قصص واقعيه:
#عدالة السماء
#للكاتبه baraaAli
#البارت الثاني
مرات البشر يحتاج واحد يلچم جروحه
ومرات الملح چذاب ويسولف بالملوحه
طحنه بنص هوه العشاگ خو ماصرنه مرجوحه
الشمس زعلت علينه هواي شافت ورده مذبوحه
صفنتلهاا ولگيت الناس كلمن ملتهي بروحه
*********************
احمد + أيهم أخوة ساره
أحمد: ها خويه أيهم قرب عليه وضمه وباس راسه
أيهم: يتلفت وره أحمد بلكي يشوفهاا
أحمد: مالگيتهاا أقسم بالله مالگيتها ياخويه گلبت الدنيه عليهاا
أيهم: هيه قريبه علينه
أحمد: يتفاجئ 😯 وأنته شمدريك
أيهم: يضرب مكان گلبه.... هذه ياخويه يحس ويشم ريحتهاا بس وين راحت أبيع الدنيه وأشتريهاا
ركبو سيارة أيهم وهوه يتحرك البيتهم؟؟
أحمد: تعبت خمس سنين صابر بلكي گلب أبويه يحن جنت أعرف يوم حريتهاا شوكت وجنت دائماا اوگف گدام الباب حته أضمهاا وأشم ريحتهاا ولم وصلت مالگيتهاا
حط راسه عله الشباك بضيق...... گال أبويه تنسوها بس مانسيت تدري؟ بعد حريتهاا بشهر حلمت بيهاا
چانت تبجي وتگول ليش خليتوني جان داير مادايرها حشرات وهيه مربوطه وياكلون بجسمهاا وجان حولهاا جبل على هيئه رجال يضربهاا بالسوط جانت تگول وينكم أخوتي تعالولي 😢
أيهم: كافي أعوذ بالله من حكمك كله من الشيطان
بعد ماوصلو البيتهم
أيهم: أحمد خويه أمسح دموعك لاتشوفك أمي
بعد مرور ١٥ دقيقه.. أجت ريم للبقاله بعد مافهمها السالفه عبد الله
عبدالله: هاي ريم اللي سولفتلج عنهاا
ساره: اهلاا ريم شلونج
ريم: الحمدلله
ساره: اي ياريم سولفيلي شلون عرفتي
ريم: تبجي.... جان يجي هنا للبقاله وجنت أشوفه حته أنطاني رقمه وصار يلاحگني لمدة شهر حته بديت أميل أله..... حبني وحبيته وأنطيته صوري.. الى أن يوم من الأيام گالي أطلعي وياي وأني رفضت وهددني بصوري ومكالماتي توصل لأخوتي وصرت أطلع وياا لحد ماأنخطبت وافقت حته أفتك من همه وبعد ماعرف بخطوبتي گالي أستعجلي بالزواج حته أطلعين وياي بالسهوله
ساره: أنطيني رقمه
قاطع كلامهاا ضرب الباب بقوه تلثمت بشماغهاا وضمت ريم وعبدالله بالمخزن وفتحت الباب
همام: بعصبيه بأي حق ياأخي تقفل الباب وتگطع رزق الناس
ساره: عيونهاا بالارض حقك عليه الله يطول عمرك
همام: بعد مااريد هاي الحركه تنعاد ««گعد على الكرسي»» أنطيني ملف الحسابات
طلعتله ساره ملف الحسابات وگفت گدامه وظلت تباوعله
ساره: رجله شطولهاا.. بعدين ذوله شياكلون تگول ناطحة سحاب
