زهراء علي:
#عدالة السماء
#للكاتبه baraaAli
#البارت السابع عشر
لفت رسل وجهه وشعرها اطاير وابتسامه عريضه... قصده عمتك؟؟
طاح الكوب والموبايل من ايده بصدمه؟؟ وهوه يباوعلهاا وابو سلطان يباوع بأستغراب للموقف
سلطان: اي هيه هاي رسل نفسها؟ ليش بويه خلصن النسوان مالگيت غير هاي.. وليش ماگتلي حته ابنك اكبر منها ب 6 سنوات
ابو سلطان: بويه سلطان تعال سلم شنو هالاستقبال هذه.
سلطان: باوع الابوه وشاف الفرحه بعيونه والله اني جنت حاس هدوءها مو خالي اكيد وراه مفاجأه القذره الحيه لفت عله ابويه
بس شلون اگول الابويه هاي جانت تحب ابنك وهسه اخذتك كل هذه تخطيط حته تنتقم الله ياخذها
بس شلون اگولك يابويه والله مااگدر اكسر فرحتك وانته انطيتني كل حياتك حته تكبرني وماتخلي وحده تذلني
ابتسم ابتسامه باهته وهوه يباوع الرسل بكرهه.
على فكره انتي راح تصلحينه... ويأشر بسبابته على الموبايل
رسل: مشت برقه گدامه وهيه تصعد الدرج بأنوثه متعمده... شالت الموبايل وبأصابعها تضرب جتف سلطان بضحكه... اصلح هواي اشياء ياسلطان مو بس الموبايل.. رفعت حاجبها وهيه متأكده انو فهم كلامها
سلطان: دار وجهه عنهاا شلون تتجرأ تلبس هذه اللبس وهيه تدري بهذه البيت هوه موبس ابوه.. صرخ بداخله قهر من قذارت تفكيرهاا
نزل بسرعه وهوه يبوس راس ابوه.. الف مبروك بويه؟ اني طالع تأمرني بشي؟
ابو سلطان: بأبتسامه طيبه حسب بداخله انو ابنه مايريد يحرجهم...... لا بويه سلامتك
«« في الشركه»»
دخل على مكتب ملاك بضحكه وهوه يگعد على الكرسي گدامها.. اخت ملاك اول مايجي استاذ همام خلي يتفضل عله مكتبي بسرعه
وله اگول خلي يمر على قسم المحاسبه يدفع 500 الف
ضحكت ملاك عله ضحكت سعد وفرحته الي مبينه... بسم الله انتوو مو بتايلند شنو الرجعكم
سعد بخبال وهوه يلعب بحواجبه... الشوگ ياگلبي الشوگ.... يله خلي اروح... بس ها موتنسين تبلغينه
ابتسمت ملاك وهيه تلحگه بلابتوبها للمكتب مالته.... زين يابو الشوگ... شوف شنو رأيك؟
گعد عله المكتب مالته واخذ اللابتوب منها وگعد يباوع عليه بأعجاب
اما ملاك گاعده گدامه وهيه تباوع عليه بهدوء لاول مره من يوم العرفت سعد هوه مامنطيها وجه او يكلمها بعفويه.. باعد نفسه عنها بشكل حد الشغل فقط.. عكس همام الي اربع وعشرين ساعه مطيح ميانته وياها بحكم القرابه
««في سياره احمد»»
وگف السياره بعصبيه گدام بيتهم.. اخذ نفس وهوه يطفي السياره عصبيته ماراح تفيده بشي حاليا غير انو اميره تربح بأول جوله... نزل من السياره وهوه يفتح باب البيت وينزل الجنط
