تعريف الشخصيات:)
عايلة رند
سعد رجل بسيط طيب وحنون بحاول يوفر لاولادو اي شي عايزنو ودايما بحاول يخليهم مبسوطين
سمية ام رند طيبة شديد ومتواضعه مقضيه كل وقتها مع بناتها بتفهمهم بدون م يتكلمو وبتتعامل معاهم كانها اختهم بتحبهم وبحبوها
نورسين الاخت الكبيره اكبر من رند بسنه بتقرا مختبرات ومخطوبة لولد عمها
رائد اول م تشوفو بتحس انو قاسي بس لما تتكلم معاو وتعرفو كويس بتعرف انك غلطان بحب اخواتو وم بعرف يعبر عن مشاعرو بقرا طب
رند طيبه وظريفه بتحب اخوانها وامها وابوها وبتعتبر ميهاف ورغد اخوانها
عايلةة ميهاف:
الهيثم ابو ميهاف رجل اعمال مشهور كلمتو مسوعه طيب وحنون هادي بس اذا عصب بتحول لوحش(وكل اولادو زيو حتى ميهاف)اي شى ولا اولادو بحبهم بجنون وموفر ليهم كل وسائل الراحة
اسراء ام ميهاف طيبة وحنونه مغرورة شويه بس بتحب اولادها ومهتمه بنفسها ولبسها بتحب الحفلات والتجمعات صاحبة مكانه ف المجتمع
عزام اخو ميهاف الكبير وشغال ف شركة ابوه متزوج دانيه بت عمو حلوة وطيوبه
غسان ضابط شرطه متزوج عزه اخت دانيه بتشبهه اختها
غيث بتحس انو بارد وم بحب الكلام الكتير بس مع اخوانو غير من النوع الم بعرف يعبر عن مشاعرو وصعب تعرف هو بفكر بشنو
مناف توأم ميهاف بفهمو علي بعض ومعظم وقتهم بقضو سوا بحبو المقالب وماف زول سلم من مقالبهم حتي الشغالين
ميهاف البت الوحيده حلوة شديد مستعدة تتدافع عن البتحبهم وممكن تخاطر بنفسها عشانهم بتحب الضحك والونسه بتعتبر رغد ورند اخواتها ولانها وحيده حبتهم بسرعه مغروره شويه بتكره شي اسمو خيانه وكذب ولو حبت بتحب بصدق وبتكرهه من الاعماق
اولاد الهيثم بتميزو بالجمال جمالهم خارق ومعروفين بالذكاء والدهاء جدتهم(ام امهم) ايطاليه وبعرفو يتكلمو بكم لغه و الشي المشترك بينهم حبهم ل ميهاف
رغد&طلال💛🌻
عصافير الحب بعشقو بعض للجنون مكملين لبعض بحبو بعض من ايام الطفولة وطلال صمم انو يتزوجها واتزوجو اول م دخلت الجامعه عانو كتير بس اتغلبو على المشاكل طلال اشتغل وكون نفسو اشتغل ليل ونهار واشتري بيت صغير قدر حالهم وبقا بداوم ويشتغل ورغد مرتاحه معاو
ف بيت ميهاف:
دخلت وكانت تترقب مقلب من مناف استغربت الهدوء اكيد هدوء م قبل العاصفه دخلت الصالة وشافتهم قاعدين متوترين واي واحد ماسك تلفونو و امها تبكي ودانيه وعزه معاها معدا مناف كان مسترخي سمعت غسان
غسان:ابدأو البحث حالا..كيف يعني اقول ليك من الصباح..م تجنني وارسل دوريه و الا اعتبر نفسك مفصول
ميهاف:بسم الله الرحمن الرحيم مالكم
كلهم عاينو ليها مناف:الله جابك مت جوع وقالو ماف اكل اذا م جيتي يلا جهزو الاكل
الهيثم:كنتي وين غسان بدون تفاهم لصق ليها كف من امو اظن تلاته ايام م حتقدر تسمع مناف غمض عيونو وقبل وشو وكانو حس بالم تؤام روحو ميهاف ابتسمت بالرغم من الالم البتحس بيو:اسفه 😳رغد تعبت ومشينا معاها المستشفي وم قدرت اخليها براها كلهم سكتو لانهم عارفين علاقه ميهاف ورغد و ورند و عارفين بتحبهم شديد بس خافو عليها
عزام بعصبيه:غساااان 😠
غيث وقف قدام غسان :جنيت انت ليه تضربها😠
غسان:لازم تحس بالشي الحسينا بيو شايفه الكف دا وجعك صح نحن قربنا نجن انتي عارفه من متين بنتصل عارفه الافكار البتجينا بكلفك شنو لو اتصلتي وكلمتينا والمدام الجامعه م طارت ليها
اسراء:خلاص ي غسان المهم انها بخير
الهيثم:غسان حصل خير ميهاف غيري وتعالي للغداء
ميهاف:بالهنا اتغديت مع رغد وطلعت غرفتها
مناف:قلت ليكم هي بخير وم صدقتو هي توامي لو كان حاصل ليها اي شي كنت حاحس بيو
الهيثم:وانا قاعد ماف واحد يمد يدو ل ميهاف طول م انا عايش م ليكم الحق تحاسبوها فاهمين وكم مره قلت ليك امسك نفسك ولو اتكرر الموقف دا حتشوفو شي م بعجبكم كلكم فاهمين
غسان:انا ي ابوي
احمد:م تبرر ي غسان انت جرحت الغاليه غسان طلع
عزام:اعذرو ي ابوي كلو من خوفو عليها انت عارف مكانة ميهاف عندو
احمد:عاذرو بس هي اختكم وحيدتكم م ليها ف الدنيا غيركم لو اتعودتو من هسي م تسمعوها لما تكبر م حتسمعوها م حتقيفو معاها حتتعودو تضربوها والمسكينه م بتلومكم وم بتزعل منكم خليو يعرف غلطو ويصلحو م ممكن يكون بالهمجيه دي
ف غرفه ميهاف كانت دموعها تنزل بصمت وقفت قدام المرايه بعد استحمت وغيرت كانت حاسه بالم شديد ف خدها وفكها مسحت دموعها لما سمعت صوت طق ف الباب دخل غسان بعد سمحت ليو
ميهاف:اووو غسان ف غرفتي نورت والله
غسان عاين ليها بحزن و اسف مهما زعلها وضربها بتعاملو بطيبه دايما بتبرر ليو مواقفو حضنها وباس راسها:اسف م كان قصدي
ميهاف:ماف داعي تعتذر انا غلطت كنت اتصل ليكم وم اخليكم تخافو على
غسان ودي صفاتها حتفضل زي م هي:اسف يالغاليه سامحيني كلو من خوفي عليك
ميهاف:اصلا م زعلت
غسان:يوجعك
ميهاف:شويه
غسان:خدك لونو احمر
ميهاف:بروح بعدين
غسان مسك يدها:يلا ي جميل لازم تقعدي معانا ميهاف ابتسمت ومشت معاو
