زهراء علي:
#عدالة السماء
#للكاتبه baraaAli
#البارت السادس عشر
ابتسم ابو همام وهوه ينزل استكان الجاي عله الطاوله: والله ياأحمد مااعرف شگولك بس يبقى القرار الاول والاخير للبنيه.... وخاصه هيه هستوها طالعه من تجربه فاشله.
احمد بهدوء: البنيه مطلقه من ثلاث سنين اتوقع وقت كافي تراجع بي.
ابو همام: ابتسم..... ماشي راح اروح اشوفها..
احمد: اذا جانت موافقه تره العقد يوم الخميس
باوعله اسامه بأستحقار من تفكيره عبالك جاي يستعير حاجه ويمشي ولا كأنو زواج ومسؤوليه
««في تايلند»»
طلع بالبلكونه وهوه 🥤يشرب العصير شاف همام منتجي عله ركبه وايده على راسه وموبايله وراه
تقرب عنده بأستغراب وهوه يگعد بصفه.. خيرك همام؟ ان شاء الله الاهل بخير؟
همام: دار وجهه بضيگ عبالك ماصدك سعد اجه يمه..... ببحه وعيون حمر...... اااخ تبجي واني حلفت ما تضوگ المر
قاطعه سعد بحكمه: ياهمام هاي مو حاله من اجينا وأنته تحجي بيها اذا تريدها لا تكابر.... ارجع ماراح ينقص من رزقك شي لا تجذب عله نفسك والله ماتگدر
همام: سند نفسه عله سعد... لا أگدر
سعد: اتراهن وياك من 500 الف لو گدرت تصبر اسبوع هنا بدون ماتضعف وترجع؟
همام: ضحك بتصنع... وهوه يحاول يخفي ضيقه...طول عمرك مادي....اراهن؟
ضحك سعد عله همام لان التكابر مبين على وجهه
وهوه يگوم حته ياخذ راحته.... اتصل على اخواتك حته تنطيك اخبارهاا.. لاتموت عليه وتبليني
حك همام لحيته بضحكه وهوه ياخذ موبايله.
««في بيت الجدة عائشه»»
سمت بسم الله وهيه تنطي استكان الجاي الجدتها... الي گاعده وترمي بفصم التمر
الجده: أگعدي اكعدي اكلي تمر. گاعده اشوفج نحفانه
عائشه ضحكت بدون نفس وهي تسند نفسها ع الحايط.... مدت ايدها وهيه تاخذ موبايلهاا الي نبها بوصول رساله؟
طارت عيونها وهيه تشوف الرساله من احمد.. عدلت وگفتها وهيه تفتح الرساله بسرعه وجان نص الرساله:((ادعوكم الى حظور عشاء عقد القرآن يوم الخميس المصادف ٢/٢/٢٠١٧ في منزل خالد ابو همام))
وبعد هم دزلها رساله ثانيه:((تكونين اول الحاضرين ان شاء الله؟ اهناك راح تاخذين ورقة الطلاک الي تردينه يجرالج.. لان ماعندي وقت اجيبها الج.))
صرخت بقهر وهيه تشمر موبايلها بالگاع ودموعها بعيونها: حقير وربي حقير
باوعتلها الجده بصدمه من حالها: هاا خيرج؟ منو قهرج جعل گلبه يضيق ويبشروني بي.. اهدي يمه
عائشه وهيه تبجي: طاحت عله رجلها... يمه احمد راح يتزوج عليه يگولي حظري نفسج واخذي ورقة طلاگج من هناك
