قصص واقعيه:
#عدالة السماء
#للكاتبه baraaAli
#البارت السادس
افراكك والسجن يتشابهن #بالليل
تعااال الحيل خلص بعد ماضل #حيل💔
««في بيت أهل ساره»»
گام من السفره اللي گعد عليهاا متأخر بسبب دوامه وهوه يمسح بحلگه بالمنديل
احمد: عائشه جيبيلي الجاي
ام ساره: يمه خليهاا ترتاح گاعده تغسل بالمواعين خلي اني اروح اجيبلك
احمد: يمه أگعدي ماعليج انتي..... وينج مااريد اعيد الكلمه مرتين
عائشه: وهيه تغسل بالمواعين... صار بس لاتعصب
احمد: كسر نظاراته بعصبيه وهوه يتعوذ الشيطان
ام ساره: بحنيه على حال عائشه...... يايمه شبيك وياها صارلكم سنتين من تزوجتوا ماشفتكم طالعين مره..... هم أخذها خطيه تعشو تمشو سافروو... وحته كلمه حلوه ما گاعد تگلهاا
أحمد: يمه عائشه ماتهمها كل ذني كل الي يهمها شنو الغده شنو التنظيف وشنو الطبخ وشنو اسوي اليه
ام ساره: بفرح....... لعد شتريد يايمه هاي من الزينات لعد شرايد اكثر من هذه
احمد: ماراح تفهموني ياناس ماراح تفهموني كرهتوني بالزواج بكبره
««دخل عليهم سعد الي هستوه گاعد من النوم»»
سعد: شبيهم الحلوين كارهين الزواج
ام ساره: هذه اخوك مايقدر النعمه الي عنده
سعد: يمه عائشه من طينة جدتي الي كل همها زوجهاا وناسيه نفسهاا.. يمه احمد يريد وحده مشغوله بنفسها عدهاا اهتمامات غيره بعيد عن وحده فاهمه مو كل اولوياتهاا وحياتهاا زوجهاا تره الرجال هم يختنگ
احمد: يصفگ...... واخيراا لگيت واحد يفهمني
أبتسم سعد وهوه يطلع موبايله ويتصل على همام ويصعد غرفته..
همام: وهوه يغسل ادينه... هلا بأبو همام 😂
سعد: تخسه اسمي ابني عليك ههههه وهوه يدخل المسدس بالجيس...
المهم امانتك جاهزه شوكت تريد اجيبهاا الك
همام: بفرحه بهاي السرعه حصلت
سعد: لا لگيت واحد عندي نفس ماتريد
همام: ماشي اني راح اجيك هسه نطلع للشركه واخذه
سد سعد الموبايل وهوه يبدل ملابسه ويدعي الله يكفي همام شر المسدس ونسى يدعي لنفسه ان يكفيه شر هالمسدس
في 🌤صباح يوم الجمعه
نزلت ساره من جناحهاا وهيه هستوهاا گعدت من النوم شافت البيت هادئ مابي أله رسل وسجى ألي جانت گاعده عله ايبادهاا گعدت يمهاا وهيه تاخذ الايباد... تكره العالم الافتراضي الي غزه الدنيه خصوصا الاطفال
أبتسمت ألها وهي تحاول توصل المغزاهاا.. أنتي تحبين الحيوانات
سجى: هزت راسهاا بأيجابيه
ساره: زين تحبين الحيوانات بحضيرة خالج اسامه؟؟
