادخل الحمام وهاجي على طول
ممدوح.. صبرني يارب
~~~'''''~~~
فى المكسيك
كان جونزاليس ينظر إلى ماريو بذهول
جونزاليس..ماريوووو انت ازاي بتصوب الرشاش عليا انت اتجننت
ماريو..ياللا ياجونزاليس معايا على قصر السلحدار في مكسيكو سيتي
جونزاليس ..هما فين الرجالة بتوعي دي خيانة
ماريو..رجالة مين الموني بيعمل العجب كل واحد باعك بنصف مليون دولار. حتى لوناردو السلحدار دفع ليه خمس اضعاف اللي انت دفعته وتعالى معايا بالذوق بدل ماتيجي وانت متكوم.
سلم نفسه بعد أن تأكد أنه قد هزم أمام السلحدار
في المقابل عندما وصل مازن إلى قصره في مكسيكو سيتي
ومعه فارس
وصل إلى مكتبه في القصر
وكان معه اندرو المسؤول عن فرع السلحدار في المكسيك
مازن..اخبار جونزاليس ايه
اندرو..ماريو لسه مكلمني وهو نصف ساعة وهيكون في بدروم القصر مربوط ومنتظر سيادتك
مازن.. انا طول عمري مابحبش الرشاوي بس للاسف بنضطر ليها عشان نكمل شغلنا
اندرو..بس حضرتك صرفت كتير عشان رجالة جونزاليس يستغنوا عنوه
مازن..طول ما الفلوس بتشتري النفوس هتقدر تعيش حوت وسط القروش
اندرو.. حضرتك بتقول حكم
بعد ربع ساعة كان وصل الى القصر أحد ضباط السي اي ايه  قابله مازن ثم قال..عشر دقائق وهسلمه ليكم
الضابط..لكم جزيل الشكر سيد مازن
بعد أن تركه مازن اخذ  فارس ونزلوا إلى بدروم القصر
جلس مازن على احد الكراسي مشعلا سيجاره
مازن..اهو شوفت يا عزيزي جونزاليس اللي يفكر يتحدى مازن السلحدار آخرته بتبقى ازاي
حبيبك دوجلاس كنت عايز اادبه دوجلاس بس ياحرام للاسف لسع وبيقول
مخي طار يا سلحدار
وانت بقى هسلمك تسليم أهالي  للامريكان اللي كانوا دايخين عليك من تهريب على الحدود وجرائم اغتيالات لعملائهم فأنت هتكون عبرة للي يفكر بس أنه يقول لا لمازن السلحدار
جونزاليس ببكاء كالاطفال لا بلاش تسلمني للامريكان ابوس ايدك
كان مازن اعطي إشارة لفارس الذى بدوره أعطى إشارة الظابط السي اي ايه ليدخل ويقبض على جونزاليس
بعد لما مشيو
مازن.. حضر نفسك هنمشي كمان ساعة.
فارس مبتسما.. خلاص كله تمام ياباشا.!!! احنا ملحقناش
مازن مبتسما بسخرية.. اعمل ايه الفلوس مفعولها. سحر.. يافارس .
~~~~~~~~~~
سعد ازهار
سعد..بقى خلاص عدى أسبوع على احلى ايام عمري وهنرجع مصر تاني.
ازهار..اي حتة انت فيها تبقى جنة ربنا يخليك لي ومايحرمنيش منك ابدا
سعد.. بقولك مانمد الإجازة شوية في كلام كتير لسه ماقولنهوش
ازهار..لا ماينفعش نسيب عمتو تحيا أصلها وحشتني
سعد خلاص حضري الشنط هنمشي على العصر
في هذه الأثناء تلقى مكالمة من هاتفه
سعد..الو ايوا يا طارق ازيك
طارق.. تمام بس لسه محصلش
ضحك سعد..شوفت يااخويا آخرة الهلس ربنا بيعاقبك
طارق..واي عقاب ببقى نفسي اقرب منها وبخاف على زعلها ماكنتش اعرف ان الحب بهدلة كده يابختك انت من اول يوم
سعد..اعوذ بالله قل اعوذ برب الفلق
طارق بضحكة خفيفة..اوعي تكون فاكرني بحسدك لا انا باأر عليك وبس
سعد.. بس طب ياللا مع السلامة انا مش فاضيلك
طارق بقى كده طيب مع السلامة يا صاحبي.
~~~~~~~~~~
في فرح حليم
بعد أن سلمت نادية على فريال دخلت نجلاء.
نجلاء..خالتوا فريال انتوا ليه ماعملتوش فرح في قاعة
فريال..لا احنا عملناه في المسجد للرجالة والحريم في الشقة فرايحي وكمان ابو عبير لسه متوفي بقاله كام يوم وهي بقت يتيمة فقلنا نسرع عشان ماتحسش بأن في حاجة نقصاها وتعرف أن حليم وام حليم اهلها
نجلاء..ربنا يبارك ليهم ويرزقهم الذرية الصالحة.
دخلت نجلاء للعروسة
نجلاء..بسم الله ماشاء الله حليم والله وعرف يختار
عبير بخجل..تسلمي يا قمر انتي مين بقى
نجلاء.. انا ابقى بنت خالة حليم

عند حليم في المسجد
بعد أن خطب الشيخ خطبة تدور حول الزواج ومفهومه في الإسلام ثم دعى للعروسين وكل من كان في المسجد فرقوا عليهم علب من العصير المرطب
ثم انتهى العرس
ودخل حليم وعروسته الشقة.
~~~~~~~~~
طيب يا زناتي خلاص أنا اتصرف بس البت ماعدتش تروح للهانم تاني
زناتي لا ياباشا دانا عطتلها علقة موت.
معتز..ليه يازناتي انت عارف ان انا مابحبش الضرب كنت هوشتها
زناتي..العالم دي ماينفعش معاهم التهويش ياباشا
معتز..طيب مع السلامة ولما اعوذك اقولك تعمل ايه هتصل بيك
زناتي تمام يافندم
قبل أن يذهب معتز إلى النادي ذهب إلى رفاعي الهواري ثم  إلى النادي حيث أنه يعلم أنها لا تزال في أحد كافتريات النادي
وصل إليها وجدها لم يستطع أن يتحكم في دقات قلبه التي تتصاعد وتيرتها كلما رآها
ذهب إليها واخذ احد الكراسي التي أمامها وجلس نظرت إليه وجدته احست بالشوق والحنين إليه فهي برغم غرورها وتكبرها الا أنها لا تزال تحبه وحقا أصبحت نادمة أنها خسرت حبه
معتز..ازيك يا نيجار هانم
نيجار..ازيك يامعتز انت زمانك اتجوزت وبقى عندك اولاد
معتز..للاسف مااقدرش اخدع اللي هتجوزها وانا لسه بحب اللي سابتني عشان خاطر الفلوس
نيجار بدموع..هتصدقني لو قولتلك اني دلوقتي حاسة بالندم اني ضيعتك انت فعلا حب عمري اللي خسرتوا بسبب
طمعي وانا مااستهلش واحد زيك
معتز..انتي تعرفي طارق ابو الريش
نيجار بتردد..ايوا في حاجة
معتز حكى لها ماقاله زناتي ورفاعي الهواري
نيجار فتحت حقيبة يدها وأخرجت شيك طارق..اودامك يا معتز انا بقالي يومين مش عايزة اصرف الشيك حاسة اني زي الحشرة المتطفلة بجد انا ماعدتش بفكر زي الاول ثم امسكت الشيك وقطعته إلى اجزاء كالاشلاء.
معتز..يعني افهم من كده أن ادي قلبي فرصة تانية. وأنه ماينجرحش زي المرة اللي فاتت
نيجار.. ايوا وماتخافش، مستحيل اجرحك انا فوقت... وعرفت انا عايزة ايه بالضبط، وشكرا ليك انك هتديني فرصة تانية.
~~~~~~~~~~
وبكده نكون عايزين تصويت وتعليق ياحلوين