بعد الغدا غسلت ميهاف العده ومشت ل رند ومشو ل رغد ميهاف حكت ليهم قصتها واتاثرو شديد ميهاف:هههه واي دا شنو ليه الدموع صراحه معرفتكن
رغد:الواحد م يتفاعل معاك رند ضربتها ميهاف:م يد انثي نهائي ضربتها تاني:م يد انثي نينينيني كلام فارغ قومي جيبي الاندومي
رغد:ههه ومعاك العصير مره وحده
ميهاف:لا والله عندي ميه يد
رغد:طيب طيب بجيبو براي ومشت جابتو وميهاف جابت الاندومي
رند:اجري جيبي الشيبس وتعالي رغد عاينت ليها:لالا دي كترتو ميهاف رفعت اكمام البجامه:تحتاج ضرب بس
رند:اجي بسم الله مالكم استهدو بالله ميهاف اسي كنتي بتتكلمي عن الانوثه
ميهاف:اخدت اجازه
رغد:قومي جيبي باقي الحاجات وشوفي ميهاف صحت ميهاف:لا انا بشوفها
رغد:لا بتصحيها عشان تلعب معاك
ميهاف:اجي تلعب معاي كيف يعني شافعه انا
رغد:واحلى شافعه كمان
رند:علينا عارفين حركاتك ميهاف شالت السفنجه ورمتها فيها رند جرت قبل م تضربها ميهاف:تجيبي الجلطه بعد ساعه من الضحك والونسه والاكل اي وحده مشت بيتهم وعمار وكوثر وساميه جو ل رغد
عمار:وين ميهاف
رغد:نايمه
ساميه:وماهر خلاك براك ليه
رغد:كانو معاي ميهاف و رند عمار عاين ل كوثر فهمت نظراتو وقعدت جنب رغد:انتي كبيرة و واعيه وعارفه انو الحياة م بتتوقف بموت زول
رغد:صح بس قاطعها عمار:يبتي الموت م معروف ل منو وانا اليوم معاك وبكره م معاك ف واحد اتقدم ليك وانا لي اسبوعين بسال منو وم شاء الله طلع محترم دكتور ومعروف الكل يشهد باخلاقو العاليه
رغد:بس انا م عايزه اتزوج
عمار:يعني اخليك تتعذبي كده انتي م نسيتيو و نحن م نسيناو فكري كويس وانا منتظرك
رغد:م يحتاج افكر م موافقه
عمار:واذا قلت ليك انا وافقت بصفتي ابوك
رغد:اعمل البريحك بس انا مستحيل انسي طلال وم حاكون مبسوطه معاو وحتظلمو لان قلبي مات بموتو حاشوف ميهاف بعد طلعت كوثر:م كانك قسيت عليها
عمار:اسوي شنو ي كوثر م عايزه تقتنع لو خليتها حتجن كلو لمصلحتها رايك شنو ي ساميه
ساميه:انت عمها وادرى بمصلحتها حالها م عاجبني بس لو جبرناها م حتعيش مبسوطه
عمار بضيق:عندي شغل خليكم معاها وحاولو اقنعوها
**
دانيه:انا تعبت حامش ارتاح
عزه:وانا كمان
ميهاف:مشكله الواحد لما يعجز ويعمل فيها لسه شاب انا م تعبت ف زول بتعب وهو بتسوق
دانيه:شوف المعاقه دي عليك الله
عزه:عجوز ف عينك ي سجم نسيتي اني حامل
ميهاف:ههه طيب اسفين حامش قربت انتهي ومشت
**
رند:رائد ي رائد هوي ي معاق انت
رائد:مالك ي زفته بتكوركي مالك😠
رند:جيب لي شوكولاته
رائد:حيجي يوم وارتكب فيك جريمه اطلعي طلعت روحك
رند:حقير تطلع روحك براك رائد قام ومشي يضربها جرت و لحقها رند:وااي ابوي رائد داير يقتلني واي الحوقني خلاص معليش م دايراها خليتها
رائد:ضاربك ضاربك وقفت وقعدت تبكي:طيب اضربني بس براحه اسوي شنو يعني معندي زول اتونس معاو ولا حتي يجيب لي شوكولاته انا معندي اخوان معندي سند مدام انت اخوي سويت كده انا امش ل منو يعني رائد حضنها وبحنان:خلاص اسف حاجيبها ليك انتي عويره م تبكي انا اخوك وسندك ثواني اجيب ليك الشوكولاته ونتونس سوا طيب رند مسحت دموعها وهزت راسها رائد:هبله تاني م اسمعك تقولي كده فاهمه
رند:طيب سميه:الله يخليك طيب وعلى نياتك وحنون م زي غيرك
رند:سميه مالا غضبانه علينا اليوم
سميه:سميه سميه استاهل وين امي
رند:اوه شكلو شي كبير احكي لي ي جنتي ف شنو ضايقتك بشي رائد ضحك وطلع
سميه:ليه بترفضي ليه م عايزه تتزوجي يعني دايره تطبقي كلامك تقعدي تخدمينا
رند:امي عليك الله م تضغطي على
سميه:ف واحد ف بالك
رند:لا
سميه:طيب مالك تاني م بسمع ليك كلام رند باست امها ف راسها:سامحيني اذا غلطت فيك ف يوم واعفي لي ومشت قعدت ف الارض وبكت يا الله كيف انساو حبيتو من اول نظره اسوي شنو كلام امي صح حاقعد كده ل متين بس حبيتو والله حبيتو شكل حلمي مستحيل يتحقق
**
ميهاف بعد رجعت البيت مستلمه غيث ميهاف:بس عايزه اعرف ليه رافض
غيث:ميهاف الله يهديك خليني تعبان خليني انوم
ميهاف:عاطل وتعبان قوم اتفاهم معاي انا حاخطب ليك ديما اها قصرت معاك
غيث:عاطل دا كلام تقولي ل دكتور جراح مشهور بشتغل ليل ونهار وديما لا
ميهاف:اذا ف بت معينه ف بالك
غيث سرح شويه:ماف واختيني
ميهاف:طيب وريني هي منو زميلتك ف الشغل ولا سعوديه بس م تقول ايطاليه
غيث:رند
ميهاف:رند صحبتي م غيرها
غيث:اي ارتحتي يلا طيري
ميهاف:يسلام و مبروك مقدما
غيث:عايز اعرف اذا هي مرتبطه ولا لا
ميهاف:م مرتبطه خلي الموضوع على
غيث:طيب
ميهاف:يلا تصبح على خير و مشت ل مناف
ميهاف:اها احكي سنتين وانا م معاك
مناف:وكم شهر وتلاته ساعات الكل قال اني اتغيرت وبقيت بارد وشنو م بعرف بس م اهتميت انا فقدت جزء من قلبي نصي التاني اختفى يعني افرح اضحك اكون عادي ارجع زي م كنت م قدرت امش اي مكان كنا بنمش ليو سوا م عملت الحاجات الكنا بنسويها ميهاف انتي كل شي ف حياتي لمت نفسي ميه مره كل يوم بموت الف مره لو رضيت و وديتها بنفسي م كان حصل دا كلو
ميهاف:بس انت عارف ان كل شي ل خير صح مناف هز راسو
يتبع..
