حمم الجحيم(زمن السلحدار)مكتملة

part2

اللهم صل وسلم وبارك على سيدنا 🌷محمد 🌷وعلى آله وصحبه وسلم تسليما كثيرا عدد خلقه ورضا نفسه وزنة عرشه ومداد كلماته 🌹🌷☘
_________________

مازن السلحدار في مؤسسته
يرفع السماعة بيد وباليد الأخرى يمسك سيجارا رمزا للوجاهة
مازن:أنا لو عايز انيمهم من العشا.
هاعمل وانت عارف كده.
انا مفيش حد يقف اوصادي يا اسر وانت عارف كده كويس، اما بالنسبة لجورج دوجلاس فسيبوا للمرأة الحديدية و انت عارف هي هتصرف معاه ازاي لكن بقى لو ماقدرتش عليه يبقى ابواب الجحيم اتفتحتلوا و انا عارف أنا بعمل ايه وبالعب معاه ازاي،اه من الحق لما تخلص الشحنة اللي في المينا وديها في المخازن اللي في الصحراوي .
ثم سمع طرق السكرتيرة
مازن: ادخل ..ثم اكمل مع اسر
خلاص طب ياللا سلام .
دخلت فتاة في الخامسة والعشرين تمشي بمياعة لم يعيرها مازن أي اهتمام
نانسي :الآنسة نيجار برا يا فندم ادخلها
مازن بدون اكتراث:دخليها
دخلت فتاة في السابعة والعشرين مغرورة جدأ ولكنها تعلم تقلبات مازن المزاجية فلا تجعله يشطاط منها
نيجار: ها يا ميزو أنا عايزة عربية سبور أصل عربيتي القديمة عملت كم حادثة بقت شوارع
ضحك مازن ونظر الى عينيها مباشرة
مازن:الكدب حرام يانوجة ها أنا عارفك عايزة كام المرة دي ثم أردف بتهكم..أه خلي بالك كويس انا بعتبرك زي نانسي السكرتيرة واجهة حلوة شيك من المجتمع الراقي تبقى معايا في الحفلات عشاء عمل يعني موظفة عندي تحضر معايا ..وبمكافأة..هاهاها تليق انها تمشي مع مازن السلحدار وكل مرة افكرك ماتطمعيش في اللي ماتقدريش عليه اظن انتي فاهماني يانوجةانا مش بتاع حب ولاجواز.
ازدردت ريقها ثم قالت بس ياميزو أنا بحبك. بجد وعايزة ارتبط بيك.
مازن: بدون ان يرمش دا شيك بعشرة مليون تجيبي اللي انتي عايزاه .
اخذته منه بلهفة ثم اردف بتهكم..لوسمحتي يانوجة هانم ابقى خودي الباب وراكي أصله بيجيب هوا بارد
~~~''''''~~~~
في حجرتين بحمام  متواضعة صغيرة فوق السطح كان يجلس عابد هربيد
رجل في اواخر الخمسينات مريض وامامه ابنته ازهار فتاة جميلة ماتت والدتها منذ عامان واصبحت تخدم والدها المريض الذي احيل للمعاش استثنائيا بسبب مرضه و معاشه لا يكفي الدواء  يخشى عليها من اخوالها بعد ان يموت لانهم بلا قلب وطماعين قد يبيعوها ويزوجها  مقابل حفنة من المال
عابد بصوت ضعيف:ازهار يابنتي لما أموت.
قاطعته بصوت يتهدج من البكاء:بعد الشر عليك يابابا.
عابد بوهن:ماتقاطعنيش يابنتي عايزك تروحي لعمتك تحيا بنت عمي في العنوان ده وطلع ورقة مكتوب فيها العنوان..ثم اكمل بنبرة ضعيفة لاني خايف عليك من اخوالك
ازهار:طيب يابابا ريح نفسك وانا أعمل اللي انت عايزه حاضر.
~~~~~~~~
في فيلا مصطفى البيومي بعد ان رجع من مكتبه وتحدث مع زوجته
مصطفى: ياسهير انتي اللي دلعتيه لحد مابقى مالوش أي لازمة تقدري تقولي لي راجل شحط قرب على التلاتين ليه بياخد مصروفه من ابوه وامه أنا عايزه راجل يشيل مسؤولية
سهير: ده لسه شاب خليه يفرح بنفسه شوية
مصطفى: اكتر من كده دا ابن عاصم السلحدار كان عنده اتناشر سنة ومحدش كان يعرف يگسرله كلمة ودلوقتي العالم كله بين ايده وابنك حازم فين دلوقتي
أتى عليهم شاب في اواخر العشرينات
حازم:ايوا يا بابي
مصطفى بغضب: أنا مش قولتلك ميت مرة ماتقولش بابي دي أنا عايزك راجل يعتمد عليه مش لوسي بتاع بابي ومامي ياعيل، من بكرا تيجي عندي الشركة السكرتيرة بتاعتي هتفهمك على كل حاجة مفهوم
حازم: بس أنا مش عايز اشتغل
مصطفى: يبقى هحرمك انت وامك من المصروف
حازم باستسلام: خلاص يابابا بكرا چاي معاك الشركة
~~~~~~~~
طارق ابو الريش على سريره وبجواره فتاة ليل
نظر لها باشمئزاز ثم هز كتفها لكي تفوق
طارق..انتي ياحيوانة انتي ماشوفش وشك هنا تاني وفتح درج الكومدينو ورمى لها فلوس كتيرة
طارق:أنا رايح الحمام اطلع ماالئيش وشك والا ماتلوميش الا نفسك فاهمة ولا لاء.
الفتاة برعب: حا ااضر
ثم دلف الى الحمام
اخذت الفتاة النقود ومتعلقاتها ولبست ملابسها وغادرت القصر سريعا
شاهدتها الطباخة تحيا
تحيا: لا حرام ماينفعش اسكت
لازم اكلمه حتى لو فيها قطع عيشي لا وهو أكيد هيحترم سني وآني بشتغل عندهم من ايام والده.
أه والده الله يرحمه كان راجل بجد مكنش يحب الحال المايل ده
عم محمود السفرجي:ايه ياتحيا بتكلمي نفسك.
تحيا: لا بس لازم نشوف حل في  البنات اللي بتطلع وتنزل كل يوم
محمود: واحنا مالنا ربنا هيعقبه هو شوفي شغلك وسيبك انتي مش هتصلحي الكون
تحيا: أنا خايفة من غضب ربنا يامحمود يااخويا
محمود: البيه مابيرحمش ومش بيهمه كبير و لا صغير
تحيا بضيق: أنا اقوله واللي يحصل يحصل ها.
عندما نزل طارق من جناحه في الطابق الأول من القصر ووصل الى المكتپ
دخلت تحيا بالقهوة لطارق
طارق بعنجهية:حطيها هنا يا تحيا
نعم هذا المتغطرس لم يراعي فرق السن
وضعت القهوة على المكتب ثم تشجعت وقالت تحيا: يابيه كنت عايزة اقول لحضرتك حاجة
كان يدخن سيجارا
طارق:قولي يا تحيا أنا سمعك
تحيا:أنا بقول لحضرتك أنا مش عايزة اشتغل هنا
طارق:طب ليه يا تحيا
تشجعت وقالت: عشان ماينفعش اشتغل في القصر واقعد فيه وحضرتك كل يوم تجيب بنات يباتوا معاك وخمرة وحاجات كتير تغضب ربنا فوق يابني ربنا يمهل ولا يهمل
تحول وجه طارق الى لون الدم
طارق بغضب:بصي انتي تلمي حاجتك في أقل من نص ساعة وفتح درجة مكتبة واخرج رزمتين من النقود فئة المائة جنيه دول عشان خدمتينا عشرين سنة بس لولا كده كنت طلعتك من هنا بجريمة تاخدي فيها مؤبد وماتطلعيش منها.،.. ياللابره.
ذهبت دون ان تأخذ النقود
طارق:احسن ناقص كمان الخدامين يعلمونا نعمل ايه ومانعملش ايه
~~~~~~~~
عندما ذهبت نورهان الى الشركة التي تعمل فيها ،اخذت تتنفس بصعوبة بعد ان دخلت متأخر بسبب المواصلات اليوم كانت مزدحمة دخل عم محب
محب:أعمل الشاي بتاعك يانورهان يابنتي
نورهان: ايوا الحقني بيه. هو الحج مصطفى في مكتبه
محب: ايوا بقالوا ربع ساعة ومعاه ابنه حازم
نورهان: طب شكرا ياعم محب وجلبت معها بعض الاوراق وطرقت مكتب الحج مصطفى
مصطفى:ادخل
نورهان:أسفة سيادتك على تأخيري
اصل النهاردة وانا جايا من نفس الطريق اللي باجي منه كل يوم  كان في واحد بيقولوا اسمه مازن السلحدار قفل الشوارع بسبب عربيته وعربيات الحراسة بتاعته ولا كأنه رئيس الجمهورية
ابتسم الحج مصطفى
اما حازم قال بتكبر: خلاص انتي هتحكي لينا قصة حياتك
مصطفى غاضبا:حازم ماتتكلمش مع نورهان كده ثم نظر الى نورهان وابتسم معلهش يانورهان يابنتي سامحيه أول مرة يجي معايا
نورهان بأدب واحترام:مفيش حاجة ياحج مصطفى ثم تركت له ملف ليمضي عليه بعض الاوراق وانسحبت وخرجت الى مكتبها
مصطفى :حازم انت من اول يوم عايز تبوظ شغل الشركة يا بتاع بابي انت عارف نورهان دي ليسلها سنتين في الكلية وبتشتغل ومكافحة مش زي ناس
حازم:يوه خلاص يابابا وانا خارج اعتذر ليها
مصطفى:خلي بالك ياحازم نورهان خط احمر ومش اسمح ليك ان انت تخليها تسيب الشغل هي اللي ماسكة الشركة معايا
حازم بتمثيل: حاضر يابابا
~~~~~~~~~
بعد ان اخذت تحيا متعلقاتها وحاجاتها من غرفتها بجوار المطبخ وهي خارجه ودعت زملاءها
محمود.: ماتنسيش ابقي طمنينا عليك ياتحيا
تحيا: أنا معايا تليفوناتكم و ابقوا اتصلوا بيا.
وتركتهم و عندما وصلت الى البوابة وودعت الحرس مشت بعض خطوات ثم وجدت من ينادي عليها
سعد:دادة تحيا
نظرت خلفها وجدته سعد الدمنهوري ابن خالة طارق ولكن ليس مثله
تحيا:سعد بيه
سعد:في ايه يادادة ماسكة شنطة كبيرة ليه
تحيا: أنا سيبت طارق بيه
سعد: لو هو مزعلك في حاجة تعالي معايا وانا هاخليه يرجعك تاني
تحيا بحسرة: أنا اللي مااعدتش قادرة اشتغل عنده كل يوم بنات وخمرة وحاجات تغضب ربنا ياريته كان زيك يابني
سعد: طب هاتي شنطتك وتعالي عندي أنا محتاج حد أمين يمسك القصر ومش هلاقي زيك يادادة
تحيا: بجد يا سعد بيه
سعد: بجد  يادادة
تحيا بفرحة: ربنا يكرمك ويهدي سرك ويكرمك على اد نيتك الحلوى ويرزق بنت الحلال اللي تريح بالك ياسعد بيه
تذكر سعد هذا الحلم الذي تظهر به حور من الجنة احبها قبل أن يراها
ثم اخذ معه تحيا الى القصر
~~~~~''''~~~
نزل من سيارته في تلك الحارة الشعبيةثم دخل مبنى بسيط
صعد إلى الطابق الثاني رن الجرس
فتحت امراءةفي اواخر الخمسينات
فتحية:ازيك ياوليد ثم اخذته بالاحضان
وليد ابن اخت فتحية ضابط شرطة
فتحية بمكر بس أنا ملاحظة أنك بقيت بتيجي عندي كتير الايام دي في ايه يا ابن اختي
وليد أه يا فهمني انت بصي بقى ياخالتوا أنا بقالي فترة بشوف بنت هنا جارتكم شكلها حلو وبتلبس خمار وحاسس ان قلبي وقع
فتحية: قولي فين وانا هاروح اخطبهالك
وليد: هي في الشقة اللي جنبك
فتحية:يبقى انت تفصد نورهان لانها هي اللي لابسة خمار دي يابني بنت يتيمة متربية في ملجيء بس شهادة لله بنت فعلا ولا احسن من كده
وليد: انا عارف كل ده مهمتك يا خالتوا تقنعي امي بالعروسة
فتحية: خلاص سيبلي أنا المهمة دي يابن اختي ياغالي
لازم تتغدى معايا انهاردة انا عاملة محشي من اللي بتحبه
وليد:انت تأمر يا قمر
فتحية:ايوه يا واد يابكاش كول بعقلي حلاوة.
~~~~~~~~
ياترى ايه اللي هيحصل من مازن وحازم هيعاكس نورهان ويطهها في عيشتها ووليد هيخطبها ولا ايه اللي هيحصل
انتظرونا في البارتات القادمة
بأذن الله