قصص واقعيه:
#عدالة السماء
#للكاتبه baraaAli
#البارت العاشر
صفنتلها ولگيت بروحي چم فلاح
چم واحد نساني وراح
أنه الزارع عشرتي بكل دروب الشوگ
جنت انشاف ما أنلاح
أنه الضويت چم ظلمه ودرب عاثور
وهسه بحسره اتاني يمرني اي مصباح
العله متوني غفو عافو بروحي الغيم
ومامرني بشر لا گلي هم ونزاح
يجيني محل وياخذ ضحكتي وياه
يبوگ السكته مني يعوف صياح
اثاريني محطه الناس بيه تعيش
وموعد هجرتي لمن يحس مرتاح
ايان: تدري ماتستاهل واحد يفرحك جمعت مصروفي وحرمت نفسي حته اسعدك بأبنك ««صرخ بقهر وهوه يضرب بصدره»» وانته شوف شسويت بيه كسرتني
ابو همام: بس بس انته وياه الظاهر اني سكتت الكم تتعاركون گدامي والدم واصل للركاب ماكو اي احترام شفتوا نفسكم كبرتوا وصرتوا ادوسون عله ظهري وأحترامي ««صرخ»» بوجه أيان..... أنته كف شرك عن زوجة أخوك وتأدب لا تعتبر اني غافل عن حركاتك..... حركاتك مال شوارع لا ادخلها ابيتي.... وأسمع وحطها ترچيه بأذنك لم تحط لسانك عله لسان زوجة اخوك اتذكر انته حماهاا «الموت الموت»» تفهم؟؟
اندار عله همام بنفس الصراخ وأنته اتق الله بحجيك الي تحجي مدري شلون راح اقابل بيك رب العالمين؟ صدگ اني ماربيتك عدل شاب وشكبرك ٢٨ سنه ماذوقتني بحياتك فرحه ابد؟
همام: رفع عيونه بصدمه لأبوه... اتمنى لو ميت وهوه صغير ولا شاف ابوه هيج يحجي عليه حسسه كأنو هوه ««ابن عااق»»
ابوهمام: اندار عله اسامه وأنته هم روح من يمي مااريد اشوف واحد بيكم
اسامه: بصدمه.... بويه واني شعليه؟ قسم بالله ماسويت شي؟
ابو همام: گلت روحووووووا من يمي
اسامه؛: بخووف صار... راح يريد يصعد للدرج وهمام وراه هم يريد يصعد لجناحه
ابو همام: بصياح.... همااااام أنته اطلع برا البيت مااريد اشوفك اليوم تفهم
اسامه: بويه الله يهديك وين يروح وهوه معصب خاف يصير شي بي؟
ابو همام: وين مايروح يروح خله يطلع حرگته بنفسه ولا يطلعها بالمسكينه الي فوگ هيه شنو ذنبها؟ ذنبها انو اولادي مابيهم حظ واحد صايع والثاني عصبي مايتفاهم؟
جر حسره اسامه عله حالهم وصعد... شاف رسل تحجي وي اميره بعصبيه
رسل: كله منها كرهت اخواني ابعضهم
اميره: اني اول مره اشوف ايان وهمام هيج يتعاركون عبالك اعداء مو اخوه وعله سبب تافه
اسامه: بالضبط... وخصوصا همام صارله فتره وضعه مو طبيعي.. وسمعتوا كلام ابويه عليه اوووف
رسل: يله اترخص.... راحت الغرفتها بقهر من ساره كرهتها... اخويه يتعاركون من وراها... اكره اشوف اهلي متشتتين
««دور الاخوان في البيت اهم سلسله في التربيه اذا سقطت حلقه تساقطت الحلقات وتفرقوا كلهم»»
ماكو احد يسمعني هسه حته صديقاتي صديقات مصلحه علاقتهن فقط بالدوام ومن ينتهي الدوام محد تعرف بعضها..... بقت لازمه الموبايل وأتصلت عليه بلا شعور... هوه الوحيد الي تريده يضمها أذا ضاقت الدنيه بيها... رد عليها بأستغراب:
