#خو_مرت_بوي
#الجزء_السابع
طلع بوي من المطبخ وفتحت الكيسه كانت ريحتها مقرفه وفيها شعر وضوافر خامرات وقطن وبمبله مشركه وفيها طبق وفيها ثقوب ومكتوب موت وهلبا كلام مش مفهوم لوحتها وقعدت نعيط وفي نفس الوقت خايفه
من يلي حاطه هذا ماكانتش نفكر في مرت بوي قلت اكيد شخص تان
خديتها واني نرعش وحطيتها ورا بمبلي الغاز الفاضي
وجي في بالي طول نكلم خالتي ونشرحلها
مشيت لي دار صكرتها كويس واتصلت بي خالتي
قولتلها بوي لقاها ومايعرفش شن فيها
شهقت خالتي وقالتلي ردي بالك تلوحيها ولاه توريها لي حد اسمعي اليوم حاولي تجي عندي ضروري وتجيبخا ومن غير جنس مخلوق يعرف هذا سحر يابنتي وربي مايكتبله خير يلي دارها
سكرت منها الخط
ومشيت دستها تحت سريري واني نرعش مع بعضي دماغي استاكه قعدت نجمع في مواضيع لي بعض عقلي تفكيري مشوش
اتصلت مرت بوي بي بوي وقالتله احني اليوم عند خوي سمير نضفو في حوشه ومرات نعطلو لعند ليل
قالي بوي اني بنتغدا برا ديري خفيف
قلتله تخليني نمشي لي خالتي فريحه
قالي اي كل يوم هالفريحه مش معقول
قولتله بنقعد بروحي
قالي به بدلي وتوا نوصلك
خشيت لي دار وغيرت وكيف نحط في برفان خش بوي عليا
قالي ميسم قالتلي في لصقة كحله في دارها نبيها
مشي جيهة دولاب يلي جنب سريري وقعد يدور
جيت نجري قلتله توا نشوفهالك قالي به وطاح مفتاح سياره
نزل تحت سرير يدور
اني قلبي قريب طلع قلتله لالا اهوا توا نشوفه
الحمدالله لقيت مفتاح تحت رجلي ومشافش الكيسه
بيقعد يسألني شن ديري بيها وهيا مكانها في الكناسه
عطيته لصقه وطلع واني خديت الكيسه وغالقه خشمي ريحتها قويه عفن تقول ريحة جثه
حطيت برفان هلبا وصنه حتا بوي مايشمهاش
ركبت سياره واني في طريق قالي بوي شن هالريحه القويه شن شيشه كلها صابتيها على راسك
قلتله هيا قويه
قالي عدلي معاملتك مع ناديه ولاه والله ماحاتربحي معاي تعرفي السبته متعي ماترحمش توا هذت كلام هديكا المره تقوليها
واختك ميسم معقوله تتشمتي كيف ردو عليها ناس وقالو لا
اني نسمع ومصدومه وماخاطريش نجادل ونقوله تكذب عليك عارفه حايسكتني وحايصدقها
قالي تعرفي خوتك مره تانيه تجي شكوى منك والله ماراحمك من ضرب خيرا قلبك اسود
نزلت دمعتي بعد قالي قلبك اسود والله ماعمري تمنيتلهم شر بي العكس نحبهم بس معاملتهم ليا كلها كره
بوي داير الفرق بينا
قعدي يتوعد ويحكي واني نسمع وساكته وقلبي مكسور
