[188 BoyGroup] Summer Limited Series

『 Niang Niang Qiang 』

Niang Niang Qiang

[ Shao Qun x Li Cheng Xiu ]

ဂျပန် • အိုဆာကာ • နွေရာသီပွဲတော်

°•°•°•°•°•°•°•°•°•°•°

🏮🎆🏮🎆🏮

Yukata ကိုအခုမှ ပထမဆုံးဝတ်ဖူးလို့လားတော့မသိ ၊ လီချန်ရှို့တစ်ယောက် အနည်းငယ်မျှ ကသိကအောက်ဖြစ်နေသည်။ အကြောင်းကား ဝတ်စုံ၏ခါးပတ်က အနည်းငယ်ကျပ်နေသည့်အပြင် မာကြောသည့်သစ်သားခြေစွပ်ဖိနပ်များကြောင့် လမ်းလျှောက်ရခက်နေသည့်အတွက် သူ့မှာမတည်မငြိမ်ဖြစ်နေ၏ ။ သူ ခေါင်းခဏခဏငုံ့ကာ ခါးပတ်အား ပြန်ပြင်နေရတော့သည်။

[ T/N : Yukata - ကီမိုနိုလောက်မထူတဲ့ ဂျပန်နွေရာသီဝတ်အင်္ကျီ ]

" ဘာဖြစ်လို့လဲ "

ရှောက်ချွင်၏အသံက ခေါင်းထက်မှထွက်ပေါ်လာကာ လီချန်ရှို့ သူ့လက်ကို နှစ်ခါတောင်လွှတ်လိုက်သည့်အတွက် မကျေမနပ်ဖြစ်နေ၏။

" ခါးကနည်းနည်းကျပ်နေလို့ " လီချန်ရှို့တစ်ယောက် နေရခက်စွာပြောသည်။ " ငါမနေ့ညက ထမင်းအများကြီး စားလိုက်မိလို့ထင်တယ် "

ရှောက်ချွင်က လီချန်ရှို့၏ခါးလေးအား လက်တစ်ဖက်ဖြင့်ဆွဲဖက်လိုက်ကာ လီချန်ရှို့၏နောက်ကျောကို သူ၏ရင်ဘတ်ဖြင့်ဖိကပ်စေလိုက်သည်။ ထို့နောက်ပွေ့ဖက်ထားလျက်ပင် ခေါင်းကိုငုံ့လိုက်ပြီး ခါးပတ်ကြိုးချောင်ချိအောင်လုပ်ပေးရင်းနှင့် ခါးသိမ်သိမ်လေးအား တိုင်းတာကြည့်နေမိ၏။ သူ၏ခေါင်းထဲ၌ စကားစုတစ်စုသာတွေးမိနေသည် : တစ်ပွေ့စာလေး။ ရှောက်ချွင်တစ်ယောက် ကလေးများနှင့် မသင့်လျော်သည့်ပုံရိပ်များအား ပြန်တွေးမိနေသည်၊ သူဒီခါးသိမ်သိမ်လေးကို အားပါပါဖြင့်ပွေ့ဖက်ဆောင့်ဆွဲလိုက်တာတို့ ၊ ခါးပေါ်ကနူးအိအိချက်လေးတစ်ဝိုက်ကို လျက်ယူလိုက်တာမျိုးတို့ နောက်ပြီး ဗိုက်သားဖြူဖြူလေးတစ်ပြင်လုံးအပေါ် သူ့ရဲ့ . . .